Morgunblaðið - 27.10.2017, Qupperneq 6

6
MORGUNBLAÐIÐ FÖSTUDAGUR 27. OKTÓBER 2017
LED lausnir frá
Lýsing fyrir götur,
göngustíga og bílastæði.
Ráðgjöf og nánari upplýsingar
má fá hjá sölumönnum.
Jóhann Ólafsson & Co.
Krókháls 3, 110 Reykjavík
533 1900
sala@olafsson.is
Smart City
lausnir
Viðreisn; Sjálfstæðisflokkur, Mið-
flokkurinn, Framsókn og Viðreisn;
og í þriðja lagi var nefndur mögu-
leikinn VG, Sjálfstæðisflokkurinn og
Framsókn. Einn samfylkingarmað-
ur sagði að Katrín Jakobsdóttir, for-
maður VG, mundi ekki komast aftur
upp með það að segja pass eftir kosn-
ingar eins og hún hefði gert í fyrra og
neitað að ræða síðasta möguleikann.
Úr röðum framsóknarmanna var
engan barlóm að heyra og segjast
þeir vera bjartsýnir á að upp úr kjör-
kössunum komi annað og traustara
fylgi en kannanir gefi til kynna.
„Ég held að núna vilji fleiri að
Sjálfstæðisflokknum verði gefið frí
og að VG leiði næstu ríkisstjórn, með
Samfylkingu og Framsóknarflokki,“
sagði framsóknarmaður.
Alls konar stjórnarsamstarf
til skoðunar hjá flokkunum
Morgunblaðið/Eggert
Óvissa Flestir telja að Katrín Jakobsdóttir, formaður VG, verði næsti forsætisráðherra. Hér er Katrín Jakobsdóttir
með Sigurði Inga Jóhannssyni, formanni Framsóknarflokksins, sem fullyrt er að VG og Samfylking vilji vinna með.
 Óskamynstur VG og Samfylkingar er samstarf við Framsókn, náist meirihluti
FRÉTTASKÝRING
Agnes Bragadóttir
agnes@mbl.is
Pólitískir viðmælendur blaðamanns
úr röðum ólíkra framboða eru ekki
sammála um margt. Þó eru þeir sam-
mála um eitt: Að fullkomin óvissa
ríki um hvers konar ríkisstjórn verð-
ur mynduð að loknum kosningum og
þeir eru sammála um að það þurfi að
lágmarki þrjá flokka til þess að
mynda ríkisstjórn, líklega fjóra.
Sjálfstæðismenn sem rætt var við
telja að VG og Samfylkingin hafi gert
um það samkomulag að vinna saman
að ríkisstjórnarmyndun í kjölfar
kosninganna. Þeir eru þess fullvissir
að þessir flokkar vilji fá Framsókn til
liðs við sig sem þriðja stjórnarflokk-
inn, en nú er alls ekki ljóst að það
dugi til og því spurning um það hvort
Píratar gætu orðið fjórði flokkurinn í
slíkri stjórn.
Viðmælandi úr röðum VG segist
telja að ákjósanlegt væri að VG,
Samfylking og Framsókn næðu sam-
an um myndun ríkisstjórnar, en það
væri vissulega háð kosningaúrslit-
um, hvort möguleiki væri á slíkri
stjórnarmyndun, og miðað við nýj-
ustu kannanir væri það heldur ólík-
legt. Ef það tækist ekki, væri ekki
útilokað að bjóða Pírötum að borð-
inu. Viðreisn hefði að vísu boðið fram
krafta sína til stjórnarsamstarfs við
VG, Samfylkingu og Framsókn, en
takmarkaður áhugi ríkti á að þiggja
það boð, og ákveðin vantrú ríkti á því
að slíkt samstarf væri líklegt til ár-
angurs.
Annar viðmælandi úr röðum VG
sagði að það væru alls konar
stjórnarmynstur til skoðunar og
raunar væru bara allir kostir uppi á
borðum. Menn væru ekki að útloka
fyrir fram samstarf við einn eða
neinn.
Úr röðum Samfylkingar heyrðust
raddir í gær um að þrír kostir væru í
stöðunni, til stjórnarmyndunar: VG,
Samfylking, Framsókn og Píratar/
Tveir fulltrúar
frá Öryggis- og
samvinnustofnun
Evrópu (ÖSE)
eru staddir hér á
landi til þess að
hafa eftirlit með
framkvæmd al-
þingiskosning-
anna á morgun,
að sögn Urðar
Gunnarsdóttur,
upplýsingafulltrúa utanríkisráðu-
neytisins.
Minnsta mögulega teymi
„Þetta er minnsta mögulega teymi
sem ÖSE sendir á vettvang til þess
að hafa eftirlit með framkvæmd
kosninga. Þau eru einnig að kynna
sér fjármögnun stjórnmálaflokka og
samspilið í undirbúningi og hvernig
kosningarnar eru reknar,“ sagði
Urður í samtali við Morgunblaðið í
gær.
Hún segir að fulltrúar ÖSE hafi
verið hér í eina viku og haft sam-
band við allar yfirkjörstjórnir á
landinu, auk landskjörstjórnar og
fleiri sem komi að framkvæmd kosn-
inganna. agnes@mbl.is
Tveir frá
ÖSE fylgj-
ast með
Urður
Gunnarsdóttir
 Verið hér í viku
Helgi Bjarnason
helgi@mbl.is
„Það eru rétt um 50 á kjörskrá en
ekki eru margir heima núna. Stóru
bátarnir eru á snurvoð í Eyjafirði og
Skagafirði og landa ekki heima.
Þetta er eins og
gengur, atvinnan
segir til um svo
margt. Fólkið fer
þangað sem hana
er að hafa,“ segir
Bjarni Magnús-
son, fyrrverandi
hreppstjóri í
Grímsey. Hann
hefur séð um
kosningar í eyj-
unni í 48 ár.
Bjarni hefur séð um allar kosn-
ingar frá því hann var skipaður
hreppstjóri árið 1969. Það eru kosn-
ingar til Alþingis, sveitarstjórnar og
forseta auk tveggja þjóðaratkvæða-
greiðslna.
Þegar rætt var við Bjarna fyrir
forsetakosningarnar á síðasta ári
taldist honum til að það yrði 32.
kosningin sem hann sæi um. Sam-
kvæmt því verða alþingiskosning-
arnar um helgina 34. kosningin
hans. „Ég man þetta ekki nákvæm-
lega, þessi tala hefur ábyggilega
verið ágiskun hjá mér. Ef þú hefðir
spurt mig fyrir 30 árum hefði ég
munað þetta nákvæmlega. En þetta
getur vel verið rétt, það hefur oft
þurft að kjósa með stuttu millibili,“
segir Bjarni.
Hann fékk kjörgögnin með skipi í
gær svo ekkert er því til fyrirstöðu
að þeir Grímseyingar sem eru heima
geti neytt atkvæðisréttar síns.
Bjarni telur að margir kjósi annars
staðar. Kosningunni í Grímsey lýkur
þegar klukkustund er liðin frá því
einhver sýndi sig á kjörstað eða að
allir eyjarskeggjar hafa kosið. Það
hefur að sögn Bjarna oft verið
klukkan tvö. „Ég vona að það verði
ekki seinna núna svo maður geti far-
ið að huga að ferð með kjörgögnin
til Akureyrar.“ Venjan er að flytja
kjörkassana með flugvél og telur
Bjarni líkur á að það takist nú. Spáð
er norðanátt sem er ágæt fyrir flug-
ið, ef þokan verður ekki þeim mun
dimmari. Til vara eru til hraðbátar,
bæði í Grímsey og á Dalvík, sem
hægt er að grípa til.
„Ég hef bara gaman af þessu,“
segir Bjarni um kosningastússið.
Morgunblaðið/Golli
Grímsey Höfnin er lífæð Grímseyinga. Þaðan koma vörurnar og atvinnan.
Gamli hreppstjórinn sér
um kosningar í 34. skipti
Bjarni
Magnússon
 Vonast til að kosningu ljúki í Grímsey klukkan tvö
Verði úrslit kosninganna á morgun
í líkingu við niðurstöður skoðana-
könnunar Félagsvísindastofnunar
Háskóla Íslands, sem birtar eru í
Morgunblaðinu í dag, er engin
tveggja flokka ríkisstjórn á teikni-
borðinu.
Sjálfstæðisflokkur fengi 17
þingmenn og VG 14, sem þýðir að
flokkarnir væru einum þingmanni
frá að ná minnsta mögulega meiri-
hluta.
Samfylkingin fengi 10 þingmenn
og ef samstarf tækist með henni
og VG þurfa flokkarnir bæði þriðja
og fjórða hjól undir vagninn, vilji
flokkarnir ekki samstarf við Sjálf-
stæðisflokkinn.
Píratar fengju 6 þingmenn, (3
jöfnunarsæti), Viðreisn fengi fimm
þingmenn, (2 jöfnunarsæti), Fram-
sókn fengi fimm þingsæti, (1 jöfn-
unarsæti) og Miðflokkurinn sex
þingsæti, (1 jöfnunarsæti).
2ja flokka stjórn ekki í boði
3 FLOKKAR Í NÆSTU RÍKISSTJÓRN, JAFNVEL 4
KOSNINGAR 2017
Urður Gunnarsdóttir, upplýsinga-
fulltrúi utanríkisráðuneytisins,
segir að í ráðuneytinu hafi ekki
orðið vart við mikinn áhuga er-
lendra fjölmiðla á alþingiskosn-
ingunum á morgun.
Aðspurð sagði Urður; „Nei,
ekki verðum við vör við mikinn
áhuga hér í ráðuneytinu. Blaða-
maður The Economist er staddur
hér á landi, en um fleiri veit ég
ekki. Vissulega geta þeir verið
fleiri, en þeir hafa þá ekki leitað
til ráðuneytisins, enda hafa þeir
sjálfsagt flestir sína tengiliði frá
því í kosningunum fyrir ári.“
agnes@mbl.is
Ekki er mikill áhugi
erlendra fjölmiðla