Morgunblaðið - Sunnudagur - 26.11.2017, Blaðsíða 4

4 MORGUNBLAÐIÐ SUNNUDAGUR 26.11. 2017
Viðræður fóru út um þúfur
því íslensk stjórnvöld vilja
ekki ræða málið af alvöru.
Malcolm Walker, stofnandi og
forstjóri Iceland Foods 2016
Okkar krafa er skýr; að
einkaleyfi á orðmerkinu
„Iceland“ verði ógilt og ís-
lenskir aðilar fái að nota
heiti Íslands við skráningu
og markaðssetningu á sínum
vörum.
Lilja Alfreðsdóttir utanríkis-
ráðherra haustið 2016
Við buðum íslenskum
stjórnvöldum mjög sann-
gjarnan samning árið 2006
þegar við vorum eigend-
urnir. Þau svöruðu aldrei.
Jón Ásgeir Jóhannesson,
fv. eigandi Iceland, haustið 2016
Það skiptir öllu að ekki geti
einhver þriðji aðili erlendis
meinað íslenskum fyr-
irtækjum að kenna sín vöru-
merki við Ísland.
Jón Ásbergsson, framkvæmdastj.
Íslandsstofu, haustið 2016
Ég held að það sé auðvelt að
finna lausn. Rétta fólkið þarf
að setjast niður.
Jón Ásgeir Jóhannesson
Sagt var …
Áfraaaam Æslaaaaand!
Fyrir réttu ári gripu íslenskstjórnvöld til þess ráðs aðhöfða mál gegn bresku versl-
unarkeðjunni Iceland Foods, en hún
hefur árum saman reynt að koma í
veg fyrir að íslensk fyrirtæki geti
auðkennt sig með nafni landsins við
markaðssetningu á vörum og þjón-
ustu í Evrópu. Iceland Foods hefur
nefnilega einkarétt á orðmerkinu
Iceland í Evrópusambandinu.
Íslenskum stjórnvöldum þykir sú
staða óviðeigandi að erlent fyrir-
tæki geti haft slíkt áhrif á málefni
landsins. Sem dæmi er nefnt að á
sínum tíma var skráningu Íslands-
stofu á Inspired by Iceland and-
mælt af hálfu fyrirtækisins, þegar
Ísland hóf það mikla kynningarátak,
og að upp hafi komið tilfelli þar sem
skráningu íslenskra fyrirtækja á
vörumerkjum hafi verið hafnað á
grundvelli andmæla breska fyrir-
tæksins.
Iceland hóf starfsemi árið 1970 en
um miðjan tíunda áratug síðustu
aldar hóf fyrirtækið að sækja um
skráningu vörumerkja, þar sem orð-
ið Iceland kom við sögu, hjá bresku
einkaleyfastofunni. Það tókst í
mörgum tilfellum, sum eru enn
skráð en önnur hafa fallið úr gildi.
Íslendingum hefur til dæmis tek-
ist að koma því svo fyrir að versl-
unarkeðjan hefur ekki einkarétt á
orðinu Iceland í tengslum við fisk
eða vatn á Bretlandi eins og hún
ætlaði sér.
Krafa íslenska ríkisins er í með-
ferð hjá Hugverkaréttarstofnun
Evrópusambandsins og stjórnvöld
hyggjast ekki tjá sig um málið fyrr
en eitthvað gerist þar á bæ. Ísland
hefur líka tekið málið upp hjá Al-
þjóðahugverkastofnuninni og vonast
er til að hægt verði að hreyfa mál-
inu áfram á næsta fundi stofnunar-
innar, á næsta ári.
Maður í viðskiptalífinu tók þannig
til orða að forráðamenn Iceland
Foods haldi því fram í gögnum að
þeir tengi sig landinu ekki beint;
Iceland sé í hugum viðskiptavina
verslunarkeðjunnar staður þar sem
hægt sé að kaupa frosinn mat.
Þegar íslenska karlandsliðið í fót-
bolta komst í fyrsta skipti á stórmót
greip Iceland Foods þó tækifærið
og fór í auglýsingaherferð á sam-
félagsmiðlum þar sem landsliðs-
mennirnir komu við sögu.
Á youtube.com á vefnum má sjá
tvær slíkar auglýsingar.
Í annarri má m.a. sjá eftirfarandi
texta: Þegar Ísland komst í fyrsta
skipti í sögunni á Evrópumótið tísti
fólk til þess að senda hamingju-
óskir. Bretar tístu reyndar @Ice-
landfoods. Þess vegna fór @ice-
landfoods á æfingu hjá íslenska
landsliðinu …
„Við þurfum að reka knatt-
spyrnusamband og sáum þarna við-
skiptatækifæri,“ segir Klara Bjart-
marz, framkvæmdastjóri KSÍ, í
samtali við Sunnudagsblað Morg-
unblaðsins, spurð um málið. Samn-
ingurinn sé vitaskuld trúnaðarmál
milli KSÍ og fyrirtækisins og hún
geti því ekki gefið upp hve mikið
knattspyrnusambandið fékk greitt.
Klara segir KSÍ ekki hafa komið
nálægt gerð auglýsinganna að öðru
leyti en því að leikmenn Íslands hafi
komið fram í þeim. Viti hún því ekk-
ert um innihaldið og hafi reyndar
ekki séð umræddar auglýsingar.
Í auglýsingu Iceland Foods sést
íslenski fáninn, Iceland-fáninn
blaktir við hún, hluti þjóðsöngsins
er leikinn og íslenskri náttúru
bregður fyrir. Sýndar eru glefsur úr
leikjum íslenska landsliðsins, auk
þess sem leikmenn bregða á leik á
æfingu á Laugardalsveli, m.a. með
því að hitta ofan í innkaupakörfur
merktar Iceland.
Auglýsingunum tveimur virðist
hafa verið hlaðið upp á youtube í
byrjun júní árið 2016, skömmu áður
en flautað var til leiks á EM í
Frakklandi.
Í annarri auglýsingunni er hópur
starfsmanna Iceland í Bretlandi,
með íslenska knattspyrnutrefla,
sumir í íslensku landsliðstreyjunni
og einhverjir prýddir víkingahorn-
um. Þar er víkingaklappið sannar-
lega tekið með tilfþrifum.
Íslenska, já takk!
Eða bara: Áfraaaam Æslaaaaand!
Starfsmenn Iceland Foods í
auglýsingu sem gerð var í
tengslum við þátttöku Íslands á
EM karla í fótbolta sumarið 2016.
Skjáskot af Youtube
Það kann að koma fólki spánskt fyrir sjónir að breska verslunarkeðjan Iceland Foods hafi einkarétt á orðmerkinu Iceland í lönd-
um ESB. Hún hefur beitt sér gegn því að fyrirtæki geti auðkennt sig með nafni landsins við kynningu á vörum og þjónustu.
’
Fyrsta Iceland-verslunin var opnuð 1970 í Oswestry
í norðvesturhluta Englands. Keðjan á nú nærri 900
verslanir á Bretlandi og nokkrir tugir Iceland-verslana eru
reknir erlendis, m.a. á Íslandi. Forstjóri er Malcolm Walker,
annar stofnendanna. Hann stýrði fyrirtækinu til ársins
2000 og sneri aftur nokkrum árum síðar.
INNLENT
SKAPTI HALLGRÍMSSON
skapti@mbl.is
holar@holabok.is — www.holabok.is
Lesblindur drengur
flosnar upp úr námi
á Siglufirði og verður
einn mesti braskarinn
á Íslandi.
Hér er saga hans
rakin og ævintýrin eru
mörg, sum ótrúleg!
Siglfirski braskarinn
www.youtube.com/
watch?v=aNu50Aajd5s
www.youtube.com/
watch?v=54F4eskZp0k