Morgunblaðið - 22.02.2018, Page 52

MORGUNBLAÐIÐ FIMMTUDAGUR 22. FEBRÚAR 2018
Eltak sérhæfir sig í sölu
og þjónustu á vogum
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma
Ágúst Ingi Jónsson
aij@mbl.is
Verkefnastaðan er góð út þetta ár og svo er
margt í pípunum sem þó er ekki endanlega frá-
gengið. Ef helmingurinn af því endar með samn-
ingum erum við góðir næstu þrjú árin,“ segir
Guðmundur H. Hannesson, sölu og markaðs-
stjóri Kælismiðjunnar Frosts. Hann segir að í
Rússlandi séu miklar fjárfestingar og uppbygg-
ing framundan og spennandi tækifæri. Þar séu
viðræður í gangi um fleiri uppsjávarverksmiðjur
og nýsmíði skipa, en einnig víðar um heim.
Framundan á næstu vikum hjá Frosti er upp-
setning á búnaði á risauppsjávarfrystihúsi fyrir
Varðann á Þvereyri í Færeyjum. Að því loknu
tekur við bygging uppsjávarfrystihúss á Kúril-
eyjum í Rússlandi, austur við Kyrrahaf. Guð-
mundur segir að starfsmenn Frosts hafi fyrst í
stað fæstir vitað hvar Kúrileyjar eru. Eftir kynn-
ingu á verkefninu, tilhögun vinnu, ferðalögum og
aðstæðum á staðnum hefði gengið vel að manna
verkefnið. Guðmundur áætlar að Frost sé með
um fjórðung þess, en greint var frá samningi
Skagans 3X, Frosts og Rafeyrar í Morgun-
blaðinu í síðustu viku.
Aukinn styrkur með samstarfi
„Norðmenn eru helsti keppinautur okkar um
verkefni í Rússlandi, sérstaklega í nýsmíði
skipa,“ segir Guðmundur. Þeir eru bæði sterkir
og þekktir á Rússlandsmarkaði og hafa verið
lengi inni á þeim markaði. Þá búa norsk fyrir-
tæki að því að geta fjármagnað sig í gegnum út-
flutningssjóði. Nokkuð sem við höfum ekki.“
Guðmundur segir að samstarf Skagans 3X,
Rafeyrar og Frosts hafi á undanförnum árum
skilað miklu og hafi virkað eins og klasasamstarf.
Þau hafi m.a. unnið saman að byggingu uppsjáv-
arfrystihúsa í Færeyjum, Eskifirði, Hornafirði,
Vestmanneyjum, Neskaupstað og á fleiri stöðum.
Fyrirtækin þrjú eru hluti af Knarr Maritime
en þar innanborðs eru einnig skipahönnunar-
fyrirtækin Nautic ehf og Skipatækni ehf., auk
Naust Marine og Brimrúnar.
„Knarr hefur unnið að markaðssetningu víða
um heim, en þó sérstaklega í Rússlandi,“ segir
Guðmundur. „Þessi regnhlíf gerir hópinn miklu
öflugri heldur en fyrirtækin hvert í sínu lagi. Við
getum í sameiningu boðið heildarlausnir, en við-
skiptavinurinn óskar einmitt oft eftir því að verk-
efni sé lokað með einum samningi. Þetta er leiðin
til þess að við séum samkeppnishæfir við erlenda
aðila, sem bjóða stórar lausnir, sérstaklega
Norðmenn. Það er lykilatriði að reynd þekking-
arfyrirtæki í hátækniiðnaði eins og sjávarútvegi
sameini krafta sína til að ná árangri á alþjóð-
legum vettvangi.“
Kerfi í frystihús og fjölda nýrrra skipa
Unnið hefur verið að framleiðslu á búnaði fyrir
frystihús Varðans á Þvereyri síðustu fjóra mán-
uði og fyrstu starfsmenn héldu til Færeyja í
vikubyrjun til að setja hann upp. Þar verða 10-15
manns næstu vikurnar og um 20 manns þegar
mest verður umleikis í vor.
Framleiðsla er byrjuð á búnaði fyrir frysti-
húsið á Shikotan á Kúrileyjum. Guðmundur
áætlar að verklok verði í Færeyjum um það leyti
sem fyrstu menn fara til Kúrileyja. Hann segist
reikna með að verkefnin renni nokkurn veginn
saman.
Á síðustu fimm árum hafa starfsmenn Frosts
sett frysti- og kælikerfi í sjö frystiskip erlendis;
stórt rækjufrystiskip fyrir fyrirtæki í Nýfundna-
landi, eitt skip fyrir P&P í Hollandi, annað eins
fyrir P&P og Samherja fyrir Bretland, fjóra nýja
frystitogara í raðsmíði hjá Myklebust í Noregi
og eru tveir af þeim fyrir dótturfyrirtækis Sam-
herja í Þýskalandi, Cuxhaven og Berlín, einn fyr-
ir franska útgerð í eigu P&P og Samherja í sam-
starfi við franska eigendur og svo einn fyrir
breska útgerð P&P og Samherja. Þá er verið að
hanna búnað í nýtt frystiskip HB Granda sem
verið er að smíða í Gijon á Spáni.
Fyrirtækið sá um kælibúnað í alla sjö ísfisk-
togarana sem komu til landsins frá Tyrklandi á
síðasta ári; Björgu, Björgúlf, Kaldbak, Drangey,
Engey, Viðey og Akurey. Þar voru gerðar miklar
kröfur um hraða niðurkælingu á fiski um leið og
hann kemur um borð og að því hitastigi sé við-
haldið fram að löndun.
Gott að reka tæknifyrirtæki á Akureyri
Höfuðstöðvar og uppruni Kælismiðjunnar
Frosts eru á Akureyri, en fyrirtækið er einnig
með starfsemi í Garðabæ og á Selfossi. „Eftir að
Frost keypti fyrirtækið Frostmark í Kópavogi
verður starfsemin í Garðabæ umfangsmeiri en á
höfuðbólinu á Akureyri,“ segir Guðmundur.
Hann segir gott að reka tæknifyrirtæki eins
og Frost á Akureyri. Fyrirtækið eigi í góðu sam-
starfi við sjávarútvegsfyrirtæki við Eyjafjörð og
reyndar um allt land. Það hafi verið nauðsynlegt
fyrir tæknifyrirtæki sem þjónusta sjávarútveg-
inn að vinna mjög náið með fyrirtækjunum.
Frost hafi notið trausts og tekið þátt í þróun
verkefna hjá mjög mörgum aðilum sem hafi
skapað reynslu og þekkingu.
„Frost og Rafeyri eru stór fyrirtæki í þessum
tækni- og þekkingargeira, en einnig er Slipp-
urinn á Akureyri stórt iðn- og tæknifyrirtæki.
Hér eru fleiri smiðjur og í heildina er þessi iðn-
aður blómlegur við Eyjafjörðinn. Það þarf líka
töluvert til að þjóna sjávarútvegi hér fyrir norð-
an, einnig bæði austan og vestan við okkur og í
raun um allt land. Uppsetning á verksmiðjunni á
Bakka hefur tekið talsvert til sín og verksmiðja
Bekromal kallar á þjónustu og viðhald. Þessu til
viðbótar höfum við tekið að okkur verkefni víða
um heim þannig að við erum engan veginn bund-
in við Norðurlandið,“ segir Guðmundur.
Mikilvægt að bjóða heildarlausnir
Kælismiðjan Frost Sigurður Bergsson tæknistjóri og Guðmundur Hannesson, sölu- og markaðsstjóri.
Kælismiðjan Frost á Akureyri og í Garðabæ hefur sinnt atvinnulífinu á Íslandi í langan tíma. Verkefnum til
sjós og lands erlendis hefur stöðugt fjölgað og nú er meðal annars horft til spennandi tækifæra í Rússlandi.
Fullkominn Togarinn Victor frá Nýfundalandi er
eitt þeirra skipa sem eru með búnað frá Frosti.
Sérfræðingar Fyrirtækið veitir fjölbreytta þjón-
ustu í öllu sem viðkemur kæli- og frystikerfum.
Rússneska sjávarútvegsskrifastofan
Rosrybolovstvo hefur fengið 34 um-
sóknir um smíði á fiskiskipum og
sama fjölda umsókna um byggingu
fiskvinnsluhúsa. Frá þessu er greint
í Fiskeribladet í Noregi og segir þar
að þetta sé niðurstaðan í nýrri áætl-
un stjórnvalda um fjárfestingar í
sjávarútvegi. Heildarfjárfestingin sé
upp á um 230 milljarða ísl. króna.
Fram kemur í blaðinu að áformað
sé að reisa 18 fiskiðjuver austast í
Rússlandi. Einnig sé á döfinni að
smíða tíu ný skip á því svæði og eigi
sjö þeirra að vera yfir 105 metrar á
lengd. Frá norðurhluta Rússlands
hafi komið umsóknir um 24 ný skip
og 16 um fiskvinnsluhús. Haft er eft-
ir Ilya Shestakov, forstjóra Rosrybo-
lovstvo, að yfirvöld í Rússlandi vænti
mikillar endurnýjunar á flota og
fiskvinnsluhúsum á næstu árum.
Reiknað sé með að yfir 100 hátækni-
fiskiskip verði smíðuð innanlands og
að minnsta kosti tíu stórar verk-
smiðjur eða stór fiskvinnsluhús.
Fram hefur komið í Morgunblað-
inu að í gangi sé áætlun rússneskra
stjórnvalda um endurnýjun fiski-
skipaflotans og uppbyggingu land-
vinnslu. Þetta hafi m.a. verið gert á
þann hátt að heimildir hafi verið inn-
kallaðar nú í lok 10 ára úthlutunar. Í
staðinn taki við 15 ára úthlutun með
hvata um að þeir sem ráðist í upp-
byggingu fái aukinn kvóta.
Mikil endurnýj-
un í Rússlandi