Morgunblaðið - Sunnudagur - 26.11.2017, Blaðsíða 38

LESBÓK Í tengslum við sýningu myndlistarmannanna Kristjáns Steingríms Jóns-sonar og Einars Garibalda í Gerðarsafni bjóða þeir fólki með sér í
göngu á sunnudag kl. 14, að kanna staði í nærumhverfi safnsins.
Skoða umhverfi Gerðarsafns
38 MORGUNBLAÐIÐ SUNNUDAGUR 26.11. 2017
Lög og textar voru tilbúin að fara aðheiman, höfðu verið að safnast upp ínokkur ár á meðan ég bjó erlendis.
Fljótlega eftir að ég flutti heim tók ég þátt í
uppsetningu á Rocky Horror í Loftkastal-
anum. Þar kynntist ég Jóni Elvari Hafsteins-
syni og fékk hann til liðs við mig, sem endaði
með útgáfu fyrstu plötunnar, Cut My
Strings,“ svarar tónlistarkonan Margrét
Kristín Sigurðardóttir, sem kallar sig Fab-
úlu, þegar hún er spurð hvað hafi markað
upphaf tónlistarferils hennar en hún fagnar
20 ára ferli með tónleikum í Gamla bíói 30.
nóvember. Verður þar öllu tjaldað til, eins og
sagt er, því Fabúla er þekkt að íburðar-
miklum sviðsetningum og ævintýralegum og
forvitnilegum uppákomum á tónleikum sín-
um.
Tónlistarsýning
Afmælistónleikarnir verða í þeim anda því
Fabúla segir að á sviðinu verði skapað æv-
intýri fyrir augu, eyru og ekki síst sál tón-
leikagesta. Hún segist hafa fengið sviðs-
hönnuð til liðs við sig og einnig verði verk
vídeólistafólks tvinnuð inn í tónleikana, sem
líklega mætti allt eins kalla tónlistarsýningu.
Fabúla nefnir einnig að flygill sem nú sé
fastur inni í strætisvagni Ilmar Stefáns-
dóttur, myndlistarkonu og leikmyndahönn-
uðar, verði fluttur upp á svið. Ævintýralegt
skal það vera.
Stofnaði hljómsveit
í leiklistarnámi
Fabúla segist hafa búið í Þrándheimi í Nor-
egi áður en kom að útgáfu fyrstu plötunnar.
Þar hafi hún verið í leiklistarnámi sem end-
aði með þeim óvenjulega hætti að hún sneri
sér að tónlist. „Það voru ýmsar ástæður fyrir
því að ég fór þá leið. Ég stofnaði hljómsveit í
leiklistarnáminu, missti systur mína á þeim
tíma sem hafði m.a. þau áhrif að ég þurfti að
koma ýmsu frá mér í textum og tónum,“ seg-
ir hún.
Á 20 ára ferli hefur Fabúla gefið út fjórar
breiðskífur: Cut My Strings árið 1996 sem
færði henni tilnefningu til Íslensku tónlistar-
verðlaunanna, Kossafar á ilinni (2001) sem
einnig var tilnefnd til verðlaunanna, í flokkn-
um plata ársins árið 2002; Dusk (2006) og In
Your Skin (2009). Tónleika hefur hún haldið
marga, hér á landi sem erlendis, og þá bæði
ein og með þekktum tónlistarmönnum.
Nokkrir slíkir verða henni til halds og
trausts í Gamla bíói, þau Unnur Birna
Bassadóttir, Jökull Jörgensen, Birkir Rafn
Gíslason, Scott McLemore og Kjartan Valde-
marsson en einnig kemur fram enska leik-
konan Angela Eyton sem Fabúla kynntist í
leiklistarnámi og söngvarinn Egill Ólafsson
verður sérstakur gestur. Fleiri gestir verða
kynntir til sögunnar þegar nær dregur og
einnig er von á óvæntum uppákomum.
Jarðtengdari og pólitískari
Fabúla er spurð hvort tónlist hennar hafi
breyst mikið á þessum 20 árum sem ferill
hennar spannar. „Að einhverju leyti verð ég
smátt og smátt jarðtengdari og pólitískari,
þótt ævintýrið sé aldrei langt undan,“ svarar
hún. „Textarnir leiða tónsköpunina og því lit-
ar hugarsástand mitt á hverjum tíma loka-
hljóminn. Plöturnar hafa því hver sinn lit.“
– Tónleikarnir þínir hafa alltaf verið dálítið
leikrænir …
„Já og þessir verða það líka, ég er að
vinna með sviðsmyndahönnuði og verð með
efni frá vídeólistafólki, þannig að þetta verð-
ur sjónrænt ævintýri líka og ég legg upp úr
því að við förum saman inn í ólíka heima með
áhorfendum, í ólíkum lögum og textum,“
svarar Fabúla. Hún ætli að flytja lög af öll-
um ferlinum og nýtt efni líka, m.a. lög sem
hún samdi fyrir skömmu við ljóð Gerðar
Kristnýjar og lagið „Diamond Boy“ sem hún
tileinkar vini sem beittur var ofbeldi í æsku.
Nokkur hlutverk þegar komin
Fabúla hefur tvívegis stundað leiklistarnám
erlendis, fyrst í Þrándheimi, sem fyrr segir,
og nær tveimur áratugum síðar í London.
Náminu í London lauk hún nýverið og hefur
þegar tekið að sér nokkur hlutverk hér
heima. „Ég var að leika í kvikmynd sem ver-
ið er að leggja lokahönd á og verður væntan-
lega frumsýnd á næsta ári. Magnús Jónsson
er leikstjóri hennar og handritshöfundur. Svo
var ég aðeins að leika í Ófærð 2 um daginn
og það eru fleiri verkefni að koma inn núna,“
segir Fabúla um leikferilinn.
Að lokum er hún spurð út í þetta sérstaka
listamannsnafn, Fabúlu, hvaðan það hafi
komið.
„Allir textarnir á fyrstu plötunni voru
meira eða minna litlar sögur. Fabúla var í
upphafi hugsað sem nafnið á tvíeyki okkar
Jóns á þessari „smásagnaplötu“ en svo fór
það að loða við mig. Ég ákvað að streitast
ekkert á móti því. Fabúla er hliðarsjálf sem
mér þykir vænt um.“
Morgunblaðið/Eggert
„Hliðarsjálf sem mér þykir vænt um“
Tónlistarkonan Fabúla heldur upp á 20 ára feril sinn með tónleikum í Gamla bíói 30. nóvember. Hún segir textana leiða tónsköpunina.
Helgi Snær Sigurðsson helgisnaer@mbl.is
’ Allir textarnir á fyrstu plöt-unni voru meira eða minnalitlar sögur. Fabúla var í upphafihugsað sem nafnið á tvíeyki okkar
Jóns á þessari „smásagnaplötu“ en
svo fór það að loða við mig.
Margrét Kristín Sigurðar-
dóttir, Fabúla, er þekkt tón-
listarkona og nú reynir hún
einnig fyrir sér sem leikkona.