Morgunblaðið - 24.11.2017, Page 50

50
MORGUNBLAÐIÐ FÖSTUDAGUR 24. NÓVEMBER 2017
Sigtryggur Sigtryggsson
sisi@mbl.is
Stjórn Faxaflóahafna hefur sam-
þykkt að fela hafnarstjóra að leggja
fram tillögu á næsta fundi stjórnar
hvernig standa megi að friðun ver-
búðanna við Geirsgötu þar sem mið-
að verði við friðun á þeim reit sem
húsin standa á eða ytra útliti
húsanna.
Verbúðirnar við Gömlu höfnina
eru mjög mikilvægar fyrir hafnar-
myndina. Gísli Gíslason hafnarstjóri
segir að þær hafi aldrei verið frið-
aðar að neinu leyti og hafnarstjórnin
vilji breyta því. Í skipulagi, þegar
talað var um Mýrargötustokk, var
gert ráð fyrir að rífa hluta verbúð-
anna til að koma stokknum fyrir, en
því var breytt.
„Það eru nokkrar leiðir til frið-
unar en líklegast er að um verði að
ræða svokallaða hverfisfriðun enda
búið að breyta innviðum og útliti
húsanna. En við erum að skoða mál-
in,“ segir Gísli.
Byggingarleyfi veitt 1933
Upphaf verbúðanna má rekja
meira en 80 ár aftur í tímann eða til
ársins 1933. Það ár sótti hafnar-
stjórn Reykjavíkur um byggingar-
leyfi fyrir 10 verbúðum úr timbri á
uppfyllingu hafnarinnar við
Tryggvagötu, austan Slippsins.
Bygginganefnd samþykkti umsókn-
ina með því skilyrði að útveggir
væru úr steini eða steinsteypu.
Þetta voru einlyft hús með porti og
risi og stærð hvers húss var 106,2
fermetrar. Í bók Guðjóns Friðriks-
sonar sagnfræðings „Hér heilsast
skipin,“ segir að með byggingu ver-
búðanna hafi hafnarnefndin viljað
freista þess að efla vélbátaútgerð í
Reykjavík, en togaraútgerð stóð þá
höllum fæti. Hver verbúð var ætluð
1-2 vélbátum.
Í orðabókum stendur að verbúð
þýði sjóbúð, bústaður í verðstöð,
skýli handa vermönnum. Enda var
það upphaflegt hlutverk verbúðanna
við Geirsgötu. Á aðalhæðinni voru
fiskvinnslusalir og fisk- og salt-
geymslur. Á efri hæðum var aðstaða
til beitingar, veiðarfrærageymslur
og svefnaðstaða fyrir sjómenn. Til-
tekið er í lýsingu, svo dæmi sé tekið,
að í verbúð 10 hafi verið 8 föst rúm-
stæði í rishæð.
Árið 1998 var ákveðin ný tölusetn-
ing fyrir verbúðirnar og tilheyra þau
nú Geirsgötu. Húsin höfðu áður ver-
ið talin til Ægisgötu, Verið, Tyggva-
götu eða Ægisgarð.
Nýtingunni var breytt 2008
Árið 2008 samþykkti stjórn Faxa-
flóahafna að heimila breytta og víð-
tækari nýtingu verbúðnna við Geirs-
götu og var öllum fyrri leigjendum
sagt upp, þar á meðal útgerðamönn-
um fiskiskipa. Útgerðarfyrirtæki
eru nú eingöngu í Vesturhöfninni og
hafa þau aðstöðu í verbúðunum á
Grandagarði. Þegar hér var komið
sögu var ástand húsanna við Geirs-
götu orðið mjög bágborið. Þau hafa
síðan verið endurnýjuð, utan sem
innan.
Nú má finna í verbúðunum gömlu
við Geirsgötu veitingahús, verslanir
og þjónustufyrirtæki, sem draga að
sér þúsundir manna dag hvern, Ís-
lendinga og erlenda ferðamenn.
Sama má reyndar segja um hinar
gömlu vörugeymslur við Gömlu
höfnina. Þær hafa fengið nýtt hlut-
verk sem söfn og menningarstofn-
anir.
Verbúðirnar verði friðaðar
Morgunblaðið/Ómar
Lífið við höfnin Gömlu verbúðirnar hafa fengið nýtt hlutverk og hafa mikið aðdráttarafl fyrir gesti og gangandi.
Ljósmynd/Ari Kárason
Athafnalíf Hér má sjá hóp manna dytta að veiðarfærum milli verbúðanna.
Myndin er tekin milli áranna 1950 og 1960 þegar útgerð var enn með blóma.
Dagurinn í dag Svona er núna umhorfs milli gömlu verbúðanna. Útgerð og
sjómenn hafa vikið fyrir veitingahúsum og ýmsum þjónustufyrirtækjum.
Ferðamenn sækja í að snæða á veitingahúsum með útsýni yfir höfnina.
FYRIR SJÁVARÚTVEGINN
R
R
Marás ehf. - Miðhrauni 13 - 210 Garðabæ - Sími 555-6444 - www.maras.is
Skúli Halldórsson
sh@mbl.is
Guðmundur Kristjánsson, forstjóri
Brims, segir að lögmaður fyrirtæk-
isins muni í dag, föstudag, leggja
kæru á borð lögreglu vegna brott-
kasts fiskafla frá frystitogaranum
Kleifabergi sem sást á myndskeiði í
kvöldfréttum RÚV á miðvikudag.
Í samtali við 200 mílur segir Guð-
mundur að myndskeiðið hafi komið
sér á óvart. Þá hyggist hann ekki
kæra þann sem tók upp myndskeið-
ið, en upptakan er sögð vera ríflega
ársgömul.
„Við ætlum ekki að eltast við
sendiboðann, við viljum bara vita af
hverju þetta var gert og þá getum
við lagað það sem er að,“ segir Guð-
mundur.
Spurður hvort honum finnist sem
efni myndskeiðsins hafi verið sett á
svið segir hann það munu koma í ljós
við rannsókn lögreglu.
„Við viljum fyrst og fremst finna
þann sem ber ábyrgð á þessu og um
leið upplýsa málið. Það er ekkert að
þessum fiski, hann er glænýr og ekk-
ert skemmdur, ónýtur eða gamall,
það er búið að hausa hann og allt. Og
nógur kvóti.“
Morgunblaðið/RAX
Brottkast Guðmundur segir myndskeiðið hafa komið sér á óvart. Ekkert
hafi amað að fiskinum sem kastað var á brott úr frystitogaranum.
Kæra brottkast afla
til lögreglunnar