Morgunblaðið - 10.10.2017, Síða 22

22 MINNINGAR
MORGUNBLAÐIÐ ÞRIÐJUDAGUR 10. OKTÓBER 2017
✝ Margrét Sigur-jónsdóttir fædd-
ist á Norðfirði 20.
október 1927. Hún
lést á Hrafnistu í
Hafnarfirði 22. sept-
ember 2017. For-
eldrar hennar voru
Sigurjón Jónsson frá
Minni-Ólafsvöllum á
Skeiðum, f. 3.9.
1901, d. 29.3. 1984,
og Vilborg Páls-
dóttir frá Borg í Njarðvík, Borg-
arfirði eystri, f. 1.9. 1907, d.
31.10. 1999.
Systkini Margrétar eru: Guð-
rún, f. 30.5. 1925, d. 19.12. 2013,
Geir, f. 19.6. 1930, Páll, f. 3.3.
1935, d. 15.1. 2014, Sigurjóna, f.
13.8. 1940, og Sigurður, f. 25.4.
1945, d. 1.7. 2003.
Hinn 7. febrúar 1953 giftist
Margrét Jóhanni P. Koch Vigfús-
syni múrarameistara, f. 19.1.
1924 á Reykjanesvita, d. 7.9.
1996. Foreldrar hans voru Vig-
fús Sigurðsson, f. 16.7. 1875 á
Gilsbakka í Öxarfirði, d. 26.5.
1950, og kona hans Guðbjörg
Árnadóttir, f. 9.6. 1884 í Simba-
koti á Eyrarbakka, d. 26.12.
1966. Börn Margrétar og Jó-
hanns eru fjögur: 1) Vilborg,
lektor við HÍ, f. 25.5. 1953. Börn
hennar og Randvers Flecken-
stein eru: a) Jóhanna Margrét, f.
1941, og á hann einn son, Gunnar
Þór, f. 1979.
Margrét ólst upp á Norðfirði
og lauk gagnfræðaprófi þar. Hún
flytur til Hafnarfjarðar átján ára
gömul og fer þá í vist til Emils
Jónssonar ráðherra og Guðfinnu
Sigurðardóttur konu hans. Eftir
það starfar Margrét við Hress-
ingarskálann í Reykjavík og Hót-
el Valhöll á Þingvöllum. Margrét
stundaði nám við Húsmæðraskól-
ann á Laugalandi í Eyjafirði vet-
urinn 1946-1947. Fljótlega eftir
það heldur hún til Svíþjóðar þar
sem hún starfar og sækir nám í
umönnun nýbura. Þegar heim er
komið starfaði Margrét á fæðing-
ardeild Landspítalans og á þeim
tíma kynnist hún Jóhanni og þau
stofna sitt heimili. Margrét var
heimavinnandi meðan börnin
voru að alast upp og fram til árs-
ins 1972 en þá hefur hún störf hjá
Sambandi íslenskra samvinnu-
félaga. Þar starfar hún þar til
hún lætur af störfum sökum ald-
urs. Margrét var virk í ýmsum
félagsstörfum, s.s. í Norðfirð-
ingafélaginu og í Thorvaldsen-
félaginu. Margrét og Jóhann
bjuggu lengst af á Tómasarhaga
14 í Reykjavík. Jafnframt
byggðu þau sér sumarhús við
Þingvallavatn þar sem fjöl-
skyldan dvaldi flest sumur.
Nokkrum árum eftir lát Jóhanns
flytur Margrét á Snorrabraut
56b þar sem hún bjó meðan heils-
an leyfði. Síðustu þrjú árin dvaldi
hún á Hrafnistu í Hafnarfirði.
Útför Margrétar fer fram frá
Hafnarfjarðarkirkju í dag, 10.
október 2017, klukkan 13.
9.2. 1977. Börn
hennar: Emil
Freyr, f. 1996,
Eygló Ylfa, f. 2002,
og Ármann Logi, f.
2005. b) Lára
Marta, f. 21.11.
1979. Synir hennar:
Dagur Leó, f. 2006,
og Helgi Jóhann, f.
2012. c) Andrea
María, f. 13.6. 1990.
d) Jóhann Pétur, f.
17.6. 1994. 2) Vigfús, líffræð-
ingur, f. 3.3. 1955, d. 22.3. 2006,
kvæntur Þórdísi Sveinsdóttur.
Börn þeirra eru: a) Heiða Björk,
f. 1.5. 1982. Dóttir hennar er Em-
ilíana Ósk, f. 2017. b) Hannes
Bjarki, f. 14.5. 1987. Synir hans
eru: Matthías Orri, f. 2012, Ísólf-
ur Kári, f. 2015, og Baldur Ari, f.
2017. c) Hanna Björk, f. 26.3.
1989. d) Helga Björk, f. 3.7. 1993.
e) Hilmar Bjarki, f. 16.5. 1997. 3)
Pétur, kennari, f. 13.6. 1958,
kvæntur Ewu M. Sandgren og
eiga þau dótturina Grétu, f. 5.5.
1995. 4) Hafdís, hjúkrunarfræð-
ingur, f. 10.1. 1960, gift Jóni
Valdimarssyni og eiga þau syn-
ina Valdimar, f. 2.2. 1994, og
Martein, f. 11.5. 1996. Sonur Jóns
er Sveinn Atli, f. 1985, og á hann
eina dóttur, Aríu Írisi, f. 2014.
Fyrir átti Jóhann Sigþór Ívar
Koch endurskoðanda, f. 7.2.
Elsku amma Magga, meðan ég
sit og skrifa upplifi ég gleði og
sorg. Gleði vegna alls sem við átt-
um saman og sorg yfir því að þú
sért farin. Minningarnar eru
margar og yndislegar og munum
við varðveita þær vel.
Það sem ég horfði á þig og dáð-
ist að þér og hugsaði hvað ég ætti
fallega, fíngerða og glæsilega
ömmu. Ég skoðaði myndir og dáð-
ist að ömmu ungu sem var eins og
fegurðardrottning á hælum, hárið
upp á 10, fullkomið naglalakk og í
nýjustu tísku. Amma Magga mín
alltaf að, hvort sem það var í
vinnunni, heima eða í heimsókn-
um hjá okkur. Settist ekki oft og
vildi að allir væru saddir og eng-
um mátti verða kalt. Ég var oft að
spá í hvort þú yrðir aldrei þreytt,
amma mín, þú hugsaðir svo mikið
um aðra. Alltaf þakklát og nægju-
söm og sama hvað gekk á hélstu
áfram af dugnaði og krafti.
Við bjuggum í Ameríku í nokk-
ur ár og þótti mér skrítið að geta
ekki bara kíkt til ömmu og afa í
pönnsur eða smásteik. Við Lára
systir vorum svo spenntar að sjá
ömmu Möggu og afa Jóa þegar við
komum til Íslands frá Ameríku
eða að fá ömmu Möggu til Am-
eríku í heimsókn. Við hlógum mik-
ið saman að sögunni þegar ég var
skírð í Ameríku og þú komst ein
út til að vera viðstödd. Í athöfninni
voruð þið mamma beðnar að gefa
tóninn og þú vissir ekki hvaðan á
þig stóð veðrið því þið voruð alveg
vita laglausar. Við hlógum að því
hversu heppnir skírnargestirnir
voru að pabbi bjargaði ykkur og
þeim frá því að þið mæðgur tækj-
uð einsöng.
Við Lára systir eigum ófáar
minningar af næturgistingu hjá
ykkur afa á Tómasarhaganum. Þá
fengum við stelpurnar að gista
með þér í hjónarúminu og hafa
kósí. Afi Jói var settur í vinnuher-
bergið því það var stelpugisting.
Við systur dönsuðum og settum
upp leikrit og elskuðum að fá að
vera í hælaskónum, kjólum og
slæðum sem þú lánaðir okkur til
að leika með. Ég man hversu
svangar við vorum alltaf hjá
ömmu enda allt best sem þú eld-
aðir eða bakaðir, amma mín. Í
huganum sé ég þig skjótast milli
herbergja rösklega með svuntuna
og klára alls kyns verk hratt og
örugglega ásamt því að tryggja að
þínir nánustu væru vel haldnir og
fengju ást og athygli.
Ég elska allar sögurnar sem þú
sagðir mér, allar þær stundir sem
við áttum saman og hverja ein-
ustu minningu sem ég varðveiti.
Ég elska allar þær stundir allt frá
því við sáumst fyrst í Ameríku og
þú hélst á mér fram að því ég hélt
utan um þig og þú kvaddir þennan
heim. Á þessum 40 árum fékk ég
að kynnast konunni Margréti líka,
en ekki bara ömmu Möggu. Þvílík
kona. Falleg, góð, þrautseig,
vinnusöm, fyndin, ákveðin, dug-
leg, hlý, hógvær og sanngjörn.
Margrét Sigurjónsdóttir,
minning þín lifir að eilífu í hópnum
þínum og sú gjöf sem þú gafst
okkur með lífi þínu mun lýsa okk-
ur leiðina áfram.
Elsku amma mín, ég hef verið
svo heppin og lánsöm að eiga þig
að og börnin mín að eiga þig sem
langömmu. Þín verður sárt sakn-
að. Við þökkum þér fyrir allt fal-
lega sál.
Hvíldu í friði. Kærleikskveðjur,
þín
Hanna Gréta.
Þú varst okkur amma svo undur góð
og eftirlétst okkur dýran sjóð,
með bænum og blessun þinni.
Í barnsins hjarta var sæði sáð,
er síðan blómgast af Drottins náð,
sá ávöxtur geymist inni.
Við allt viljum þakka amma mín,
indælu og blíðu faðmlög þín,
þú vafðir oss vina armi.
Hjá vanga þínum var frið að fá
þá féllu tárin af votri brá,
við brostum hjá þínum barmi.
Við kveðjum þig elsku amma mín,
í upphæðum blessuð sólin skín,
þar englar þér vaka yfir.
Með kærleika ert þú kvödd í dag,
því komið er undir sólarlag,
en minninga ljós þitt lifir.
Leiddu svo ömmu góði guð
í gleðinnar sælu lífsfögnuð,
við minningu munum geyma.
Sofðu svo amma sætt og rótt,
við segjum af hjarta góða nótt.
Það harma þig allir heima.
(Halldór Jónsson frá Gili)
Ég hef notið þeirrar gæfu í líf-
inu að hafa fengið að verja miklum
tíma með ömmu minni. Amma
Magga, eins og hún var ávallt köll-
uð, passaði mig og Hönnu systur
oft þegar við vorum litlar og feng-
um við að njóta þess að spranga
um á fallegu spariskónum hennar,
máta gömlu ballkjólana og setja á
okkur slæðurnar og Parísarhúf-
urnar. Ég elskaði að gista hjá
ömmu á Tómasarhaganum. Þetta
var algjör ævintýraheimur, þar
sem hægt var að leika niðri í kjall-
ara og finna ýmsa dýrgripi, kíkja
með ömmu út á leikvöll og í mið-
bæjarferðir eða fá aur í buddu og
skottast út í Árnabúð eða Björns-
bakarí. Amma var líka snilldar
kokkur og enn þann dag í dag hef
ég ekki fengið betri steiktan fisk
en fiskinn hennar ömmu. Ekki var
baksturinn heldur af verri endan-
um, en dýrindis pönnukökur,
sjónvarpskökur og randalínur
voru oftar en ekki á boðstólum,
barnabörnunum til mikillar gleði.
Á kvöldin fyrir svefninn var amma
dugleg að segja sögur og söngla
kvæði. Ég elskaði sérstaklega
sögurnar af Pésa frænda og
prakkarastrikunum hans, sem
voru víst vel skreyttar eins og ég
hef komist að í seinni tíð.
Við fórum líka oft í sveitina til
ömmu og afa, þar sem þau höfðu
byggt sér bústað við Hestvík í
Grafningnum. Þar var dásamlegt
að vera, hvort sem var við að tína
bláber, fara í langar ævintýra-
göngur eða gefa kindunum brauð.
Þegar ég var komin á mennta-
skólaárin mín og þurfti að fá frið
frá yngri systkinum á prófatímum
var flúið í dekrið til ömmu. Þar var
bara svo gott að vera, enda pass-
aði amma alltaf upp á að manni liði
sem best. Amma var aldrei nein
dýrakona og sagði okkur oft sögur
af því þegar hún sem unglings-
stúlka var beðin um að mjólka kú
og var fljót að flýja af vettvangi af
hræðslu þegar kýrin fór að sveifla
halanum, eða þegar hún orgaði
hástöfum á póstberann, sem hélt
að eitthvað hroðalegt hefði gerst
en þá lá köttur sofandi í rúminu
hennar sem hún þurfti að fá að-
stoð við að bera út. Þrátt fyrir
þennan ótta sem hún hafði af dýr-
um lagði hún það nú samt á sig að
sýna öllum gæludýrum mínum
áhuga og virðingu, þannig amma
var hún bara. Ég er svo þakklát
fyrir allar þær dýrmætu minning-
ar sem ég á með ömmu minni og
að báðir synir mínir fengu að
njóta þess að kynnast yndislegu
langömmu sinni. Hvíldu í friði,
elsku amma. Þín
Lára Marta.
Elsku besta amma mín, það er
erfitt að trúa því að þú sért búin
að kveðja þennan heim en á sama
tíma er ég svo þakklát fyrir að
hafa átt ömmu eins og þig. Ömmu
sem var alltaf til staðar og alltaf
svo kærleiksrík og góð.
Ég brosi þegar ég hugsa um
allar minningarnar um þig á Tóm-
asarhaganum, Grafningnum,
Snorrabrautinni og svo síðustu
árin á Hrafnistu í Hafnarfirði.
Þetta voru allt mínir uppáhalds-
staðir til þess að heimsækja, það
var alltaf skemmtilegast að vera
hjá ömmu. Ég man vel eftir því
hversu spennt ég var alltaf að fara
í gistingu til ömmu í Reykjavík
þegar ég var lítil. Þá var alltaf svo
spennandi að fara í strætóferð í
miðbæinn að gefa öndunum
brauð, labba í Björnsbakarí að
kaupa rúnstykki sem mér fannst
alltaf vera þau bestu sem ég hafði
smakkað, spila kasínu, borðvist og
veiðimann ásamt því að fá alltaf
bestu pönnukökur og mat heims-
ins.
Elsku amma, það var margt
sem við brölluðum saman og
gafstu mér svo dýrmætar æsku-
minningar sem ég verð þér alltaf
þakklát fyrir. Þegar ég fór síðar
að vinna á Laugaveginum var svo
gaman að geta heimsótt þig nán-
ast daglega annaðhvort fyrir eða
eftir vinnu. Þá kom ég alltaf með
bakarísmat fyrir okkur og við spil-
uðum eða spjölluðum um öll
heimsins mál. Þessar stundir eru
mér virkilega dýrmætar í dag.
Síðustu árin dvaldir þú á
Hrafnistu í Hafnarfirði. Það var
mikil gjöf að þú komst til okkar í
Hafnarfjörðinn þar sem ég og
aðrir fjölskyldumeðlimir vorum
tíðir gestir. Ég á mjög erfitt með
að sætta mig við að geta ekki leng-
ur heimsótt þig þegar ég er búin
að vinna, á kvöldin áður en þú ferð
að sofa eða um helgar. Koma með
Esju í heimsókn til þín, sækja
rjómaís í ísbúðina handa þér, fara
í leikfimi saman, skoða gamlar
myndir og rifja upp gamla tíma, fá
okkur kökusneið á kaffistofunni
eða sitja og hlusta á tónleika sam-
an þar sem Raggi Bjarna var allt-
af í uppáhaldi. Þær voru svo ynd-
islegar, dýrmætar og góðar
stundirnar okkar saman.
Þú gafst þér alltaf allan þinn
tíma í að hugsa um okkur barna-
börnin þín, þú varst svo stolt af
okkur, kenndir okkur svo margt
og gafst okkur svo margar æsku-
minningar sem við munum alltaf
varðveita. Betri ömmu er ekki
hægt að hugsa sér og þakka ég
þér allt sem þú hefur gert fyrir
mig. Það er dýrmætt að hafa átt
ömmu eins og þig sem tók alltaf
glöð á móti manni og hafði alltaf
áhuga á öllu því sem var að gerast
í mínu lífi. Allar minningarnar um
þig eru dýrmætar og þær mun ég
eiga alla tíð.
Dagur fyrir bí,
kvöldar á ný.
Og þegar sólin sest,
þú til hvílu leggst.
Það gerðist allt svo fljótt.
Mitt um bjartan dag
kom sólarlag.
En sólin rís á ný.
Þú færð loksins frí.
Leggur upp í ferðalag,
veist bara ekki hvenær
þú nærð endastað.
Við sólarrás við hittumst þar.
Sitjum saman horfum á
öldur falla að.
Og við kveðjumst nú.
Þinn tími runninn er
á enda hér.
Nú ferðu á nýjan stað.
Finnur friðinn þar.
Og þó það reynist sárt
að skilja við þig hér,
ég þakka vil þér.
Ljúflingslundina,
gleðistundirnar.
(Ásgeir Aðalsteinsson)
Guð geymi þig, elsku amma
Magga. Þín ömmustelpa,
Andrea María.
Elsku amma Magga mín.
Það var frábært að fá að kynn-
ast þér og hafa þig í lífi mínu. Mér
fannst alltaf svo gaman að fara til
þín á Snorrabraut og Hrafnistu að
skoða gamlar myndir og heyra
sögur af þér. Ég hugsa til þín á
hverjum einasta degi og hugsa um
skemmtilegu minningarnar okk-
ar. Eins og þegar við sungum
saman og horfðum á tónleikana
hans Ragga Bjarna. Takk fyrir
stuðninginn, hvatninguna, kær-
leikann og vináttuna.
Ég elska þig, amma Magga
mín.
Elsku besta amma,
nú hvílir þú,
að sjá þig fella úr landi,
er nú rosa sárt.
ég sit og hugsa,
hve margt við gerðum saman,
hugur minn stöðvar aldrei,
það hefði verið svo gaman.
Kannski er gott að þú fórst,
ég veit að guð er góður,
þú varst orðin veik,
ég er samt alveg óður.
Ég græt og læt,
fella niður tár,
ég er voða sár,
mig langar til þín.
Þegar ég er orðinn gamall,
og hverf út úr heimi,
kannski sé ég þig,
ef þú verður ekki komin aftur,
í heiminn.
Það er ekki hægt að eiga góða ömmu,
góða ömmu eins og þig,
margar ömmur veit ég elskaði þær,
af öllum reit míns hjarta,
„og þú ert ein af þeim“.
(Úlfar Viktor Björnsson)
Takk fyrir allar góðu stundirn-
ar saman, ég mun varðveita þær
að eilífu. Kveðja, ömmustelpan
þín,
Eygló.
Margrét
Sigurjónsdóttir
HINSTA KVEÐJA
Elsku langamma.
Takk fyrir að vera frá-
bær langamma. Það var
gaman með þér því þú varst
svo góð og fyndin. Ég elsk-
aði pönnukökurnar þínar
og líka að spila með þér á
jólunum.
Ég mun alltaf hugsa um
þig, amma. Ég elska þig.
Kveðja,
Ármann Logi.
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Ástkær móðir okkar, tengdamóðir, amma
og langamma,
GUÐNÝ HELGADÓTTIR
handavinnukennari,
Hlíðarhúsum 3,
Reykjavík,
lést fimmtudaginn 5. október á Landspítalanum við Hringbraut.
Rannveig Gunnarsdóttir Björn H. Jóhannesson
Ásta Gunnarsdóttir Guðmundur R. Bragason
Kristín Gunnarsdóttir Haraldur Þ. Gunnarsson
barnabörn og langömmubörn
Elskuleg móðir okkar, tengdamóðir, amma
og langamma,
HALLDÍS BERGÞÓRSDÓTTIR,
Langholti 14, Keflavík,
lést á Heilbrigðisstofnun Suðurnesja
föstudaginn 6. október.
Útförin fer fram í kyrrþey að ósk hinnar látnu.
Þeim sem vilja minnast hennar er bent á Heilbrigðisstofnun
Suðurnesja.
Ásgerður Kormáksdóttir Jón Jóhannsson
Jórunn Tómasdóttir Skúli Thoroddsen
Halla Tómasdóttir Pálmi Einarsson
Bergþóra Tómasdóttir Stefán Eyjólfsson
Tómas Tómasson Svala B. Reynisdóttir
barnabörn og barnabarnabörn
Ástkær frændi okkar,
STEINAR BALDURSSON,
Aðalgötu 32b,
Siglufirði,
lést á Heilbrigðisstofnun Siglufjarðar
laugardaginn 7. október.
Útför fer fram laugardaginn 14. október
klukkan 11 frá Siglufjarðarkirkju.
Baldur Bernharðsson
Vilmundur Bernharðsson Helga Oddrún Sævarsdóttir
Bernharður G. Vilmundsson Hjörvar þór Sævarsson