Morgunblaðið - 13.12.2017, Síða 10

10 FRÉTTIRInnlent
MORGUNBLAÐIÐ MIÐVIKUDAGUR 13. DESEMBER 2017
m æ t i r þ í n u m þ ö r f u m
Aeg
ofnAr
u p p l i f u n a ð e l d a
lágmúla 8 · sími 530 2800
Ágúst Ingi Jónsson
aij@mbl.is
Ársnotkun eldsneytis í sjávarútvegi
2016 var sú lægsta frá árinu 1990,
bæði frá fiskiskipum og fiskimjöls-
verksmiðjum. Fram til 2030 er reikn-
að með að olíunotkun í sjávarútvegi
dragist saman um 19%. Eldsneytis-
notkun í sjávarútvegi minnkaði í heild
um tæplega 43% frá árinu 1990 til árs-
ins 2016. Þar af hefur eldsneytisnotk-
un fiskiskipa minnkað um rúm 35%
og fiskimjölsverksmiðja um tæp 84%.
Stöðugleiki og ábyrg stjórnun
Þetta er meðal þess sem fram kem-
ur í umhverfisskýrslu Samtaka fyr-
irtækja í sjávarútvegi Umhverfis-
skýrsla SFS undir heitinu Nýting
auðlindar og umhverfisspor. Þar er að
finna margvíslegar upplýsingar um
orkunotkun í sjávarútvegi og spá um
framhaldið. Einkum er horft til ár-
anna 1990 til 2030, en það er það tíma-
bil sem Parísarsamkomulagið miðast
við og er skýrslan gefin út á tveggja
ára afmæli samkomulagsins.
Ástæður samdráttar í eldsneytis-
notkun sjávarútvegs frá 1990 til 2016
eru m.a. hátt olíuverð, minni afli,
tækniframfarir sem auka afla á sókn-
areiningu og samþjöppun í greininni.
Nýrri og tæknivæddari skip munu
draga enn frekar úr umhverfisáhrif-
um sjávarútvegs. „Stöðugleiki undan-
farin ár og áratugi, ásamt ábyrgri
fiskveiðistjórnun, hefur leitt til þess
að sjávarútvegsfyrirtæki eru sterkari
einingar en oft áður og huga betur að
umhverfismálum,“ segir í skýrslunni.
Eldsneytisnotkun sjávarútvegsins
var mest á árunum 1996 og 1997 þeg-
ar mikil sókn var á fjarlæg mið, eins
og til dæmis í Smuguna og til rækju-
veiða á Flæmingjahatti. Frá 1997 hef-
ur eldsneytisnotkun minnkað að með-
altali um rúm 4% ári.
Botnvarpan orkufrek
Veiðar með botnvörpu vega þyngst
í olíunotkun, en eru afar mikilvægar í
hagkerfinu eins og sést af því að hlut-
deild botnvörpuafla í heildarafla var
25% árið 2016 en verðmæti botn-
vörpuaflans var 43% af heildarverð-
mæti fiskafla af Íslandsmiðum það ár.
Um það bil 50% af heildarolíunotkun
fiskiskipa hafa stafað frá veiðum með
botnvörpu, en er nú 48% og áætlað að
hún verði um 45% árið 2030.
Stærstur hluti botnfiskaflans árið
2016 fékkst í botnvörpu, rúm 54%, og
með veiðum á línu, rúm 25%. Annar
afli fékkst í net, dragnót og önnur
veiðarfæri. Uppsjávaraflinn fékkst að
langmestu leyti í flotvörpu, um 81%
og í nót, um 17%.
Stöðugt hefur dregið
úr eldsneytisnotkun
 Nýrri skip munu draga enn frekar úr umhverfisáhrifum
Olíunotkun í sjávarútvegi 1990 til 2016
350
300
250
200
150
100
50
0
’90 ’92 ’94 ’96 ’98 ’00 ’02 ’04 ’06 ’08 ’10 ’12 ’14 ’16
Heimild: Orkuspárnefnd 2016
Fiskveiðar
Fiskimjölsverksmiðjur
325
142
248
Þúsundir tonna
Fiskveiðiflotinn í tölum
1.000
900
800
700
600
500
500
400
300
200
100
0
Stærð (þús. BT)
Vélarafl (MW)
2000 2005 2010 2016
Heimild: Samgöngustofa439
175
447
178
395
149
372
147
Fjöldi vél- og togskipa
808
862
761
790
Heildarafli Íslendinga af öllum miðum
2.000
1.500
1.000
500
0
’82 ’84 ’86 ’88 ’90 ’92 ’94 ’96 ’98 ’00 ’02 ’04 ’06 ’08 ’10 ’12 ’14 ’16
Heildarafli
1982 til 2016, þúsundir tonna
Heimild: Hagstofa Íslands
Uppsjávarfiskur
Höskuldur Daði Magnússon
hdm@mbl.is
„Þessi viðgerð er heilmikil fram-
kvæmd og dýr,“ segir Kristín Ró-
bertsdóttir, formaður Húsfélags
alþýðu, sem er eigandi styttunnar
af Héðni Valdimarssyni sem stend-
ur við Hringbraut í Reykjavík.
Vegfarendur í Vesturbænum
hafa eflaust tekið eftir því að
styttan af Héðni hefur verið held-
ur óhrjáleg að undanförnu, búið er
að brjóta upp stöpulinn og raða
varnarkeilum í kring eins og við-
gerð standi yfir. Ekkert hefur þó
gerst síðasta hálfa árið eða svo.
„Við tókum eftir því að það
voru lausar flísar á stöplinum und-
ir styttunni og vildum laga þær.
Svo þegar þetta var skoðað kom í
ljós að stöpullinn var mikið
skemmdur og það þarf að brjóta
hann niður. Það hefur því miður
dregist að framkvæma það,“ segir
Kristín.
„Við erum búin að semja við Ár-
bæjarsafn og styttan af Héðni fer í
geymslu þar á meðan framkvæmt
verður. Stöpullinn verður steyptur
þegar fer að vora og veður verður
almennilegt,“ segir Kristín.
Morgunblaðið/Eggert
Bíður viðgerðar Styttan af Héðni Valdimarssyni má muna fífil sinn fegurri.
Héðinn fær inni á
Árbæjarsafni í vor
Persónuvernd hefur vakið athygli bæjarstjórnar Garðabæjar á því að til-
kynna þurfi um rafræna vöktun með eftirlitsmyndavél sem sett hefur verið
upp við Álftanesveg og að slík vöktun þurfi að fullnægja skilyrðum og til-
gangurinn að vera málefnalegur. Garðabær lét setja upp eftirlitsmyndavél
við Álftanesveg, skammt frá hringtorginu til móts við Bessastaði. Gunnar
Einarsson bæjarstjóri segir að þetta sé tilraunaverkefni sem unnið hafi
verið í samvinnu við lögreglu og Neyðarlínu í kjölfar óska íbúa á Álftanesi.
Tilgangurinn sé að auka öryggi íbúa.
Myndavélin á að geta greint bílnúmer við ýmsar aðstæður. Gunnar segir
að ekki verði dagleg vöktun á vélinni en hægt að skoða upplýsingar úr
henni ef þess gerist þörf vegna einhverra atvika.
Fram kom á fundi bæjarráðs í gær að verið er að undirbúa samstarfs-
samning við lögregluna og Neyðarlínu og tilkynningu til Persónuverndar.
helgi@mbl.is
Athugasemdir við eftirlit
Frá 2006 til 2016 hafa LÍÚ og síðan SFS sent á eigin vegum eða haft
milligöngu um endurvinnslu á 8.400 tonnum af veiðarfæraúrgangi. sem
samsvarar um 15-16.000 rúmmetrum eða 260 fjörutíu feta gámum. Af
því sem safnaðist og var úr gerviefni, fóru nálægt 96% í endurvinnslu.
Veiðarfæraúrgangur héðan er nú fluttur til Litháens til endurvinnslu
og fer framleiðslan að stærstum hluta í raf- og bílaiðnað í Þýskalandi.
Nýtast í bílaiðnaði
8.400 TONN AF VEIÐARFÆRUM Í ENDURVINNSLU