Morgunblaðið - 22.02.2018, Side 68

MORGUNBLAÐIÐ FIMMTUDAGUR 22. FEBRÚAR 2018
HERRATÍSKA
flísar fyrir vandláta
PORCELANOSA
Skútuvogi 6 - Sími 568 6755
Jón Agnar Ólason
jonagnar@mbl.is
Fataverslanir koma og fara enda
heimur tískunnar einn dyntóttasti
starfsvettvangur sem hægt er að
hugsa sér, svo hverfull er hann. En
sumar búðir ná að hasla sér völl og
skapa sér hóp viðskiptavina sem sér
til þess að hlutirnir rúlla, ár eftir ár.
Það er tilfellið með Boss-búðina í
Kringlunni því það styttist í að hún
fagni 20 ára afmæli sínu.
„Bæði styttist í að búðin verði tví-
tug og um leið að ég verði búinn að
vera tuttugu ár í búðinni,“ segir
Pétur þegar við setjumst til að ræða
landsins gagn og nauðsynjar, nefni-
lega herrafatnað. Pétur hefur verið
starfandi verslunarstjóri í búðinni
frá upphafi, og upphafið var 15.
október 1999. Tíminn flýgur þegar
maður hefur gaman af hlutunum og
þeir vita það sem þekkja til Péturs
að hann hefur gaman af því sem
hann fæst við frá degi til dags í
vinnunni. „Þegar ég byrjaði þá var
ég að afgreiða menn sem voru með
börnin með sér. Nokkrum árum
seinna seldi maður sömu börnum
fermingarfötin og enn fleiri árum
síðar stúdentsfötin og í framhaldinu
fötin fyrir háskólaútskriftina. Í dag
koma þessir einstaklingar til mín,
börnin sem voru, en eru orðnir full-
vaxta skattgreiðendur í dag,“ bætir
Pétur við og hlær. „Þegar maður
upplifir svo að foreldrar sumra
starfsmannanna í búðinni eru yngri
en maður er sjálfur, þá er maður
minntur á það að maður er búinn að
vera í bransanum lengi. En það er
alltaf jafn gaman.“
Óliver Twist og gaddapönk
Þegar Pétur er beðinn um að líta
um öxl, rifja áratugina tvo stuttlega
upp og athuga hvort hann muni eft-
ir tímabili þar sem honum þótti
stíllinn eftirminnilega flottur og allt
sem honum fylgdi, viðurkennir hann
að í þessum geira sé maður alltaf
svolítið fastur í því að lifa í núinu.
„Klárlega hafa samt sem áður kom-
ið „season“ sem eru í minningunni
mis-skemmtileg, eðlilega. Ég get til
dæmis nefnt þér dæmi um sér-
stakan tíma þá var Orange [sportl-
ínan frá Boss] um skeið alveg gríð-
arlega vinsæl hjá okkur og það kom
lína frá þeim með einskonar Oliver
Twist þema. Þessi lína innihélt bux-
ur með lafandi axlaböndum og í
kjölfar hennar kom hálfgert pönk-
þema. Ég er nokkuð viss um að ég
og Villi í Herragarðinum höfum
verið þeir einu sem seldum þarna
hágæða herrafatnað með gadda-
armböndum og hauskúpubolum.
Þetta var mjög sérstakur tími,“ seg-
ir Pétur og bætir við að þetta hafi
verið á árunum 2006 og 2007, þegar
Orange-línan var hvað sterkust.
Frá árinu 2012 hefur svo herra-
tískan aftur verið að færast jafnt og
þétt í átt að því að vera almennt
herralegri og smartari, bendir Pét-
ur á. „Tískan sem hefur verið
ríkjandi undanfarin ár er mjög
skemmtileg að því leytinu til að hún
hefur verið fínni, og meira „sharp“
að mér finnst.“
Einu sinn var toppurinn
að vera í tvíhnepptu
Og það sem Pétri finnst er óhætt
að hlusta á því hann er eldri en tvæ-
vetur í bransanum. Fyrir utan árin
tæplega tuttugu í Boss stóð hann
nefnilega í eina tíð vaktina í hinni
víðfrægu herrafataverslun sem kall-
aðist Herradeild P.Ó.
„Allt frá hatti o’ní skó“ eins og
sagði í eftirminnilegum auglýs-
ingum búðarinnar.
Samanburðargrundvöllur Péturs
nær því aftur í „eitísið“ og hann hef-
ur séð ótal tískutrend koma; sum
hafa haldið velli að einhverju leyti,
önnur hlutu enga náð og hurfu jafn-
harðan í glatkistuna.
„Það sem hefur kannski átt erf-
iðast uppdráttar á þeim tíma sem
liðinn er síðan ég var í P.Ó. frá ’87
til ’90 – og maður hefur gengið í
gegnum víð föt, buxur með fell-
ingum, ofboðslega þröng föt, hærra
mitti, lægra mitti, nefndu það – eru
tvíhnepptu jakkafötin. 90% af þeim
jakkafötum sem ég seldi í P.Ó. voru
tvíhneppt en þau hafa ekki náð
neinni fótfestu síðan þá. Þau hafa
verið á jaðrinum og við pöntum þau
inn annað slagið því þeir sem kaupa
tvíhneppt eru þeir sem eru efst í
píramítanum, ef svo má segja. Þeir
eru hrifnir af tvíhnepptu en annars
hafa þannig jakkaföt komist inn í
sölu sem neinu nemur. En seint á
níunda áratugnum var þetta meg-
instraumurinn.“
Spurður um ástæður þess að tví-
hneppt hefur ekki náð útbreiðslu á
ný, síðustu þrjátíu árin, hugsar
hann sig stuttlega um. „Þessi föt
eru eiginlega ekki falleg nema þú
sért með jakkann hnepptan, og svo
hefur tískan verið í síauknum mæli
að leitast við að vera þægilegri, um
leið og hún er elegant. Þetta hefur í
för með sér að maður er sárasjald-
an með jakkann hnepptan. Að fara
svo allt í einu í tvíhnepptan jakka
sem þarf að vera hnepptur allan
daginn, það er bara dálítið lokað og
heftandi.“
En þess virði engu að síður, ekki
satt? Pétur brosir við.
„Algerlega. Það er æðislegt að
vera í tvíhnepptu.“
Eins og framar greindi er óhjá-
kvæmilegt annað er að lifa í núinu,
þegar maður starfar á vettvangi
fatatískunnar. Það breytir því ekki
að allir, ekki síst reynsluboltar á
borð við Pétur, hafa það sem kalla
mætti persónulegan stíl. Hvernig
gengur að sameina þetta tvennt? Er
ekki einhver rauður þráður í því
sem Pétur klæðist frá ári til árs?
Hann samsinnir því.
„Hvað mig varðar þá hef ég alltaf
reynt að vera í fleiri en tveimur lit-
um. Auk þess finnst mér alltaf gam-
an að vera kominn í samsetningu
sem er stílhrein og allt passar sam-
an, og brjóta það svo upp með ein-
um hlut sem er svolítið á skjön.
Maður tekur eitt atriði hvað sem
það kann að vera, sem lítur kannski
við fyrstu sýn út fyrir að vera feill í
samsetningunni, en er það samt
ekki. Skilurðu mig?“
Og hvert er atriðið í dag? Pétur
réttir fram vinstri höndina. Þar
skartar hann hlemmstóru og glans-
andi svörtu hlaupaúri við jakkaföt,
prjónapeysu og bindi.
Einmitt. Nú skil ég hann.
„Maður verður að vera sjálfum
sér samkvæmur og spila eftir eigin
reglum en í takt við tíðarandann.“
En hvað um þá hlið tíðarandans
sem eru aðsniðnar bómullarbuxur,
svokallaðar „sweatpants“ sem eru
orðnar býsna gildandi nú um stund-
ir er Pétur tilbúinn að fara þangað?
Hefur hann mætt í slíku í vinnuna?
Undirritaður veit nefnilega til þess
að slíkar buxur fást í Boss-búðinni.
„Við getum sagt að ég hafi klæðst
útgáfu af þeim. Við erum með að-
sniðnar cargo-buxur úr hálfgerðu
sweatpants-efni, aðeins fínni samt,
en það er engu að síður teygja um
ökklana. Þessum buxum hef ég
klæðst við stakan jakka, skyrtu og
prjónabindi. Þetta er samsetning
mér að skapi og mér finnst mjög
gaman að vera í litríkum fötum, og
stundum einhverju sem er aðeins
öðruvísi.“
Þú ert eins gamall og þér líður
og velur þér fötin í takt
Tískan í dag býður upp á alls
konar skemmtilegar samsetningar
þar sem allt mögulegt leyfist. Hlutir
sem ekki þóttu boðlegir fyrir fáein-
um misserum – samanber þröngar
„sweatpants“ – eru fullkomlega
gjaldgengur hversdagsfatnaður ef
rétt er farið með, og strigaskór,
sem áður voru einskorðaðir við frí-
stundir og helgar, eru í dag jafn
sjálfsagðir við jakkaföt og hefð-
bundnir leðurskór.
„Hvítir strigaskór eru til að
mynda eitthvað sem þú átt að fá þér
fyrir sumarið, á hverju vori.“
Pétur bætir því við að þessi nán-
ast ungæðislegi andi sem er allsráð-
andi í tískunni um þessar mundir sé
að einhverju leyti afleiðing aukinnar
lýðheilsu almennt. Eldra fólk er ak-
tífara, er meira í ræktinni og betur
á sig komið en það var fyrir 20 ár-
um. Fólk er bara eins gamalt og því
finnst og það endurspeglast í föt-
unum sem menn velja sér. Ég hef
verið með vörur í búðinni sem ég
seldi sautján ára strák og líka sjö-
tugum manni. Þú ert bara eins
gamall og þér finnst þú vera.“
Þetta þarf maður að eiga
Uppbyggilegri geta ráðlegging-
arnar frá reynsluboltanum varla
verið og við ljúkum þessu skemmti-
lega spjalli á því að inna Pétur eftir
fáeinum hlutum sem gott er að eiga
í fataskápnum fyrir sumarið. Þegar
hafa verið taldir til nýir, hvítir
strigaskór. Hvað fleira?
„Bláar gallabuxur, jafnvel aðeins
upplitaðar til að gefa þeim sum-
arlegt yfirbragð. Blár blazer-jakki í
einhverri mynd, sem er líklega fjöl-
hæfasta yfirhöfn sem völ er á. Ofið
belti er alltaf flott við buxurnar á
sumrin. Einhver konar ljós eða hvít-
ur bolur. Kínakragaskyrta er eitt-
hvað fyrir sumarið. Ein falleg peysa
með þessu og þá er maður með
skotheldan pakka fyrir sumarið.“
Maður verður
að lifa í núinu
Í tæp tuttugu ár hefur Boss-búðin í Kringlunni selt
herramönnum hérlendis vandaðan fatnað og allan
tímann hefur Pétur Ívarsson staðið vaktina sem versl-
unarstjóri. Hann man því tímana tvenna og vel það.
Morgunblaðið/Árni Sæberg
Reynsluboltinn „Hvað mig varðar þá hef ég alltaf reynt að vera í fleiri en
tveimur litum.“ Takið eftir ofnu beltinu og punktið það hjá ykkur.
Sumartíska Þessar sumarlegu samsetningar munu að líkindum prýða ein-
hverja smekkvísa herramenn í vor, sumar og áfram enda er blazer-jakki ein
fjölhæfasta yfirhöfn sem völ er á – ekki síst ef hann er blár.