Morgunblaðið - Sunnudagur - 26.11.2017, Blaðsíða 48

ÞRÍFARAR VIKUNNAR
Leifur Björnsson kynningar- og
markaðsstjóri hjá Öldu Music
Bill Skarsgård
leikari
Steve Buscemi
leikari
SUNNUDAGUR 26. NÓVEMBER 2017
„Við erum miklar kattakonur og nú þegar gæludýr eru
leyfð á veitingastöðum ákváðum við að nota tækifærið og
koma í framkvæmd hugmynd sem við höfum brætt með
okkur,“ segir Gígja Björnsson, sem ásamt Ragnheiði
Birgisdóttur undirbýr opnun Kattakaffihúss á Berg-
staðastræti 10a. Kaffihús af þessu tagi njóta sívaxandi
vinsælda um allan heim en það fyrsta var opnað fyrir
um tuttugu árum í Taívan.
„Kettirnir hjá okkur eru í heimilisleit en við erum
meðal annars í samstarfi við samtökin Villiketti. Það er
því hægt að ættleiða kettina. Það er oft erfitt að koma
eldri köttum á heimili, kettlingar fara fljótt, og við lítum
á þetta sem góða leið fyrir fólk til að kynnast kisunum.“
Móðir Gígju Söru, Helga Björnsson fatahönnuður,
sem er þekkt fyrir störf sín í hátískuheiminum ytra, mun
mála og skreyta húsnæðið svo víst er að fallegt verður
um að litast en einnig verða vörur frá henni, púðaver og
ýmislegt, til sölu.
„Rýmið er lítið svo við verðum ekki með marga ketti í
einu til að þeim líði sem best. Þeir verða með klórur,
hillur og dót til að klifra í og leika sér með. Fyrir gesti
er svo ýmiss konar grænmetis- og veganfæði. Einfaldir
réttir, morgunmatur svo sem hafragrautur, samlokur og
kökur. Þetta á að vera huggulegt og þægilegt, fólk geti
notið þess að hlusta á róandi mal í ketti og fá sér köku-
sneið.
Rétt er að taka fram að fólk getur ekki komið með
eigin ketti heldur er kaffihúsið hugsað fyrir þá heimilis-
lausu og það verða tvöfaldar dyr til að þeir villist ekki
út. Kaffihúsið verður opnað fyrir jól.
Ragnheiður Birgisdóttir og
Gígja Sara Björnsson hlakka
til að bjóða Íslendingum upp
á kökusneið og malandi ketti.
Morgunblaðið/Hari
Fyrsta kattakaffihúsið
Stefnt er að því að fyrsta íslenska kattakaffihúsið opni
fyrir jól á Bergstaðastræti.
Samsýning SÚM vakti mikla at-
hygli árið 1969 og skrifaði Bragi
Ásgeirsson athyglisverða rýni
um hana í blaðinu 8. október.
„Þeim muni ekki leiðast, er
hana sækja, því að hún býr yfir
sérkennilegu andrúmslofti, sem
er algjört nýmæli á myndlistar-
sýningum hérlendis. Heildin er
hér mun skemmtilegri en ein-
stök verk,“ skrifar hann.
„Bræðurnir Kristján og Sig-
urður Guðmundssynir eru hug-
myndasmiðir og á erfiðari
braut en þeir gera sjálfum sér
ljóst en ég fortek ekki, að þeir
kunni að eiga eftir að koma
mörgum á óvart, haldi þeir
staðfastlega áfram,“ stendur
þarna.
„Ég tók eftir því, að börnum
þótti mjög forvitnilegt að koma
á sýninguna, og það væri bezta
ráðið fyrir leikmann að ganga á
vit þessarar sýningar án for-
dóma,“ skrifaði hann að lokum
og lofaði um leið veglega sýn-
ingarskrá.
GAMLA FRÉTTIN
Fordóma-
laus börn
Sigurður Guðmundsson myndlistarmaður við heysátu sína.
Morgunblaðið/Ólafur K. Magnússon
Skeifunni 8 | Sími 588 0640 | casa.is
ítölsk hönnun – ítölsk framleiðsla
Italia
DADO Model 2822
L 214 cm Áklæði ct. 70 Verð 239.000,-
L 214 cm Leður ct. 10 Verð 299.000,-
AVANA Model 2570
L 224 cm Leður ct. 15 Verð 479.000,-
JEREMY Model 2987
L 202 cm Áklæði ct. 86 Verð 399.000,-
L 202 cm Leður ct. 30 Verð 539.000,-
TRATTO Model 2811
L 207 cm Áklæði ct. 70 Verð 279.000,-
L 207 cm Leður ct. 10 Verð 359.000,-
SAVOY Model V458
L 223 cm Áklæði ct. 70 Verð 269.000,-
L 223 cm Leður ct. 15 Verð 399.000,-