Morgunblaðið - 13.12.2017, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 13. DESEMBER 2017
GÆÐI – ÞEKKING – ÞJÓNUSTA
Njóttu bakstursins,
við hreinsum fötin
Við erum sérfræðingar í erfiðum blettum
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Helgi Bjarnason
helgi@mbl.is
Kjörstjórn þjóðkirkjunnar hefur
ákveðið að ógilda kosningu vígslu-
biskups í Skálholtsumdæmi og einnig
tilnefningar til vígslubiskupskjörs
sem áður höfðu farið fram. Í bókun
kjörstjórnarinnar sem lögð var fyrir
kirkjuráð í gær kemur fram að þetta
sé óhjákvæmilegt svo unnt sé að
semja nýja kjörskrá og gefa sóknum
tækifæri til að bæta úr annmörkum á
vali kjörmanna. Kirkjuráð sam-
þykkti jafnframt tillögu kjörstjórnar
um að ný tilnefning hefjist 2. febrúar
og kosning 9. mars.
Kosning nýs vígslubiskups í Skál-
holtsumdæmi var að komast á loka-
stig fyrr í vetur þegar kjörstjórn
þjóðkirkjunnar ákvað að fresta síð-
asta hluta ferlisins. Kom í ljós í um-
ræðum í kjölfar vals á presti við
Dómkirkjuna í Reykjavík að ekki var
rétt staðið að vali kjörmanna. Það eru
þeir sömu og kjósa vígslubiskup og
biskup. Kjörstjórnin fól starfsmönn-
um Biskupsstofu að kanna hvernig
staðið hefði verið að vali kjörmanna í
öllu umdæminu.
109 ranglega á kjörskrá
Hjördís Stefánsdóttir, formaður
kjörstjórnarinnar, segir að komið sé í
ljós að í að minnsta kosti 41 sókn af
alls 164 hafi val á kjörmönnum ekki
verið í samræmi við starfsreglur.
Ekki hafi borist upplýsingar um val á
kjörmönnum frá 23 sóknum. Segir
Hjördís að 109 kjörmenn hafi verið á
kjörskrá sem ekki áttu að vera þar,
en kjörmenn eru alls 979, og fari
fjölgandi. Helstu annmarkarnir eru
þeir að kjörmenn voru ekki kosnir á
safnaðarfundi heldur á fundi sóknar-
nefndar eða á annan hátt.
Þess vegna varð að mati kjör-
stjórnarinnar ekki hjá því komist að
ógilda kosninguna.
Gefa kost á sér aftur
Prestar og aðrir vígðir starfsmenn
þjóðkirkjunnar tóku þátt í tilnefning-
arferli þar sem valdir voru þrír fram-
bjóðendur sem síðan var kosið á milli.
Ekki eru efasemdir um rétt þeirra til
að taka þátt. Hjördís segir að allir
kjörmenn séu á sömu kjörskránni
sem gefin var út áður en tilnefningar
hófust. Ómögulegt sé að breyta kjör-
skránni nema endurtaka tilnefn-
inguna líka. Því hafi verið ákveðið að
ógilda einnig tilnefningarnar og end-
urtaka vígslubiskupsvalið frá upp-
hafi.
Kjörstjórn veitir sóknarnefndum
frest til 12. janúar til að bæta úr ann-
mörkum við val kjörmanna. Opið
verður fyrir tilnefningar 2. til 7. febr-
úar og vígslubiskupskjör fer síðan
fram 9. til 21. mars.
Í fyrri umferðinni í vetur var kosið
á milli þriggja presta og fékk enginn
meirihluta greiddra atkvæða. Séra
Kristján Björnsson fékk flest at-
kvæði og séra Eiríkur Jóhannsson
fékk næstflest. Séra Axel Árnason
Njarðvík varð þriðji og féll úr leik.
Kjósa átti á milli Kristjáns og Eiríks
en kjörstjórnin stöðvaði ferlið, eins
og áður er getið.
Séra Kristján skrifar á vefsíðu sína
að hann vonist eftir því að hljóta góða
tilnefningu presta og djákna að nýju
og góðan stuðning frá kjörnefndar-
fólkinu í öllu umdæmi Skálholts.
Séra Axel skrifar að hann sækist
eftir tilnefningu presta og djákna og
muni síðan í kjölfarið leita eftir
stuðningi að minnsta kosti 500 kjör-
manna svo ekki þurfi að kjósa á ný.
Kosningaferli endurtekið frá byrjun
 Fjöldi kjörmanna við vígslubiskupskjör ranglega valinn  Kjörstjórn ógildir tilnefningar og kjör
Morgunblaðið/Brynjar Gauti
Skálholtskirkja Vígslubiskup um-
dæmisins situr í Skálholti.
„Ég kynnti þarna markmið Íslands
um kolefnislaust Ísland 2040 og
hvernig við hyggjumst ná því og það
mæltist vel fyrir,“ sagði Katrín Jak-
obsdóttir forsætisráðherra, sem
kynnti áform nýrrar ríkisstjórnar í
umhverfis- og loftslagsmálum á
fundinum One Planet Summit sem
haldinn var í París í gær.
Forseti Frakklands, Emmanuel
Macron, bauð til leiðtogafundarins í
tilefni af því að tvö ár eru frá undir-
ritun Parísarsamkomulagsins í lofts-
lagsmálum, í samstarfi við fram-
kvæmdastjóra Sameinuðu þjóðanna
og forseta Alþjóðabankans. Fulltrú-
ar frá um 130 ríkjum sóttu fundinn
og skráðir þátttakendur voru um
4.000, m.a. fulltrúar ríkisstjórna,
sveitarfélaga, félagasamtaka, fyrir-
tækja, fjármálageirans og vísinda-
samfélagsins.
Metnaður í að vera á undan
„Sem lítil þjóð með endurnýjan-
lega orkugjafa þá eigum við mikil
tækifæri til þess að ganga lengra og
það var gerður góður rómur að því.
Það eru fleiri þjóðir að setja sér
slík markmið, en við erum metn-
aðarfull í tímasetningum og ætlum
að vera fimm árum á undan ná-
grönnum okkar á Norðurlöndunum
að því er fram kom á fundinum,“
segir Katrín.
„Þetta var góður fundur,“ segir
hún. „Þjóðarleiðtogar fóru þar yfir
hvað þeir hafa gert til að fylgja eftir
Parísarsamkomulaginu á síðast-
liðnum tveimur árum. Þjóðir heims
voru þar að kynna sín markmið, en
líka aðrir aðilar, t.a.m. úr einkageir-
anum og víðar að.“ Áherslan að
þessu sinni hafi verið á fram-
kvæmdaatriðin og hvernig eigi að ná
settum markmiðum.
„Emmanuel Macron, forseti
Frakklands, sagði við upphaf þessa
fundar að hann teldi að við værum
að tapa baráttunni nema mikið væri
að gert,“ segir Katrín. „Ég held
samt að fundurinn hafi skilið okkur
eftir bjartsýnni en áður, því það er
alveg ljóst að þjóðir heims taka þetta
alvarlega.“ annaei@mbl.is
Katrín kynnti kolefnis-
laust Ísland 2040 í París
AFP
Ein pláneta Katrín Jakobsdóttir forsætisráðherra mætir í hádegisverð hjá Frakklandsforseta í Élysée-höllinni.
 Frakklandsforseti boðaði til fjölmenns loftslagsfundar
Heilsast Emmanuel Macron og Katrín Jakobsdóttir takast í hendur.
Útgerð Ögurvíkur hefur ákveðið að
setja frystitogarann Vigra RE 71 á
sölu. „Við héldum fund með áhöfn-
inni í sl. viku, skipið er í slipp núna.
Við tilkynntum að við hefðum hug á
að endurnýja skipið, þ.e. setja Vigra
á sölu og finna annað skip í stað-
inn,“ segir Ægir Páll Friðbertsson,
framkvæmdastjóri Ögurvíkur, út-
gerðarfélags í eigu Brims.
„Það er nú þannig með sjómanna-
lög og sjómannasamninga að áhafn-
ir eru ráðnar á skip. Það er ekki
hægt að flytja áhafnir á milli skipa
öðruvísi en að segja upp ráðning-
arsamningum. Ögurvík er ekki hætt
útgerð, Vigri verður gerður út þar
til hann selst. Við reiknum nú með
að finna skip en við þurfum að selja
þetta fyrst,“ segir Ægir Páll.
Ástæðan sé að útgerðin hafi orðið
að finna hagkvæmara skip vegna
hækkunar ýmissa útgjalda ásamt
veiðigjaldi sem hafi hækkað um
170% samtals á milli fiskveiðiáranna
2016-2017 og 2017-2018 miðað við
forsendur á sömu veiði hjá útgerð
Ögurvíkur.
„Við erum að reyna að leita hag-
kvæmari kosti vegna mikillar út-
gjaldaaukningar. Við hefðum þurft
annaðhvort að fjárfesta meira í
Vigra, sem er orðinn 25 ára gamalt
skip, eða reyna þessa leið, að selja
hann og kaupa nýrra skip og við
ákváðum að reyna þetta fyrst,“ seg-
ir Ægir Páll sem segist eins og er
ekki eiga von á öðru en að áhöfnin
flytjist yfir á nýja skipið þegar þar
að kemur. ernayr@mbl.is
Ögurvík hyggst end-
urnýja Vigra RE-71
 Hagræðing vegna meiri kostnaðar
Morgunblaðið/Árni Sæberg
Til sölu Vigri RE-71 á leið til löndunar. Skipið er um þessar mundir í slipp.