Fréttablaðið - 19.05.2018, Qupperneq 82
Brasilíu hefur gengið
frábærlega síðan
Tite tók við þjálfun
liðsins fyrir tveimur
árum. Brassar fóru
örugglega í gegnum
undankeppnina og eru til alls lík-
legir. Brasilía er með tvo frábæra
markverði, sterka vörn, kraft-
mikla miðju og afgerandi leik-
menn í framlínunni. Það setur þó
strik í reikninginn að Dani Alves
verður ekki með vegna meiðsla
og Neymar er sömuleiðis að stíga
upp úr meiðslum.
Sviss vann níu af 10
leikjum sínum í
undankeppninni en
þurfti samt að fara
í gegnum umspil til
að komast til Rússland.
Svissneska liðið er þétt fyrir og
reynslumikið. Bakverðirnir eru
mikilvægir í sóknarleiknum en í
fremstu víglínu er mest ábyrgð á
Xherdan Shaqiri. Sviss komst í 16-
liða úrslit á HM fyrir fjórum árum.
Svisslendingar gætu endurtekið
þann leik en fara varla lengra.
5 mörk hefur
Brasilía fengið
á sig í 19
leikjum undir
stjórn Tites.
1 af síðustu sjö
HM-leikjum
sínum hefur
Serbía unnið.
64 ár eru síðan
Sviss komst
síðast í 8-liða
úrslit á HM.
2 sinnum í 4 tilraunum
hefur Kosta Ríka
komist upp úr
sínum riðli á HM.
Kosta Ríka kom
öllum á óvart með
því að komast í
8-liða úrslit á HM í
Brasilíu. Kosta Ríka
vann riðil sem innihélt
einnig England, Ítalíu og Úrúgvæ
og sló svo Grikkland út í 16-liða úr-
slitunum. Mikilvægasti leikmaður
kostaríska liðsins er markvörður-
inn Keylor Navas sem skaust fram
á sjónarsviðið í Brasilíu. Það verður
erfitt fyrir Kosta Ríka að ná viðlíka
árangri og 2014 og árangurinn í
síðustu leikjum gefur ekki góð
fyrirheit.
Serbíu hefur gengið
illa á síðustu stór-
mótum sem liðið
hefur komist á og
ekki farið upp úr
sínum riðli á HM síðan
1998. Serbar gerðu vel í undan-
keppninni og unnu sinn riðil en
hafa síðan skipt um þjálfara.
Serbneska miðjan er sterk með
Nemanja Matic sem besta mann. Í
framlínunni mæðir mest á hinum
óstýriláta Aleksandar Mitrovic
sem þarf að eiga gott mót.
HM í Rússlandi
E-Riðill
Þægilegt
fyrir Brassa
Þótt aðeins sex leik-menn séu í hópnum frá Heimsmeistaramótinu í heimalandinu árið 2014 er pressa á brasilíska landsliðinu að fara alla
leið og svara fyrir smánarlegt 1-7 tap
fyrir Þjóðverjum í undanúrslitunum
fyrir fjórum árum. Var það versta
útreið í sögu brasilíska landsliðsins
og fyrsta tap brasilíska landsliðsins
í keppnisleik á heimavelli í 29 ár.
Gerðist það á heimavelli þegar það
átti að fara alla leið og krækja í sjötta
heimsmeistaratitilinn. Með því átti
að svara fyrir tap gegn Úrúgvæ í
úrslitaleiknum árið 1950 þegar
tæplega 200.000 manns á Maracana-
vellinum horfðu á gullið renna úr
greipum Brasilíumanna.
Breytt landslag
Aðeins fjórir leikmenn sem voru í
leikmannahóp Brasilíu árið 2014
fara með til Rússlands. Thiago Silva
og Neymar voru fjarverandi gegn
Þýskalandi en Willian, Paulinho,
Fernandinho og Marcelo tóku þátt
í verstu stund brasilískrar knatt-
spyrnu. Luiz Scolari var gerður
að sökudólg og var honum sagt
upp og Dunga fenginn inn til að
stýra liðinu aftur. Entist hann í
stutta stund en honum var sagt
upp eftir hörmulega frammistöðu
í Copa America og undan keppni
Heimsmeistaramótsins og Tite
ráðinn inn en hann hafði stýrt liði
Corinthians með góðum árangri.
Í nítján leikjum hefur aðeins einn
tapast, æfingaleikur gegn Argent-
ínu, en Tite hefur tekist að mynda
sterkan kjarna sem reiðir sig ekki
eingöngu á einstaklingshæfileika
Neymars og er óhætt að segja að það
muni reynast hausverkur fyrir hvern
sem er að stöðva brasilísku sóknar-
línuna í Rússlandi í sumar.
Við ræddum við Carinu Ávila,
brasilískan íþróttafréttamann
fyrir TV Globo sem er stödd á
Íslandi en hún var send til Íslands
til að fjalla um undirbúning
Íslands fyrir Heimsmeistaramótið.
„Það er alltaf gerð krafa í Brasilíu
um að liðið vinni mótið. Lífið er allt
annað undir Tite, fólkið í landinu
var farið að hata Dunga og óttaðist
að við myndum missa af Heims-
meistaramótinu í fyrsta sinn í sög-
unni,“ sagði Carina en Brasilía hefur
verið meðal þátttakenda í hverju
móti, allt aftur til ársins 1930.
Fólk talar enn þá um tapið
„Hann gjörbreytti spilamennsk-
unni og úrslitin voru mun betri og
hann varð um leið dáður í Brasilíu.
Það er óhætt að segja að fólk sé
komið með miklar væntingar fyrir
mótið,“ sagði Carina og bætti við:
„Þegar Neymar meiddist óttaðist
fólk það versta en undir stjórn
Tite unnum við Þýskaland án Ney-
mars og það gefur þjóðinni meira
sjálfstraust fyrir mótið. Það hefur
oft einkennt liðið að ef stjarnan
dettur út þá missir fólk vonina,
Neymar er von Brasilíu en hann
er sem betur fer búinn að ná sér.
Stuttu síðar datt Dani Alves út
og fólk hefur núna smá áhyggjur
af því hvernig Tite leysir það.“
Hún segir að það sé einstök
stemming sem komi yfir þjóðina
þegar Heimsmeistaramótið hefst.
„Það er frábært að vera í Brasilíu yfir
Heimsmeistaramótið, allt í landinu
snýst um mótið og fólk vinnur varla
vinnuna sína og krakkarnir þurfa
ekki að læra. Þegar þú kíkir inn í
borgir eru þær eins og eyðimörk,
það eru allir að fylgjast með. Jafn-
vel þeir sem hafa engan áhuga á
fótbolta, mamma mín er gott dæmi.
Henni finnst fótbolti leiðinlegur
en hún fylgist alltaf með Heims-
meistaramótinu,“ sagði Carina
en hún man vel eftir 1-7 leiknum.
„Það er draugur sem ásækir brasil-
íska landsliðið fyrir þetta mót, fólk
er enn þann dag í dag sorgmætt og
talar reglulega um þetta neyðarlega
tap. Fólk er nokkuð bjartsýnt um að
við getum svarað fyrir það með því
að vinna bikarinn í ár.“
Ísland í uppáhaldi í Brasilíu
Carina dvelst hér á landi og hefur
gert allt frá því í byrjun mars en
það tók töluvert annað veður á
móti henni hér heldur en hún
hefur vanist. Að hennar sögn er
íslenska landsliðið afar vinsælt í
Brasilíu eftir Evrópumótið 2016.
„Þið eruð annað lið brasilísku
þjóðarinnar, þegar við erum ekki
að spila munum við fylgjast með
og hvetja Ísland áfram. Sérstaklega
þegar þið spilið fyrsta leikinn á móti
erkifjendum okkar í Argentínu,“
sagði Carina hlæjandi og bætti við:
„Íslenska liðið hreif í raun allan
heiminn á EM, komu inn sem
nýliðar og töpuðu ekki fyrr en
í átta liða úrslitunum og slógu
út England í leiðinni. Það vakti
mikla athygli þar sem þið eruð
ekki nema 340.000 manns, það eru
hverfi stærri en það í stórborgum
Brasilíu. Þetta er eins og afar lítið
þorp í Brasilíu myndi bara fara á
Heimsmeistaramótið. Íslensku
leikmennirnir eru hetjur í Brasilíu.“
Hún kann vel við lífið á Íslandi
eftir tvo og hálfan mánuð.
„Það er mun meira jafnrétti
hér á Íslandi og virðingin sem
er borin fyrir konum er aðdá-
unarverð, ég finn fyrir miklum
áhuga á íþróttum og umfjöllun.
Í Brasilíu snýst allt um karla-
íþróttir, sérstaklega þegar kemur
að fótbolta,“ sagði Carina sem
kann vel við íslensku náttúruna.
„Náttúran er ótrúlega falleg þó að
það sé yfirleitt svolítið kalt,“ sagði
hún hlæjandi að lokum.
Draugurinn sem ásækir
brasilíska landsliðið
Brasilíska landsliðið
í knattspyrnu mætir
fullt sjálfstrausts til
Rússlands í sumar.
Undir stjórn Tite
hefur aðeins einn
leikur af síðustu sautj-
án tapast. Brasilíska
þjóðin er enn særð
eftir neyðarlegt tap
fyrir Þjóðverjum árið
2014 en með því að
vinna bikarinn getur
næsta kynslóð eytt
þeim minningum.
Kristinn Páll Teitsson
kristinnpall@frettabladid.is
1 9 . m a í 2 0 1 8 L a U G a R D a G U R34 H e L G i n ∙ F R É T T a B L a ð i ð
1
9
-0
5
-2
0
1
8
0
4
:2
4
F
B
1
1
2
s
_
P
0
9
5
K
.p
1
.p
d
f
F
B
1
1
2
s
_
P
0
8
2
K
.p
1
.p
d
f
F
B
1
1
2
s
_
P
0
1
8
K
.p
1
.p
d
f
F
B
1
1
2
s
_
P
0
3
1
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
F
D
9
-D
D
D
8
1
F
D
9
-D
C
9
C
1
F
D
9
-D
B
6
0
1
F
D
9
-D
A
2
4
2
7
5
X
4
0
0
.0
0
1
2
B
F
B
1
1
2
s
_
1
8
_
5
_
2
0
1
8
C
M
Y
K