Fréttatíminn - 17.03.2017, Page 4

4 | FRÉTTATÍMINN | FÖSTUDAGUR 17. MARS 2017
Dómsmál Dómur fallinn í morð-
málinu í Akalla í Svíþjóð.
Ingi F. Vilhjálmsson
ingi@frettatiminn.is
Maðurinn sem myrti Íslendinginn
Jón Gunnar Kristjánsson á tjald-
svæði í Akalla í Stokkhólmi í júlí
síðastliðið sumar var dæmdur í 18
ára fangelsi. Dómur var kveðinn
upp í Stokkhólmi á fimmtudaginn
í síðustu viku. Maðurinn, Björn
Kollberg, stakk Jón Gunnar ítrek-
að og sló hann svo í höfuðið með
rörtöng samkvæmt því sem kem-
ur fram í dómnum. Kollberg á að
baki langan sakaferil í Svíþjóð og
er 41 færsla um hann á sakaskrá
hans.
Samkvæmt dómnum í mál-
inu kom Björn á tjaldsvæðið og
vakti Jón Gunnar þar sem hann
lá sofandi í tjaldi en þeir höfðu
átt í illdeilum um nokkurt skeið.
Samkvæmt frásögn sjónarvotta
á tjaldstæðinu byrjuðu þeir að
rífast og endaði rifrildið með
handalögmálum. Björn tók svo
upp hníf og þá sagði Jón Gunn-
ar, samkvæmt frásögn vitnis:
„Ekki hnífinn Björn, ekki hnífinn
Björn.“ Björn mun svo hafa slegið
Jón Gunnar með rörtönginni eftir
að hafa stungið hann.
Málið hefur vakið nokkra
athygli á Íslandi enda var Jón
Gunnar íslenskur. Hann flutti til
Svíþjóðar árið 1983, þá tveggja
ára gamall, og hefur búið þar
síðan.
Ekki hefur komið fram í fjöl-
miðlum hvort dómnum í málinu
verður áfrýjað til hæstaréttar í
Svíþjóð.
Dæmdur í 18 ára
fangelsi fyrir morðið
á Jóni Gunnari
Björn Kollberg fékk 18 ára dóm fyrir
morðið á Jóni Gunnari Kristjánssyni
í fyrra.
Sjávarútvegur Samanlögð kvóta-
eign Samherja og dótturfélaga er
nærri þremur prósentustigum
meiri en HB Granda.
Ingi F. Vilhjálmsson
ingi@frettatiminn.is
Útgerðarfélagið Samherji ræður
beint eða óbeint yfir 13,89 prósent-
um aflaheimilda í kvótakerfinu á Ís-
landi. HB Grandi er stærsta einstaka
útgerðarfélagið með 10,95 prósent
heildarkvótans en Samherji á svo
mörg félög, að hluta eða öllu leyti,
að samanlagt verður sú prósenta
kvótans sem félagið ræður hærri en
eignarhluti HB Granda. Þetta kemur
fram í nýjasta yfirlitinu frá Fiskistofu
yfir kvótastöðu stærstu útgerðarfyr-
irtækja landsins.
Samkvæmt lögum mega einstaka
útgerðarfyrirtæki ekki ráða meiru
en 12 prósentum heildarkvótans
í landinu. Samherji Ísland ehf. er
langt undir þessu, með 6,24 prósent.
Þegar litið er til þess að Samherji er
ráðandi hluthafi í Síldarvinnslunni,
á Útgerðarfélag Akureyringa, Gull-
berg og Polaris Seafood þá rúmlega
tvöfaldast kvótastaða Samherja upp
í tæp 14 prósent.
Samkvæmt lögum er þetta í lagi
þar sem ekki er um einn einstakan
lögaðila að ræða sem á þennan kvóta
og aðrir hluthafar eiga hlutabréf í
Síldarvinnnslunni ásamt Samherja.
Samherji er hins vegar, að þessu
leytinu og á þessum forsendum,
stærsta útgerðarfélag landsins. Þetta
sýnir meðal annars þá miklu sam-
þjöppun sem átt sér stað í kvótaeign
útgerðarfyrirtækja á Íslandi: Hlutur
10 stærstu útgerðarfyrirtækja lands-
ins í aflaheimildum á Íslandi jókst úr
22 prósent og upp í 55,5 prósent frá
árinu 1990 til 2015.
Samherji ræður beint eða óbeint
yfir nær 14 prósentum kvótans á
Íslandi. Þorsteinn Már Baldvinsson er
forstjóri Samherja og stærsti eigandi
fyrirtækisins.
Samherji ræður nærri 14 prósentum fiskikvótans
Leitað milli
Gróttu og
Nauthólsvíkur
Leit að Arturi Jarmoszko verður
framhaldið í dag, föstudag, en þá
mun þyrla Landhelgisgæslunnar
fljúga yfir leitarsvæðið. Á laugar-
dag munu svo björgunarsveitir
frá Landsbjörg halda áfram leit
að Arturi Jarmoszko. Lögreglan
leggur áherslu á að enginn grunur
sé uppi um saknæmt athæfi. Guð-
mundur Páll Jónsson, lögreglufull-
trúi í rannsóknardeild, segir að
vel hafi gengið að kortleggja ferðir
Arturs áður en hann hvarf þann 1.
mars. Von sé á upptökum úr eft-
irlitsmyndavélum á heimahúsum í
kvöld, þar sé hugsanlega eitthvað
að finna sem varpað geti ljósi á
mannshvarfið en athygli lögreglu
beinist nú að svæðinu milli Gróttu
á Seltjarnarnesi og Nauthólsvíkur.
Lögreglan leitar enn að Arturi
Jarmozko.
Eignarhald Ólafs ekki
kynnt áður en Reykjavík
samdi við fyrirtæki hans
Samningur
Festis ehf. og
Reykjavíkur-
borgar var
undirritaður
á föstudaginn
í síðustu
viku. Hér
sjást Dagur
B. Eggertsson
borgarstjóri
og Heimir
Sigurðsson,
stjórnarfor-
maður í Festi,
og Róbert
Aron Róberts-
son, stjórnar-
maður í Festi.
Viðskipti Fasteignafyrirtæki í
eigu félags í Hollandi byggir íbúð-
ir á Gelgjutanga í Reykjavík fyrir
8 til 10 milljarða króna. Hollenska
félagið var áður móðurfélag Sam-
skipa. Framkvæmdastjóri félags-
ins segir að meirihluti íbúðanna
verði seldur en að um 20 prósent
þeirra verði leiguíbúðir.
Ingi F. Vilhjálmsson
ingi@frettatiminn.is
Fasteignafyrirtæki í eigu Ólafs
Ólafssonar í Samskipum mun
byggja 332 íbúðir á Gelgjutanga í
Reykjavík eftir að forsvarsmenn
fyrirtækisins undirrituðu samning
við Reykjavíkurborg á föstudaginn í
síðustu viku. Fyrirtækið heitir Fest-
ir ehf. og varð til árið 2012 þegar
fasteignafélagi Ólafs, Festingu ehf.,
var skipt upp í tvö félög. Íbúðirn-
ar verða hluti af hinni svokölluðu
Vogabyggð sem byggð verður á
tanganum. Meðal annarra eigna
Festis ehf. er stórhýsið að Suður-
landsbraut 18 þar sem félagið ætlar
sér að breyta húsinu sem þar stend-
ur og byggja viðbyggingu undir um
200 herbergja hótel.
Ólafur Ólafsson er einn þekkt-
asti fjárfestir landsins og var einn
stærsti hluthafi Kaupþings á árun-
um fyrir hrunið 2008. Fyrir rúm-
um tveimur árum dæmdi Hæsti-
réttur Íslands hann í fjögurra og
hálfs árs fangelsi vegna aðkomu
sinnar að Al Thani-málinu, stærsta
markaðsmisnotkunarmáli Íslands-
sögunnar.
Í svari frá Hrólfi Jónssyni, sviðs-
stjóra framkvæmda- og eignasviðs
Reykjavíkur, er eignarhald fyrir-
tækja sem borgin íhugar að semja
við ekki rætt sérstaklega og því kom
fortíð Ólafs ekki til tals í þessu til-
felli. „Undirrituðum var ljóst hver
var meirihlutaeigandi félagsins.
Það er hins vegar ekki gerð sérstök
grein fyrir eignarhaldi þegar samn-
Engar kannanir
eða kynningar voru
gerðar á eignarhaldi
fyrirtækisins Festis
ehf. Fyrirtækið er
í eigu hollensks
eignarhaldsfélags í
eigu Ólafs Ólafssonar.
ingar eru lagðir fyrir borgarráð af
hálfu skrifstofunnar.“
Eigandi Festis ehf. er fyrirtækið
SMT Partners í Hollandi sem jafn-
framt var um hríð eigandi skipafé-
lagsins Samskipa, sem Ólafur náði
að halda eftir efnahagshrunið 2008
af miklu harðfylgi. Samskip er í dag
sjöunda stærsta fyrirtæki Íslands
miðað við tekjur en árið 2015 námu
þær tæpum 90 milljörðum króna.
Stafirnar SMT standa fyrir orðin
Samskip, management og partners.
Annað hollenskt félag er nú orðið
móðurfélag Samskipa. Í ársreikn-
ingi Festis ehf. fyrir árið 2015 kem-
ur fram að félagið hagnaðist um ríf-
lega 102 milljónir króna árið 2015.
Festir ehf. átti fyrir allar
byggingarnar á Gelgjutanga, sem
liggur að athafnasvæði Samskipa
við Kjalarvog í Reykjavík, og mun
félagið rífa þessar fasteignir til að
byggja íbúðirnar. Heildarbyggingar-
magn á svæðinu er samtals 42 þús-
und fermetrar. Fimm lóðir verða á
svæðinu og mun Reykjavíkurborg
eignast tvær þeirra en framselur
aðra þeirra til Festis fyrir 326 millj-
ónir króna. Hrólfur segir að samn-
ingarnir hafa verið gerðir að frum-
kvæði lóðarhafa á svæðinu, meðal
annars Festi ehf. Gera þurfti samn-
inga þar sem Reykjavíkurborg réði
hluti af svæðinu og Festir hluta
sem lóðarhafi: „Samningaviðræður
gengu þess vegna út á að skilgreina
annars vegar réttindi lóðarhaf-
ans í nýju skipulagi og hins vegar
réttindi Reykjavíkurborgar.“ Aðal-
hagsmunir borgarinnar í samningn-
um, samkvæmt Hrólfi, eru þeir að
uppbygging á Gelgjutangasvæðinu
verði mikil og góð.
Jónas Þór Þorvaldsson, fram-
kvæmdastjóri Festis, segir að
heildarkostnaður við byggingu
íbúðanna verði á milli 8 og 10 millj-
arðar króna. Hann segir að Festir
sé ekki búinn að tryggja sér fjár-
mögnun fyrir framkvæmdunum
en undirstrikar að greiðlega hafi
gengið að tryggja fjármögnun á
íbúðarhúsnæði á Íslandi á liðnum
árum. Jónas segir að Festir muni
selja meirihluta íbúðanna, um 80
prósent, og að 20 prósent þeirra
verði leiguíbúðir. Hann segir að
fyrirkomulagið á útleigu íbúðanna
hafi ekki verið ákveðið, til dæmis
hvort Festir muni stofna leigufélag
utan um þessar eignir. „Eina sem
er bundið í samningnum er að 20
prósent af íbúðunum verði leigð-
ar út.“
Aðspurður segir Jónas að Festir
ehf. muni greiða innviðagjald til
Reykjavíkurborgar vegna niður-
rifs og uppbyggingar á götum og
gangstéttum á svæðinu. Hann seg-
ir að talsverður kostnaður falli því á
Festi við uppbyggingu innviðanna á
svæðinu. Hann segir að reikna megi
með að íbúafjöldi í íbúðunum verði
um 1000 talsins og rúmlega 3000 í
Vogabyggð allri þar sem til stendur
að byggja á milli 1100 og 1300 íbúð-
ir í heildina. „Þetta hverfi er alveg
úr sér gengið og hefur beðið þess
að fara í uppbyggingu. Þarna eru
gamlar byggingar og atvinnuhús-
næði þannig að það verður gríðar-
leg upplyfting að fá þarna ný og góð
hús. Þetta er íbúðarhúsnæði og ekki
vanþörf á nýjum íbúðum í Reykja-
vík.“
Jónas segir að framkvæmdir við
íbúðirnar geti hafist eftir um það
bil ár en að erfitt sé að segja til um
hvenær íbúðirnar verði tilbúnar;
slík fasteignaverkefni taki yfirleitt
á milli 5 til 7 ár að ljúka við.