Fréttatíminn - 03.02.2017, Blaðsíða 59

Iðnaðarmannafélagið
í Reykjavík:
Til hamingju með afmælið!
Smith & Norland hefur tengst iðnsögu Íslands og rafvæðingu landsins í næstum hundrað
ár. Sem fyrirtækið Paul Smith frá árinu 1920 til 1956 og Smith & Norland frá árinu 1956.
Paul Smith hóf árið 1920 að selja rafbúnað, meðal annars frá Siemens, til rafverktaka og
annarra fyrirtækja og lagði þar með grunn að þeirri þjónustu sem Smith & Norland veitir
fagmönnum á þessu afmælisári Iðnaðarmannafélagsins í Reykjavík. Hjá fyrirtækinu
starfa nú um tuttugu manns sem hlotið hafa formlega menntun í iðnskólum landsins á
sviði rafiðna. Þar með leggur Smith & Norland sitt lóð á vogarskálarnar við að efla góða
fagmennsku og gengur þannig í takt við Iðnaðarmannafélagið í Reykjavík.