Morgunblaðið - Sunnudagur - 26.11.2017, Blaðsíða 45

fyndist ég léleg á gítar og ætti að
hætta, en öllum var skítsama um uku-
lele. Ég gat þess vegna gert hvað sem
ég vildi með það án þess að vera með
komplexa.“
Bjarney Anna semur mest á þetta
litla skemmtilega hljóðfæri. „Það er
þægilegt að grípa ukulele með sér
hvert sem maður fer og auðvelt að
glamra á það. Hugmyndirnar koma
nefnilega ekki þegar maður vill fá
þær, heldur þegar þær vilja.“
Stundum semur Bjarney textann
fyrst, stundum lagið, einstaka sinnum
hvort tveggja í einu. Spurð um text-
ana segir hún þá gjarnan fjalla um
sálarlífið. „Þótt ég hafi upplifað ást og
sé ástfangin skrifa ég mjög sjaldan
um ást eða rómantík. Mér finnst vera
dálitið mikið til af því!“ segir hún.
„Titillag plötunnar, Who are you?, er
um að samþykkja sjálfan sig eins og
maður er, líka þá hluta af manni sem
manni líkar ekki við. Að sættast við
það hver maður er, andlega. Annað
lag er líka um að samþykkja sjálfan
sig, en meira út frá útlitslegum kröf-
um. Líkamlega.“
Hún nefnir líka lag um öfundsýki
og það að bera sig saman við aðra.
„Það er innblásið af vinkonu minni,
sem mér finnst æðisleg. Hún er falleg,
gáfuð og gerir ótrúlegustu hluti, býr
til dæmis til tónlist. Ég var með þá
mynd í hausnum af þessari vinkonu
minni að hún væri fullkomin mann-
eskja og skrifaði lag um það; í mjög
langan tíma langaði mig að vera alveg
eins og hún, en áttaði mig svo á því að
henni getur líka liðið illa. Ég bara sé
það ekki og finn ekki af því ég er ekki
hún.“
Bjarney segir einhverfar fyrir-
myndir vanta fyrir listafólk. „Ég var
lengi rosalega spennt fyrir því að
heyra um einhvern einhverfan í
skemmtanalífinu því það gæti sýnt
fram á að það væri pláss fyrir mig. En
ég held að þeir sem eru á rófinu og í
þessum bransa séu ógreindir eða fari
svolítið leynt með það. Það þykir
nefnilega ekkert sérstaklega fínt að
vera einhverfur núna. Það er ekki in,
þykir ekki kúl! Ég hef séð á netinu að
nú er farið að nota orðið sem móðgun
við fólk. Ef einhver hagar sér
heimskulega er spurt: Ertu ein-
hverfur? Það hefur lengi tíðkast að
fólk sé spurt hvort það sé þroskaheft,
en þetta er nýtt með einhverfuna.
Fólk er samt farið að fatta að það er
ekki fallegt að segja þetta; þroska-
skertir vilja ekki láta líkja sér við hálf-
vita,“ segir Bjarney Anna og hlær.
„Með þessu er nefnilega ekki verið að
móðga fólkið sem talað er við heldur
þá þroskaskertu.“
Bjarney Anna segist hugsanlega
geta orðið fyrirmynd. „Ég hræðist
það reyndar svolítið af því ég veit ekki
hvort ég get staðið mig sem fyrir-
mynd. En einhver verður að gera
þetta og ég trúi því almennt að ef
maður vill að eitthvað gerist en sitji
bara á rassinum og geri ekkert í því,
þá gerist ekki neitt.“
Hún sagðist á tímabili hafa haft þá
hugmynd um sjálfa sig að til að passa
sem „venjuleg“ manneskja í þjóð-
félagið mætti hún aldrei gera mistök.
Yrði að vera fullkomin. „Einu skiptin
sem ég finn mun á mér og öðrum er
þegar ég geri vitleysu og fatta ekki að
það sé vitleysa. Mörg viðmið í þjóð-
félaginu eru ekki skrifuð niður og
stundum þarf maður að gera vitleysu
til að einhver dragi mann til hliðar og
útskýri fyrir manni hvað er í gangi.
Það getur verið mjög óþægilegt en
samt óumflýjanlegt. Smám saman
gerði ég mér svo grein fyrir því að
margt „venjulega“ fólkið veit ekki allt-
af hvað það á að segja eða hvernig það
á að bregðast við tilfinningum. Það er
enginn fullkominn.“
Spurð um einhverfuna segir Bjarn-
ey Anna að lokum: „Fyrir þá sem eru
ekki vanir getur verið flókið að skilja
þetta. Það er til alls konar einhverfa;
strangt til er ég með Asperger-
heilkenni á einhverfurófi en segist
stundum bara vera einhverf til að
þurfa ekki að segja allt heila klabbið!
Það er einfaldara.“
26.11. 2017 MORGUNBLAÐIÐ SUNNUDAGUR 45
Lorde með lag ársins
Hin nýsjálenska Lorde.
TÓNLIST Nýsjálenska söngkonan Lorde, sem heitir réttu
nafni Ella Yelich-O’Connor er á toppi lista breska tónlistar-
tímaritsins NME yfir bestu lög ársins með lagið „Green
Light“, sem þykir einstaklega vel samið. Hún er með tvö lög á
topp fimmtíu en lag hennar „Supercut“ situr í 29. sæti listans,
sem er fjölbreyttur og inniheldur margt það nýjasta í poppi,
rokki og rappi.
Í öðru sæti er Charlie XCX með lagið „Boys“ og á eftir fylgja
Paramore með „Hard Times“, Kendrick með „HUMBLE“, Stormzy
og „Big For Your Boots“, Wolf Alice með „Don’t Delete The Kisses“,
Calvin Harris og „Slide“, Cardi B með „Bodak Yellow“, The Killers
með „The Man“ og í tíunda sæti er síðan Selena Gomez og lagið „Bad
Liar“. Listann allan er hægt að sjá á nme.com og einnig er hægt að
hlusta á hann á Spotify.
KVIKMYNDIR Viðræður standa yfir við
Jude Law um að leika aðalkarlhlutverkið í
Captain Marvel á móti Brie Larson, að sögn
ónefnds heimildarmanns The Wrap. Leik-
stjórar verða Anna Boden og Ryan Fleck en
Kevin Feige leikstýrir. Meg LeFauve (Inside
Out) og Nicole Perlman (Guardians of the Ga-
laxy) eru á meðal handritshöfunda.
Captain Marvel verður fyrsta Marvel-
ofurhetjuhetjumyndin með konu í aðal-
hlutverki. Ekki er vitað hvaða hlutverk Law
tekur að sér nema það að hann verður ein-
hvers konar lærifaðir Carol Danvers (Lar-
son).
Law í Captain Marvel
Law ætlar að leika í ofurhetjumynd.
Tímaritið Forbes er búið að taka saman lista yfir
hæstlaunuðu tónlistarkonurnar árið 2017 og er
það Beyoncé sem trónir á toppnum með tekjur
upp á 105 milljónir bandaríkjadala eða um ellefu
milljarða íslenskra króna. Hún gaf út plötuna
Lemonade á árinu sem sló í gegn bæði meðal
aðdáenda hennar og gagnrýnenda og varð sjötta
hljóðversplata tónlistarkonunnar til að fara á
toppinn í Bandaríkjunum. Fjórðungur teknanna
kemur frá tónleikaferðalaginu Formation World
Tour.
Í öðru sæti listans er breska
söngkonan Adele, sem fékk
einmitt Grammy-verðlaun
fyrir plötu sína 25 í febrúar.
Hún braut verðlaunin í tvennt
og sagðist eiga erfitt með að
taka við þeim því Lemonade
hefði verið svo mögnuð plata.
Tekjur Adele voru 69 milljónir
dollara eða um 7,2 milljarðar
dala.
Við gerð listans skoðar For-
bes tekjur fyrir skatta frá 1.
júní 2016 til 1. júní 2017. Ekki
er tekið tillit til greiðslna til
umboðsmanna og lögfræð-
inga. Gögnin koma frá Nielsen
SoundScan, Pollstar, RIAA og frá
viðtölum við innanbúðarfólk í
tónlistariðnaðinum.
Þessar tvær á toppnum eru
með tugum milljóna dala meira í
tekjur en næstu konur á listan-
um.
Á topp tíu eru ennfremur í
þessari röð (tekjur í sviga í millj-
örðum króna): Taylor Swift
(4,56), Celine Dion (4,35), Jenni-
fer Lopez (3,94), Dolly Parton
(3,84), Rihanna (3,73), Britney
Spears (3,52), Katy Perry (3,42)
og Barbra Streisand (3,11).
Ekki kemur á óvart að Beyoncé sé í efsta sæti.
AFP
HÆSTLAUNUÐU TÓNLISTARKONURNAR
Beyoncé á
toppnum
Adele er númer tvö á listanum.
Bjarney Anna Jóhannesdóttir heldur tón-
leika í menningarhúsinu Hofi á Akureyri
næsta föstudag, 1. desember, klukkan 20.
Tilefnið er útgáfa plötunnar Who are you?
sem Bjarney sendir frá sér undir lista-
mannsnafninu Fnjósk. Svo skemmtilega vill
til að sama dag fagnar hún 25 ára afmæli.
Fyrir fjórum árum gaf Bjarney, þá sem
listamaðurinn Sockface, út plötuna Rat Manicure.
„Ég var lengi með listamannsnafnið Fnjósk í huga en fannst það
of fínt fyrir mig á meðan ég var yngri. Vildi geyma það nafn þangað
til ég yrði eldri en áttaði mig svo á því að því meira sem ég geymdi
það, því meira yrði það utan seilingar. Ég yrði bara að grípa nafnið
og vaxa svo í það,“ segir hún.
Bjarney sendir nú frá sér efni í fyrsta skipti sem Fnjósk. Hægt er
að styrkja útgáfu plötunnar á Karolina fund á netinu en ókeypis að-
gangur verður á tónleikana í Hofi.
Plata og tónleikar
LEYNIVOPN ÞJÓÐARINNAR
* Til að DHA skili jákvæðum áhrifum
þarf að neyta 250 mg á dag.
OMEGA-3
FYRIR SJÓN
OG AUGU
Omega-3 augu er ný vara frá Lýsi
sem er einkumætlað að viðhalda
eðlilegri sjón.
Omega-3 augu inniheldur lútein,
zeaxanþín og bláberjaþykkni. Ásamt
omega-3 fitusýrunni DHA*, sinki og
ríblóflavíni (B2 vítamín) sem stuðla
að viðhaldi eðlilegrar sjónar.
Fæst í öllum helstu apótekum landsins.