Morgunblaðið - 22.02.2018, Blaðsíða 40

SVIÐSLJÓS
Ágúst Ásgeirsson
agas@mbl.is
Það lá við þjóðarsorg í Frakklandi
er Johnny Hallyday, hinn „franski
Elvis“, eins og hann var stundum
nefndur, féll frá í desember sl., 74
ára að aldri. Emmanuel Macron
forseti kallaði hann þjóðhetju og
kvað á um opinbera kveðjuathöfn.
Fór útför hinnar mestu rokk-
stjörnu Frakka fram með mikilli
viðhöfn í París. Var kistu Hallyday
m.a. ekið á líkvagni niður breiðgöt-
una Ódáinsvelli, Champs-Élysées.
Til grafar var hann svo borinn á
eyjunni Saint Barthélemy í Kar-
íbahafi þar sem hann átti lúxus-
villu. Ósk hans sjálfs var að verða
lagður þar til hinstu hvílu, eftir af-
ar sérstakan ævi- og tónlistarferil.
En Johnny, eins og Frakkar
kölluðu hann þvert á þá venju að
nefna fólk eftir fjölskyldunafni,
hafði ekki hvílt lengi í gröf sinni er
börn hans tvö af fyrri hjónabönd-
um stigu fyrstu lagalegu skrefin til
að fá meira úr dánarbúi hans en
virðist standa til. Málið hefur
blossað upp og verið með helsta
fréttaefni í Frakklandi. Óhætt er
að segja að landsmenn hafi orðið
agndofa af undrun í síðustu viku
vegna hinna hamslausu átaka um
auðæfi rokkstjörnunnar, sem lést
5. desember sl., eftir stutta bana-
legu í villu sinni í bænum Marnes-
la-Coquette við París.
Tónlistarmenn úr vinahópi hans
og ein af fyrrverandi eiginkonum
hafa dregist inn í deilurnar, sem
spáð er að eigi eftir að verða afar
harðar. Virðist sem losnað hafi um
spennu sem undir kraumaði í fjöl-
skyldunni og óhjákvæmilegt stríð
fyrir dómstólum skollið á. Fyrir
þeim er þess krafist að nýjasta
erfðaskrá rokkarans verði dæmd
ógild. Í henni eru eiginkonunni
Laeticia ánöfnuð auðæfin óskipt.
Sumir tala um að hin hatramma
deila sé á við grískan harmleik og
við blasir að þrætan muni rífa og
slíta fjölskyldu rokkarans enn
frekar í sundur.
Hallyday mun hafa breytt erfða-
skrá sinni fjórum eða fimm sinnum
en börn hans af fyrri hjónabönd-
um, Laura Smet og David Hally-
day, hafa fjórar undir höndum, frá
1997, 2006, 2007 og 3. apríl 2014.
Vantar þau skrá frá 2011 sem gerð
var í Sviss en hún mun hafa verið
numin úr gildi með aprílskránni
frá 2014. Sú skrá, sú fimmta í röð-
inni, var rituð á eitt A4-blað í vill-
unni í Marnes-la-Coquette, með
svörtum Bic kúlupenna. Í henni
ánafnar Johnny Hallyday konu
sinni allar eignir sínar. Eftir að
gengið var á hana vegna þessa
skjals skýrði Laeticia Hallyday frá
því að sjötta erfðaskráin hefði ver-
ið rituð, á ensku, og væri dagsett
þann 11. júlí 2014. Því er haldið
fram að hún hafi verið undirrituð
af tveimur aðilum hjá lögbókanda í
Bandaríkjunum. Komust Laura og
David fyrst að tilvist þessarar
skrár er þau lásu um hana í fjöl-
miðlum í síðustu viku.
Auk þess að leggja deiluna um
erfðaskrána fyrir dómara hafa
Laura Smet og David Hallyday
einnig krafist þess fyrir dómi, að
fá yfirráð yfir 12 laga hljómplötu
sem Johnny hafði unnið að allt síð-
astliðið ár en til hefur staðið að
gefa hana út þar sem lítt var eftir
að vinna hana þegar rokkkóng-
urinn franski lést af völdum
lungnakrabba. Þetta var 51.
stúdíóbreiðskífa hans. Segist Smet
vilja tryggja rétt sinn sem erfingja
til að fá úr því skorið og geta pass-
að upp á, að listrænt innihald
hinnar ókláruðu hljómplötu verði
heilsteypt. Tilgangur hennar var
sagður að standa vörð um tónlist
föður síns, að sögn lögmanns henn-
ar, Emmanuel Ravanas. Hann
bætti við að Laeticia hefði alfarið
hafnað hugmynd að friðsamlegri
sátt sem gert hefði kleift að klára
gerð plötunnar. Segir hann eig-
inkonuna „vita lítið um plötuna“ og
efni hennar. Annað hafi verið með
börn hans tvö en David er upp-
tökustjóri og framleiðandi plöt-
unnar. Stoltur hlustaði Johnny
Hallyday á fyrstu hráu upptök-
urnar á nokkrum laganna með
Laura þann 4. október sl.
Krefjast kyrrsetningar eigna
Málshöfðun systkinanna vegna
plötunnar jók enn frekar á
spennuna innan fjölskyldunnar en
þau Smet og Hallyday hafa einnig
dregið í efa lögmæti nýjustu út-
gáfu erfðaskrár Johnny af fjórum
sem kveður á um að allar eigur
hans skuli renna til 32 árum yngri
eiginkonunnar, Laeticia. Hafa þau
krafist kyrrsetningar á öllum fast-
eignum Johnny, þar á meðal lúxus-
villum í Saint Barth í Karíbahafi,
Los Angeles og í Frakklandi, þar
til þrætan um erfðaskrána hafi
verið til lykta leidd en málflutn-
ingur í því máli hefst 15. mars
næstkomandi. í París.
Hin tætta fjölskylda sýndi sam-
heldni og kom fram sem einn mað-
ur við útför Johnny. Mörg hundr-
uð þúsund manns stóðu meðfram
leiðinni sem líkkistunni var ekið og
sýndi rokkstjörnunni virðingu sína.
Þegar erfðaskráin verður birt þyk-
ir sýnt að deilan um arfinn muni
auka enn frekar á fáleika eiginkon-
unnar annars vegar og sonarins og
dótturinnar hins vegar.
Laura Smet sagði það hafa feng-
ið mikið á hana og verið særandi
að heyra að henni og hálfbróður
hennar hefði ekki verið ætlað neitt
af auði Johnny. Það hefði slegið
sig mjög. Í staðinn skyldi Laeticia
og tvær víetnamskar stúlkur sem
þau Johnny ættleiddu fá allan arf-
inn. Þetta hefur Smet gagnrýnt
opinberlega.
Samheldnin reyndist reykský
Ljóst virðist sem mikil spenna
hafi verið innan þessarar frægustu
fjölskyldu fransks skemmtanalífs-
ins. Þannig ljóstraði Laura Smet,
sem öðlast hefur frama sem leik-
Bítast um arf rokkarans
 Hinn franski Elvis Presley, Johnny Hallyday, var þjóðhetja Frakka  Sex erfðaskrár til staðar
 Slegist um milljarða auðæfi  Stríð fyrir dómstólum  Seldi milljónir platna á löngum ferli
AFP
Erfingjar Fjölskylda Johnnys Hallyday við útförina. Eftirlifandi eiginkona, Laeticia, önnur frá vinstri, ásamt börnum sínum, Jade og Joy. Við hlið þeirra
standa Laura Smet og David Hallyday, börn rokkstjörnunnar af fyrri hjónaböndum. Alls eru til sex erfðaskrár og deila erfingjar um hver á að fá hvað.
Metsala Plötur Johnnys Hallyday seldust í milljónum eintaka á 57 ára
löngum tónlistarferli. Langmest var salan í Frakklandi á sínum tíma.
 SJÁ SÍÐU 42
40 FRÉTTIRErlent
MORGUNBLAÐIÐ FIMMTUDAGUR 22. FEBRÚAR 2018
Laugavegur 61 I Kringlan I Smáralind I sími 552 4910 I www.jonogoskar.is