Morgunblaðið - 22.02.2018, Blaðsíða 36

36 FRÉTTIRInnlent
MORGUNBLAÐIÐ FIMMTUDAGUR 22. FEBRÚAR 2018
WeycorAR65e
þyngd 5150kg
vél: Deuzt (vatnskæld)
54KW (73hö)
Hanix H27DR
þyngd 2825kg
vél: Kubota
14,4KW (19hö)
Vinnuþjarkar
Þýsk og japönsk gæðavara
Við græjumþað
Til sjós eða lands
Opið 8:30 - 17:00 virka daga - Sími: 562 3833
asafl.is
HJALLAHRAUNI 2, 220 HAFNARFIRÐI
SVIÐSLJÓS
Erna Ýr Öldudóttir
ernayr@mbl.is
Helga Þórisdóttir, forstjóri Persónu-
verndar, telur að persónuverndar-
stofnanir gætu byrjað þann 25. maí
nk. að virkja nýjar persónuverndar-
reglur með stjórnvaldssektum. Hún
vill sem fyrr hvetja ábyrgðar- og
vinnsluaðila persónuupplýsinga til að
róa öllum árum að innleiðingu regln-
anna. Þær hafi legið fyrir um tíma
ásamt upplýsingum frá Persónu-
vernd á vef stofnunarinnar. Mikil
áhætta fylgi öryggisbroti eða leka á
persónuupplýsingum.
„Stórir vinnsluaðilar persónu-
upplýsinga eru ekki endilega stór fyr-
irtæki og stofnanir, það geta líka ver-
ið litlir aðilar með tíu starfsmenn.“
Komist persónuverndarstofnanir
að því að lítið eða ekkert hafi verið
gert til að hlíta reglunum, gætu sekt-
ir haft áhrif á viðskipti, sérstaklega ef
fyrirtæki eru í alþjóðlegri starfsemi.
Enn of seinlegt eftir 25 ár
Davíð Þorláksson, forstöðumaður
samkeppnishæfnisviðs Samtaka at-
vinnulífsins (SA), gagnrýndi seina-
gang íslenskra stjórnvalda í grein
sem birtist á vef samtakanna 2. febr-
úar sl. undir fyrirsögninni „Ald-
arfjórðungs klaufagangur“ og segir
þar m.a.: „Þótt meira 21 mánuður sé
frá því ESB setti reglugerðina, og
minna en fjórir mánuðir séu til gild-
istöku hennar, þá hefur frumvarp
ekki enn verið lagt fram á Íslandi.“
Hann segir m.a. í greininni að al-
mennt mætti láta ferli við innleiðingu
reglna Evrópska efnahagssvæðisins
(EES), sem byrjaði fyrir 25 árum,
ganga hraðar, það þurfi aukið samráð
við atvinnulífið og eins þurfi að velja
minnst íþyngjandi leiðina. Reglu-
gerðin er óvenjuleg að því leyti að
hún varðar alla landsmenn og þús-
undir fyrirtækja sem þurfi mjög mik-
inn tíma til að innleiða hana.
„Lýsandi fyrir þetta er kannski að í
starfshópnum sem dómsmálaráð-
herra skipaði til að undirbúa frum-
varpið situr enginn fulltrúi atvinnu-
lífsins,“ segir Davíð.
Þýðing á reglunum birt í fyrra
Þýðing á nýju evrópsku löggjöf-
inni, dags. 21. apríl 2017 og leiðbein-
ingar 29. gr. vinnuhóps, samstarfs-
vettvangs forstjóra persónuverndar-
stofnana í Evrópu, auk leiðbeininga
eru á vefsíðu Persónuverndar. Helga
telur þær nægan grundvöll fyrir-
tækja til að byrja vinnuna. Þar sé að
finna grunnreglur sem ekki verði
hægt að semja sig frá.
„Þær eru margar hverjar á pari við
núgildandi reglur sem fyrirtæki ættu
að vera búin að innleiða, allir þurfa að
máta sig að reglunum.“
Helga vill minna á sjálfgefna og
innbyggða persónuvernd, sem skuli
vera staðall í hugbúnaði, áhættumat
fyrir vinnslu persónuupplýsinga
ásamt aukinni kröfu um samþykki
hins skráða séu mikilvæg atriði til að
skoða ásamt gagnsæi í vinnslu. Skjal-
festing á að reglum sé fylgt og hvern-
ig skipti höfuðmáli.
Hjá Persónuvernd hafa verið sjö
stöðugildi en þeim hefur nú verið
fjölgað um fimm í viðbót vegna um-
fangs breytinga sem eru í vændum.
„Persónuverndarreglugerð ESB
hefur enn ekki verið tekin upp í EES-
samninginn en vænta má að það verði
innan skamms. Það er fyrsta skrefið,
en verið er að leysa úr ýmsum stofn-
analegum álitaefnum og aðlögun
gerðarinnar á vettvangi sameiginlegu
EES-nefndarinnar,“ segir Björg
Thorarensen, lagaprófessor við Há-
skóla Íslands (HÍ) og stjórn-
arformaður Persónuverndar. Hún
leiðir starfshóp sem dómsmálaráðu-
neytið skipaði í nóvember sl. til að
semja frumvarp að nýrri persónu-
verndarlöggjöf. Með henni í starfs-
hópnum eru Rósa Dögg Flosadóttir
frá dómsmálaráðuneyti, Vigdís Eva
Líndal og Þórður Sveinsson frá Per-
sónuvernd og Baldur Már Bragason
frá rekstrarfélagi Stjórnarráðsins.
Enginn fulltrúi atvinnulífsins situr
því í starfshópnum. Áformað var að
frumvarpið yrði tilbúið um miðjan
janúar sl. skv. frétt á vef dóms-
málaráðuneytisins.
Drög kynnt hagsmunaaðilum
„Frumdrög frumvarpsins liggja
fyrir og voru kynnt nokkrum hags-
munaaðilum nýverið, þ. á m. fulltrú-
um atvinnulífsins og Samtökum iðn-
aðarins. Eftir er að ákveða hvernig
þátttaka Íslands verði tryggð í nýrri
eftirlitsstofnun, Evrópska persónu-
verndarráðinu. Sú stofnun fær m.a.
heimild til að taka bindandi ákvarð-
anir gagnvart íslenskum stjórnvöld-
um. Það felur í sér álitamál um fram-
sal framkvæmdavalds á nýju
málefnasviði til alþjóðastofnunar,“
segir Björg. Hún bætir við að Evr-
ópska persónuverndarráðið, sem í
sitja fulltrúar persónuverndarstofn-
ana allra ESB-ríkjanna, taki til
starfa við gildistöku reglugerð-
arinnar og gefi út leiðbeiningar og
álit fyrir allar persónuverndarstofn-
anir á svæðinu til að tryggja sam-
ræmt eftirlit.
„Mér þykir líklegt að ef ekki er bú-
ið að lögfesta reglugerðina hér á
landi þegar hún tekur gildi gagnvart
ESB-ríkjunum 25. maí nk. muni Evr-
ópska persónuverndarráðið hugs-
anlega gefa út ráðleggingar um sam-
ræmd viðbrögð við þeirri stöðu.“
Þingleg meðferð eftir upptöku
„Fyrst þegar gerðin hefur verið
tekin upp í EES-samninginn getur
orðið þingleg meðferð, þ.e. að Alþingi
geri þingsályktun um staðfestingu
hennar. Þá verður hægt að leggja
fram frumvarp um innleiðingu reglu-
gerðarinnar sem felur m.a. í sér að
texti hennar verður lögfestur í heild
sinni inn í íslenskan rétt. Texti þess
liggur nú fyrir í frumdrögum og ver-
ið er að semja drög að greinargerð.
Frumvarpsdrögin ásamt grein-
argerð verða síðan birt og kallað eftir
athugasemdum,“ segir Björg sem
vonast til að nefndin skili þeirri vinnu
af sér í byrjun mars nk.
Auk starfshóps sem undirbýr
frumvarp til nýrra persónuverndar-
laga starfar vinnuhópur, skipaður
fulltrúum allra ráðuneyta, til að fara
yfir breytingar sem þarf að gera á
ýmsum sérlögum.
Björg segir að lokum að ekki sé
hægt að neita því að frumvarpsvinna
á Íslandi hafi farið seint af stað en að-
alatriði sé að frumvarpið sjálft sé
ekki með allar reglurnar, þær sé að
finna í reglugerðinni sem verður lög-
fest í heild sinni. Þá verði ýmsar sér-
reglur og útfærslur festar í nýju per-
sónuverndarlögin, en víki þó í mjög
litlum mæli frá reglugerðinni sjálfri.
Persónuvernd í brennidepli
 Nýju reglurnar hafa legið fyrir ásamt þýðingum og ástæðulaust að bíða  SA gagnrýna seinagang
við upptöku á EES-reglum  Nefnd vonast til að skila frumvarpsdrögum í byrjun mars
Mynd/ThinkStockPhotos
Persónuvernd Fyrirtæki og stofnanir eru hvött til að róa öllum árum að innleiðingu nýrra ESB-reglna.
Persónuvernd hefur undanfarna mánuði unnið að því að
kynna almenningi, fyrirtækjum og stofnunum nýju evr-
ópsku persónuverndarreglurnar. Þær má finna á vef
Persónuverndar, www.personuvernd.is.
Þar má einnig finna þýðingu hennar á íslensku ásamt
þýddum leiðbeiningum samstarfsvettvangs evrópskra
persónuverndarstofnana. Það er vinnuhópur sem kveð-
ið er á um í 29. gr. núgildandi Evróputilskipunar um per-
sónuvernd. Evrópska persónuverndarráðið mun leysa
hann af þegar nýja reglugerðin tekur gildi.
Einfaldar leiðbeiningar um rétt einstaklinga og skyld-
ur lögaðila eru á síðunni ásamt bæklingum fyrir hvort tveggja. Glæru-
kynningar um efnið eru einnig aðgengilegar á síðunni. Starfsmenn
Persónuverndar veita nánari upplýsingar og gert er ráð fyrir að starfs-
mönnum stofnunarinnar muni fjölga um fimm stöðugildi þegar frumvarp
um ný persónuverndarlög verður samþykkt.
Tengla á fréttir og umfjöllun framkvæmdastjórnar ESB um samþykkt
reglnanna ásamt nýjum reglum má einnig finna á vef dómsmálaráðu-
neytisins undir málum sem ráðuneytið vekur athygli á.
Fyrir þá sem ætla að byrja
ÞÝDDAR LEIÐBEININGAR ERU Á VEF PERSÓNUVERNDAR
Helga
Þórisdóttir
Davíð
Þorláksson
Björg
Thorarensen