Morgunblaðið - 23.02.2018, Blaðsíða 2

2 FRÉTTIRInnlent
MORGUNBLAÐIÐ FÖSTUDAGUR 23. FEBRÚAR 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Ármúla 17, 108 Reykjavík, sími 552 8636, mbr.is
Allt fyrir raftækni
Hljómtæki
Cambridge
Audio YOYO S
Bluetooth hátalari
26.900 kr.
Fimm áskrifendur Morgunblaðsins
duttu í lukkupottinn í gær þegar
dregið var í happdrætti blaðsins.
Vinningshafarnir hljóta hver fyrir
sig gjafabréf fyrir tvo til Cincinnati í
Ohio í Bandaríkjunum með WOW
air. Vinningshafarnir eru þeir Ragn-
ar Th. Sigurðsson, Hafliði Gíslason,
Þorsteinn Hallgrímsson, Magnús
Ríkharðsson og Elías Gíslason.
„Cincinnati er spennandi staður,
ég hef aldrei áður komið á þessar
slóðir í Bandaríkjunum og því er
þetta áhugavert. Og vafalaust eru
þarna líka skemmtileg myndefni,“
segir vinningshafinn Ragnar Th.
Sigurðsson, sem er landskunnur fyr-
ir ljósmyndir sínar af landi og nátt-
úru.
„Við konan mín, Ásdís Gissurar-
dóttir, erum nýkomin heim úr sól-
arferð til Tenerife á Spáni sem tókst
reyndar ekki betur en svo að í flug-
inu á leiðinni út fengum við hjónin
flensu og lágum í rúminu allan tím-
ann meðan við vorum ytra. Það var
frekar súrt. Vonandi verður ferðin
til Cincinnati í Ohio betri og kannski
nokkur sárabót, en mér finnst koma
til greina að fara snemma í vor eða
með haustinu. Að minnsta kosti vil
ég fara í ferðalagið á þeim tíma sem
hiti er hóflegur.“
Á næstu vikum eiga fleiri áskrif-
endur Morgunblaðsins möguleika á
að vinna ferð til áfangastaða WOW
air í áskriftaleiknum. Á fimmtudag í
næstu viku verða dregin úr vinn-
ingspotti nöfn fimm heppinna áskrif-
enda sem fara til St. Louis í Banda-
ríkjunum. Alls verða 104 flugmiðar
gefnir í áskriftarleiknum þeim sem
fá nöfn sín dregin út á tíu vikum.
Í happdrættinu núna er búið að
draga út nöfn vinningshafa sem
fengu farmiða til San Francisco,
Stokkhólms, Barcelona, Tel Aviv,
Cleveland, Detroit og nú Cincinnati.
Enn á eftir að draga út í flug til St.
Louis og Dallas í Bandaríkjunum og
Dublin á Írlandi.
Myndefni á spennandi stað
 Heppnir áskrifendur á leiðinni til Cincinnati í Ohio-ríki
Vinningur Ragnar Th. Sigurðsson
vann í áskrifendahappdrættinu.
Sex þingmenn úr Framsóknar- og Sjálfstæð-
isflokki gerðu íslensku lambakjöti góð skil þegar
þeir mættu í IKEA í Garðabæ í gær. Á veitinga-
staðnum er gert ráð fyrir að 28 þúsund kjöt-
skammtar verði afgreiddir nú í febrúar og með
því verður unnið talsvert á kjötfjallinu fræga.
Ásmundur Einar Daðason félagsmálaráðherra
er einn þeirra sem mættu í IKEA í gær og lögðu
til atlögu við fjallið. Hann er hér fremstur en
hinir þingmennirnir voru Jón Gunnarsson, Ás-
mundur Friðriksson, Njáll Trausti Friðbertsson,
Þórarinn Pétursson og Vilhjálmur Árnason.
Morgunblaðið/Eggert
Lögðu til atlögu við lambakjötsfjallið
Alþingismenn gerðu þjóðlegum veitingum í IKEA góð skil
Sigurður Bogi Sævarsson
sbs@mbl.is
„Ég er bjartsýnn á að úrbætur á
veginum hér á Kjalarnesi komist á
dagskrá fljótlega. Sjónarmið okkar
njóta skilnings og staðreyndir eru al-
veg skýrar,“ segir Sigþór Magnús-
son, formaður Íbúasamtaka Kjalar-
ness.
Hámarkshraðinn
hugsanlega lækkaður
Krafist er að ráðist verði tafar-
laust í nauðsynlegar úrbætur svo
tryggja megi umferðaröryggi og
greiðar samgöngur um Vesturlands-
veg á Kjalarnesi í ályktun íbúafund-
ar sem haldinn var þar í byggðinni í
gær. Þar segir að vegabætur séu lífs-
nauðsynlegar og að öryggi verði að
tryggja. Fundurinn skorar því á
ríkisstjórn, þingmenn og sveitar-
stjórnir að ganga í málið. Minnt er
einnig á að á Álfsnesmelum sé Vega-
gerðin búin að færa hámarkshraða
niður í 70 km/klst. Vegfarendur
muni tæpast fagna ef slíkar tak-
markanir gildi á lengri kafla en eins
og ástand vegarins sé nú megi alveg
reikna með slíku.
Hlusta á sjónarmið fólks
„Það er alltaf auðveldara en ella að
marka stefnuna og taka ákvarðanir
þegar vilji almennings er skýr. Við
Kjalnesinga og Akurnesinga á dög-
unum sagðist ég vera kominn til að
hlusta á fólk og heyra þess sjónar-
mið,“ segir Sigurður Ingi Jóhanns-
son samgönguráðherra í samtali við
Morgunblaðið eftir fundinn.
Að sögn ráðherrans verður 300
milljónum króna varið til úrbóta á
Vesturlandsvegi á þessu ári til þess
að mæta kröfum um úrbætur í
öryggisskyni. Endurbæta á malbik
og gera aðrar lagfæringar og til þess
fara 100 milljónir króna. Tvöfaldri
þeirri upphæð verður svo varið til
þess að útbúa hringtorg við afleggj-
arann að iðnaðarhverfinu á Esjumel-
um, skammt ofan við Mosfellsbæ. Þá
er unnið að hönnun nýs tvöfalds veg-
ar með aðskildum akstursstefnum
og er sú vinna langt komin.
Deiliskipulag í auglýsingu
Tillaga að breytingum á deili-
skipulagi verður auglýst á næstu
vikum og í kjölfarið hefjast viðræður
við landeigendur, enda þarf að brjóta
lönd vegna nýs vegar og tengi-
brauta. „Þetta er undirbúningsvinna
sem hefur verið þokað áfram smátt
og smátt á löngum tíma. Núna er það
ferli langt komið og frekari ákvarð-
anir um hvað gera skuli á Kjalarnes-
inu verða teknar þegar Alþingi af-
greiðir samgönguáætlun nú í haust,“
segir Sigurður Ingi Jóhannsson.
Endurbætur hefjast í ár
 Íbúar á Kjalarnesi vilja úrbætur á Vesturlandsvegi strax  300 millj. kr. í fram-
kvæmdir í ár  Undirbúningur vegna nýs vegar er langt kominn, segir ráðherra
Sigþór
Magnússon
Sigurður Ingi
Jóhannsson
Landsréttur úrskurðaði í gær að
hafna skyldi kröfu þess efnis að
Arnfríður Einarsdóttir víki sæti
dómara í máli umbjóðanda Vil-
hjálms H. Vilhjálmssonar hrl.
Arnfríður kvað upp úrskurðinn
og sagði að nú lægi fyrir að taka
ákvörðun um framhald málsins.
Arnfríður er einn þeirra fjögurra
dómara við réttinn sem skipaðir
voru af Sigríði Á. Andersen án þess
að hafa verið á meðal 15 efstu skv.
mati hæfnisnefndar. Af þeirri
ástæðu vill Vilhjálmur að Arnfríður
víki í málinu því skipan hennar gefi
umbjóðanda hans efasemdir um
sjálfstæði dómstólsins.
Morgunblaðið/Hanna
Landsréttur Deilt er um dómaramálin.
Arnfríður mun ekki
víkja í dómsmáli
Sunna Elvira
Þorkelsdóttir,
sem hefur legið
lömuð á sjúkra-
húsi í Malaga á
Spáni undan-
farinn mánuð í
kjölfar falls,
verður í dag flutt
á bæklunar-
sjúkrahús í Se-
villa. „Það er
vonandi betri aðstaða á þeim spítala
en er hér í Malaga,“ sagði hún í
samtali við Morgunblaðið í gær-
kvöldi. Ferðalag þetta mun taka
fjórar klukkustundir og ætti að
verða komið í áfangastað um hádeg-
isbil.
Sem kunnugt er hefur verið í bí-
gerð að Sunna Elvira verði flutt til
Íslands á sjúkrahús og hafa starfs-
menn utanríkisþjónustunnar unnið
að því. Spænsk stjórnvöld og dóm-
stólar eiga þó enn eftir að sam-
þykkja pappíra vegna þess en þeg-
ar þeir hafa fengið réttan stimpil
væntir Sunna þess að hún komist
heim.
Sunna
Elvira flutt
til Sevilla
 Heimför bíður
samþykkis dómstóla
Sunna Elvira
Þorkelsdóttir