Morgunblaðið - Sunnudagur - 26.11.2017, Blaðsíða 16

svo og gerfi dómarans, E.Ó.P., mikla kátínu
mannfjöldans.“ Erlendur Ó. Pétursson dómari
klæddist munkakufli.
Það er hins vegar ekki fyrr en 1970 að alvara
hljóp í málið en forráðamenn KSÍ gátu þess á
rabbfundi um knattspyrnu með blaðamönnum
á Hótel Sögu þriðjudaginn 7. apríl að ekki væri
óhugsandi að kvennaknattspyrna yrði tekin
upp á Íslandi. Hún var um þær mundir ört
vaxandi víðs vegar um Evrópu og Knatt-
spyrnusamband Evrópu hafði skorað á aðild-
arþjóðir að blása í seglin.
Þetta varð til þess að fyrsta opinbera kapp-
leik kvenna var komið á og fór hann fram á
Laugardalsvellinum frammi fyrir fimm þúsund
áhorfendum 20. júlí 1970 á undan landsleik Ís-
lendinga og Norðmanna í karlaflokki. Leiktími
var tvisvar sinnum tíu mínútur og öttu úrvalslið
Reykjavíkur og Keflavíkur kappi.
Það var Albert Guðmundsson, formaður
KSÍ, sem kom leiknum á með stuttum fyrir-
vara. Hafsteinn Guðmundsson, æskuvinur Al-
berts – formaður Íþróttabandalags Keflavíkur
og landsliðseinvaldur karla, tók þátt í kynning-
unni með Alberti með því að safna saman
stúlkum í Keflavík til að leika gegn úrvalsliði
Reykjavíkur. „Stúlkurnar okkar voru tilbúnar
að taka þátt í leiknum þó svo að þær hefðu ekki
æft og leikið knattspyrnu áður,“ segir Haf-
steinn í bókinni.
Þetta er engin kvennaíþrótt
Leiknum lauk með 1:0-sigri Reykjavíkur og
skoraði Guðríður Halldórsdóttir, leikmaður
Fram, sigurmarkið. Hið fyrsta í opinberum
kappleik kvenna hér á landi. „Ég komst á auð-
an sjó fyrir framan mark Keflvíkinga – fékk
sendingu utan af kanti og náði góðu skoti.
Knötturinn rataði rétta leið og hafnaði í net-
inu. Það braust út gleði hjá okkur,“ segir Guð-
ríður í bókinni.
Guðbjörg Jónsdóttir, fyrirliði Keflavíkurliðs-
ins, sagði í Morgunblaðinu eftir leik að flestir
leikmenn liðsins væru handknattleikskonur og
hefðu verið að leika knattspyrnu í fyrsta skipti.
„Þetta var gaman, en ég veit ekki hvort við
höldum áfram – þetta er engin kvennaíþrótt.
Við lékum ekki eftir neinu ákveðnu kerfi. Við
stilltum bara liðinu upp í vörn og sókn, en létum
þetta svo bara ráðast. Við lærðum reglurnar lít-
illega í rútunni á leiðinni hingað – meira var það
ekki,“ sagði Guðbjörg, sem tók fram að sigur
Reykjavíkurliðsins hefði verið heppnissigur.
Forleikurinn virðist hafa haft góð áhrif á
strákana en Íslendingar lögðu Norðmenn, 2:0,
og skoraði Hermann Gunnarsson bæði mörkin.
Þrátt fyrir djarfar yfirlýsingar knattspyrnu-
forystunnar dróst að koma fyrsta Íslands-
mótinu á og í byrjun júlí 1972 sá Sigmundur Ó.
Steinarsson, sem þá var blaðamaður á Tím-
anum, ástæðu til að spyrja beint út í blaði sínu:
„Hvenær fær kvenfólk verkefni í knattspyrnu?“
Viðbrögð voru sterk og Sigmundur stakk því
aftur niður penna: „Fyrir tveimur árum vann
Albert Guðmundsson, formaður KSÍ, að því að
setja á laggirnar mót fyrir kvenfólkið, en hans
hugmynd hefur lítinn hljómgrunn fengið hjá
öðrum forustumönnum knattspyrnuhreyfing-
arinnar. Þegar forráðamenn knattspyrnudeild-
ar Ármanns tilkynntu í vor að þeir myndu
senda kvennalið á öll mót, sem haldin yrðu í
sumar á vegum KRR og KSÍ, var hlegið að
þeim. En nú er þetta ekki lengur aðhlátursefni,
því að eitthvað verður að gera í málinu. Ef það
verður ekki gert fljótlega eigum við eftir að sjá
eftir því síðar meir, því að kvennaknattspyrna á
ört vaxandi vinsældum að fagna í heiminum.“
Íslandsbikarinn afhentur
Þegar Sigmundur upplifði hin sterku viðbrögð
og mörg góð samtöl hafði hann samband við
Sigurð Steinþórsson, annan eiganda Gulls og
silfurs, sem lék knattspyrnu með Breiðabliki,
og kannaði hvort verslunin væri tilbúin að gefa
bikar til að keppa um á Íslandsmóti kvenna.
Sigurður svaraði því játandi. Þá var ekkert eftir
annað en að ganga á fund stjórnar KSÍ og færa
sambandinu bikarinn. Sigurður og Sigmundur
gerðu það í Laugardalnum laugardagsmorgun-
inn 8. júlí og afhenti Sigurður KSÍ Íslandsbik-
arinn. Ekkert var að vanbúnaði.
Það voru stúlkur úr Breiðabliki og Fram
sem léku fyrsta leikinn á Íslandsmótinu, laug-
ardaginn 26. ágúst kl. 14 á malarvellinum við
Stúlkurnar í fyrsta knattspyrnufélaginu á Ís-
landi – Fótboltafélaginu Hvöt á Ísafirði. Þær
léku, dökkklæddar og ljósklæddar, fyrsta
kappleik kvenna á Íslandi 1914. Efsta röð
frá vinstri: Margrét Ólafsdóttir, Guðný
Helgadóttir, María Maríasdóttir, Margrét
Sigurðardóttir, Guðrún Helgadóttir og
Anna Ingvarsdóttir. Þriðja röð: Fanney
Jónsdóttir, Ólafía Ólafsdóttir, Guðrún
Andreassen, Sigríður Kristinsdóttir, María
Bjarnadóttir, Guðbjörg Guðjónsdóttir og
Unnur Guðmundsdóttir. Önnur röð: Sig-
ríður Sigurðardóttir, María Tómasdóttir,
Anna Halldórsdóttir, Guðrún Skúladóttir,
Lára Magnúsdóttir, Bergþóra Árnadóttir
og Ingibjörg Helgadóttir. Sitjandi fremst:
Kristín Björnsdóttir og Camilla Jónsdóttir.
FH-stúlkurnar fögnuði sigri á fyrsta Íslandsmótinu 1972 með því að taka
létt dansspor á Vallargerðisvellinum í Kópavogi, þar sem þær unnu Ár-
mann í úrslitaleik, 2:0.
Guðríður Halldórsdóttir, Reykjavík, skorar fyrsta markið í opinberum
leik kvenna á Íslandi sumarið 1970. Sendir knöttinn fram hjá Súsönnu
Svavarsdóttur Færseth, Keflavík.
Ljósmyndasafn Reykjavíkur
Ásta B. Gunnlaugsdóttir, sem hefur oftast orðið Íslandsmeistari - ellefu
sinnum með Breiðabliki, er hér í leik gegn ÍA á Bautamótinu á Akureyri.
Skagastúlkurnar eru Ragna Lóa Stefánsdóttir og Sigurlín Jónsdóttir.
Fyrsta sigri landsliðsins fagnað í Sviss 1985, 2:1.
’ Við stilltum baraliðinu upp í vörnog sókn, en létumþetta svo bara ráðast.
Við lærðum reglurnar
lítillega í rútunni á
leiðinni hingað.
Vanda Sigurgeirsdóttir er hér ásamt nokkrum stúlkum í U16 ára landsliðinu 1992, sem tóku þátt í Norðurlandamóti á Jótlandi. Þær áttu eftir að setja
mark sitt á knattspyrnuna á Íslandi. Vanda, Olga Færseth, Birna Aubertsdóttir, Ásthildur Helgadóttir, Margrét Rannveig Ólafsdóttir og Katrín Jónsdóttir.
FÓTBOLTI
16 MORGUNBLAÐIÐ SUNNUDAGUR 26.11. 2017