Morgunblaðið - Sunnudagur - 26.11.2017, Blaðsíða 26

26 MORGUNBLAÐIÐ SUNNUDAGUR 26.11. 2017
MATUR
Morgunblaðið/Ásdís
Ísleifur heppni er ný ísbúð á Hlemmi. Gunnar
Logi Malmquist Einarsson, eigandi og rekstr-
araðili, segir þau eigendurna hafa verið að fikra
sig áfram í tvö og hálft ár á ýmsum matarmörk-
uðum en nú séu þau komin með stað á Hlemmi.
„Þetta er æðislegt. Verst að þetta var opnað
svo seint á sumrinu en maður þarf að bíta í það
súra epli. Þetta er sælkeraísbúð og það sem gerir
hana öðruvísi en aðar ísbúðir er að við notum
bara hrein og góð hráefni. Ísinn okkar er úr
rjóma, lífrænni mjólk, hrásykri, eggjarauðum og
náttúrulegum bragðefnum. Við notum engin
aukaefni. Enga svoleiðis vitleysu,“ segir Gunnar.
„Bakaði ístoppurinn er vinsælasti rétturinn.
Það er vanilluísinn okkar gerður úr lífrænni van-
illu frá Magdagaskar. Svo erum við með papa qui-
noa, sem er kryddað með kakói og appels-
ínuberki og svo bakað hvítt súkkulaði. Svo er
asískur sítrusávöxtur yfir og við toppum þetta
svo með mjúkum marengs sem við brennum,
sem er mikið sjónarspil. Ef sá fremsti í röðinni fær
sér þetta er líklegt að næstu fimm á eftir hermi
eftir honum,“ segir Gunnar en hann frystir ísinn
með köfnunarefni á staðnum. „Þá verður loft-
magnið í ísnum miklu minna en gengur og gerist,“
segir hann.
„Svo verður jólamarkaður hér á Hlemmi
hverja helgi fram að jólum, kannski ekki þessa
helgi en eftir það. Þá munum við bjóða upp á jóla-
rétti, heitt eplapæ með vanilluís og líka vöfflur.“
Gunnar Logi notar
aðeins náttúruleg
hráefni í ísinn sinn.
Úr lífrænni vanillu
frá Magdagaskar
Jólaréttir með
skyndibitatvisti
„Þetta er með tvisti, örlítið öðruvísi
en á Jómfrúnni í Lækjargötu,“ segir
Ólafur Kári Ragnarsson, starfsmaður
hjá Jómfrúnni á Hlemmi.
„Jólin komu í síðustu viku á Jóm-
frúna og þá breyttist matseðillinn og
við bjóðum upp á jólarétti með smá
skyndibitatvisti. Það er breytilegt eftir
dögum hvað fólk pantar en af jólamat-
seðlinum myndi ég segja að anda-
bringan væri að koma sterk inn. Reykt
andabringa, hún er hrikalega góð.
Annars er rauðsprettan alltaf vinsæl,“
segir hann.
Ólafur Kári segir
reyktu andabringuna
vera vinsæla.
Phong Thi Pham frá Víetnam vinnur á Bánh Mí á
Hlemmi.
„Við seljum hér samlokur og sumarrúllur. Þær
eru eins og vorrúllur nema þær eru ferskar, ekki
djúpsteiktar. Viltu smakka?“ segir Phong og býð-
ur sumarrúllu. Hún segir afar gott að vinna á
Hlemmi.
„Það er mjög gott að vera hér og það var
mjög mikið að gera í byrjun en aðeins minna
núna. Ég held að fólk sé að spara peninga fyrir
jólin,“ segir hún.
Phong segir vinsælast að fá sér saman samloku
og sumarrúllu en hún býður einnig upp á súpu.
„Þetta er ekta víetnamskur götumatur.“
Ekta götumatur
frá Víetnam
Phong Thi Pham býður upp á víet-
namskan götumat og kunna bæði
Íslendingar og ferðamenn vel að
meta þenna framandi skyndibita.
„Við notum mikið af ferskum jurtum í allt, bæði í kokteila og mat.
Hér eru bæði smáréttir og aðalréttir og svo erum við líka með
smakkmatseðil á kvöldin,“ segir Máni Yasopha, kokkur á Skál.
„Þetta er aðallega íslenskur matur og er buffaló-blómkálið vin-
sælast ásamt steikinni. Bleikjan er líka vinsæl,“ segir Máni.
Spurður um buffalo-blómkál segir Máni: „Þetta er blómkál sem
við erum búin að gufusjóða og svo er það djúpsteikt og blandað
með heimagerðri „hot sause“ eða buffaló-sósu. Svo setjum við
með því geitaostamajónes, pikklað sellerí og kóríander yfir.“
Mána finnst Hlemmur frábær staður og er hæstánægður að
vinna þar.
„Það er ótrúlega gaman að vinna hérna, gaman að geta talað við
fólk og hér er fullt af ferðamönnum.“
Máni Yasopha er hæstánægður að
vinna á Hlemmi og kokkar ofan í gesti
og gangandi. Hann segir djúpsteikta
blómkálið afskaplega bragðgott.
Buffaló-blómkál
á Skál