Morgunblaðið - Sunnudagur - 26.11.2017, Blaðsíða 10

Í PRÓFÍL
10 MORGUNBLAÐIÐ SUNNUDAGUR 26.11. 2017
Á frumsýningu
hryllingsmynd-
arinnar It í
Hollywood í
september.
COREY FELDMAN fæddist í Reseda í Kaliforníu hinn 16. júlí árið 1971 og er
því 46 ára gamall. Foreldrar hans voru Bob Feldman sem var tónlistarmaður
og Sheila Feldman, sem starfaði við afgreiðslu og þjónustu á veitingastöðum.
Hann byrjaði ferilinn ungur, aðeins þriggja ára gamall, þegar hann lék í
McDonald’s auglýsingu. Sem barn kom hann fram í meira en hundrað auglýs-
ingum og fimmtíu þáttaröðum. Það má því segja að hann hafi séð fyrir fjöl-
skyldu sinni frá unga aldri en foreldrar hans settu mikla pressu á hann.
Hann varð einhver helsta barna- og unglingastjarna níunda áratugarins en
hann lék í mörgum vinsælum myndum. Þar á meðal eru Friday the 13th: The
Final Chapter (1984), Gremlins (1984), The Goonies (1985), Stand By Me (1986)
og The Lost Boys (1987) en í þeirri síðastnefndu lék hann í fyrsta sinn á móti
Corey Haim en þeir áttu eftir að endurtaka leikinn
margoft. Feldman talaði ennfremur fyrir Donatello í
upphaflegu Teenage Mutant Ninja Turtles-myndinni.
Hann er einnig tónlistarmaður og sendi frá sér plöt-
una Former Child Actor árið 2002. Feldman óskaði
eftir sjálfstæði frá foreldrum sínum þegar hann var
fimmtán ára. Hann sagði á þeim tíma að hann hefði
þénað milljón bandaríkjadali en þegar dómari skipaði
fyrir um að bankareikningar yrðu opnaðir voru aðeins
40.000 dalir eftir.
Feldman er þrígiftur. Hann var kvæntur leikkon-
unni Vanessu Marcil 1989–1993. Hann hitti leikkonuna
og fyrirsætuna Susie Sprague á næturklúbbi árið 2002.
Þau giftu sig sama ár en um athöfnina sá rabbíni annars vegar og rapparinn
M.C. Hammer hins vegar en hann hefur leyfi til að gefa fólk saman. Brúð-
kaupið var sýnt í veruleikaþættinum The Surreal Life. Þau skildu árið 2009 en
skilnaðurinn gekk ekki lagalega í gegn fyrr en 2014. Núverandi eiginkona hans
er Courtney Anne Mitchell en þau höfðu verið saman í nokkurn tíma áður en
þau gengu í hjónaband árið 2016 í Las Vegas.
Hann átti lengi við eiturlyfjavandamál að stríða en hefur náð að halda sig frá
þeim síðan 1995. Árið 2011 afhjúpaði hann í viðtali að viðvarandi skipulagt
barnaníð væri stærsta leyndarmálið í Hollywood. Hann upplýsti að hann og
Haim hefðu verið beittir kynferðislegu ofbeldi á níunda áratuginum. Eftir
Harvey Weinstein-hneykslið hefur fólk betur lagt hlustir við það sem Feldman
segir. Hann safnar nú fyrir mynd á Indigogo sem mun afhjúpa barnaníðinga-
hring í Hollywood.
Í nokkurra ára gömlu viðtali var hann spurður að því hvaða ráð hann hefði
fyrir foreldra sem vildu að börn sín færu í skemmtanaiðnaðinn. „Fólk spyr mig
oft hvernig lífið sé eftir að hafa verið barnastjarna. Eina ráðið sem ég hef er að
einlæglega ráðleggja þeim að koma börnunum frá Hollywood og leyfa þeim að
lifa eðlilegu lífi.“ ingarun@mbl.is
LÖGREGLUMÁL Feldman leitaði til lög-
reglunnar í Los Angeles vegna ásakana
sinna um barnaníðingahring í Hollywood.
Lögreglan er búinn að taka af honum
skýrslu en lýsti því yfir nokkrum dögum
síðar að málið væri fyrnt.
Feldman sagði að hann hefði upplýst
lögregluna um marga valdamikla menn
sem beittu hann kynferðislegu ofbeldi í
æsku í kvikmyndaborginni.
Feldman hefur sjálfur greint frá nöfnum
gerenda í spjallþáttum í sjónvarpi. Einn
þeirra er leikarinn John Grissom sem lék
með honum í Licence to Drive en Gris-
som hefur verið dæmdur fyrir barnaníð.
Feldman greindi frá því að hann hefði
leitað til lögreglunnar árið 1993 og sagt
henni frá barnaníðingum í Hollywood en
hún hefði slökkt á upptökutækinu um leið
og hún heyrði nöfn brotamannanna. Feldman og Haim árið 2007.
Lögreglan segir
málið fyrnt
SAMSTARF Corey Feldman vann
mikið með nafna sínum Haim. Þeir
léku meðal annars saman í hinni
vinsælu unglingamynd The Lost
Boys á níunda áratugnum en þeir
voru báðir barna- og unglingastjörn-
ur. Þeir léku saman m.a. í Licence
to Drive, Dream a Little Dream og
Blown Away. Seinna voru þeir sam-
an í raunveruleikaþættinum The
Two Coreys sem var á dagskrá
2007-2008 en í honum flutti atvinnu-
laus Haim inn til Feldman og eigin-
konu hans, Susie Sprague.
Haim átti við eiturlyfjavandamál
að stríða og lést aðeins 38 ára
gamall.
Vinsælt
tvíeyki
Corey Haim og Corey Feldman í myndinni The Lost Boys frá 1987.
SJÓNVARP Feldman hefur kom-
ið fram í fjölda raunveruleika-
sjónvarpsþátta. Hann tók meðal
annars þátt í breska sjónvarps-
þættinum Dancing on Ice þar
sem hann dansaði við skauta-
dansarann Brooke Castile en
hann féll úr keppni í fjórðu viku.
Hann hefur líka komið fram í
The Surreal Life, The Two
Coreys og Celebrity Wife Swap.
Hann hefur einnig leikið í
tónlistarmyndum hjá Moby,
Thirty Seconds to Mars og Katy
Perry.
Skautaparið Feldman
og Brooke Castile.
Ýmiss
konar
veruleiki
Vill börnin burt
frá Hollywood
AFP
Með eiginkonu sinni,
Courtney Anne
Mitchell, klæddur í
anda gamla vinar síns
Michaels Jackson.
’Eftir HarveyWeinstein-hneykslið hefurfólk betur
lagt hlustir
við það sem
Feldman
segir.
Sjálfsævisaga Feldman
var upplýsandi.
Funahöfða 7, 110 Reykjavík | Sími 577 6666
., '*-�-��,�rKu�,
KIEL/ - OG FRYSTITJEKI
Iðnaðareiningar
í miklu úrvali