Morgunblaðið - 23.02.2018, Side 30

30 MENNING
MORGUNBLAÐIÐ FÖSTUDAGUR 23. FEBRÚAR 2018
2024 SLT
L iðLé t t ingur
Verð kr
2.790.000
Verð með vsk. 3.459.600
Austurvegur 69 - 800 Selfoss // Lónsbakk i - 601 Akureyr i // Sólvangi 5 - 700 Egilsstaðir
Sími 480 0400 // jotunn@jotunn.is // www.jotunn.is
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk
gæða heimilistæki
rafvorur.isRAFVÖRUR ehf
Einar Falur Ingólfsson
efi@mbl.is
Sigurður Guðjónsson hlaut í gær Ís-
lensku myndlistarverðlaunin, í fyrsta
skipti sem þau eru afhent, fyrir sýn-
inguna Innljós en hún var sett upp í
kapellu og líkhúsi St. Jósefsspítala, á
vegum Listasafns ASÍ. Hlaut Sig-
urður eina milljón króna í verðlaun.
Þá fékk Auður Lóa Guðnadóttir
Hvatningarverðlaun ársins en þau
eru veitt ungum myndlistarmanni
sem hefur vakið eftirtekt með sýn-
ingum sínum. Hlaut hún hálfa milljón
króna í verðlaun.
Gríðarlega mikil gróska
Auk Sigurðar voru listamennirnir
Anna Júlía Friðbjörnsdóttir, Egill
Sæbjörnsson og Hulda Vilhjálms-
dóttir tilnefnd til Íslensku myndlist-
arverðlaunanna eftir að dómnefnd
hafði metið tillögur um verðlaunahafa
sem öllum var frjálst að senda inn.
Sigurður segist alls ekki hafa búist
við því að hreppa verðlaunin en til-
nefningin hafi verið sér mikil hvatn-
ing og heiður að hljóta hana.
Myndbandsverk Sigurðar byggj-
ast á afar markvissri úrvinnslu mynd-
efnis og hljóðs og krefjast bæði mark-
viss undirbúnings og úrvinnslu.
„Þetta eru oft stór og flókin verk-
efni,“ segir hann. „Þessi sýning var til
að mynda sérstök fyrir þær sakir að
við vorum ekki með hefðbundinn sýn-
ingarsal heldur fékk ég ósk frá Lista-
safni ASÍ um að vinna ný verk og
gera sýningu án þess að búið væri að
velja staðinn. Það var allt undir og ég
varð bæði að fara í ferli við verkin
sjálf og að finna rými svo þetta var
spennandi áskorun.
Við vorum ekki komin með ákveð-
inn stað fyrr en í byrjun ágúst og sýn-
ingin var opnuð í byrjun september,
svo allt varð að gerast hratt þegar öll
litlu brotin fóru að falla saman og
mynda sýningu.
Sigurði fannst sjálfum að sýningin
gengi vel upp. „Það kom skemmtilega
á óvart hvað neistaði þegar þetta kom
allt saman í rýminu og viðbrögð
áhorfenda voru gefandi. Þeir sem
höfðu samband við mig og höfðu þörf
fyrir að tjá sig um upplifunina höfðu
svo misjafnar sögur að segja og það
þótti mér styrkleikamerki.“
Og Sigurði finnst mikilvægt að
verðlaun fyrir myndlist séu veitt að
nýju. „Það er gríðarlega mikil gróska
í íslenskri myndlist og mikilvægt að
styðja við og gera greinina sýnilega.
Það er líka alltaf gaman að uppskera
og fagna því sem vel er gert.“
Þegar hann er að lokum spurður
hvernig verðlaunaféð muni nýtast, þá
segir hann það væntanlega styðja við
ný verk sem hann sé að vinna. „Það
er fullt af sýningum framundan, góð
blanda af einka- og samsýningum,
hér heima og úti. Stanslaust frá maí
og inn í október.“
Kaupir sér tíma
Auður Lóa Guðnadóttir sem hlýtur
hvatningarverðlaunin útskrifaðist frá
LHÍ fyrir tæplega þremur árum og
hefur vakið athygli fyrir verk sem
búa yfir ferskum andblæ og lýsa hug-
myndaflugi og getu til að vinna jöfn-
um höndum með listsögulegar skír-
skotanir og dægurmenningu.
Valnefnd segir hana sýna skapandi
vinnubrögð og nálgast viðfangsefni
sín með leikgleði, skopskyn og já-
kvæðni að leiðarljósi.
„Ég var ofsalega þakklát,“ segir
Auður Lóa um hvatningaverðlaunin
sem komu henni á óvart. „Maður er
svo vanur því að vinna bara fyrir
sjálfan sig að maður býst ekki við
neinu. En ætli ég noti ekki peninginn
til að kaupa mér tíma, fái mér frí í
vinnunni og einbeiti mér svolítið að
mínu,“ segir hún en Auður Lóa vinn-
ur við safngæslu í Þjóðminjasafninu
og Listasafni Íslands. Er síðan á
vinnustofunni á kvöldin og um helgar.
„Ég reyni að vera sem mest á vinnu-
stofunni. Mér finnst gaman að vinna á
mörkum hversdagslegra hluta, vinn
til dæmis með internetið, dægur-
menninguna og listasöguna.“
Auður Lóa mun sýna talsvert á
næstunni, tekur til að mynda þátt í af-
mælissýningu Nýlistasafnsins og
samsýningu í Harbinger.
Sigurður hlaut myndlistarverðlaunin
 Sigurður Guðjónsson fyrstur til að
hreppa nýju verðlaunin  Auður Lóa
Guðnadóttir fékk hvatningarverðlaun
Morgunblaðið/Kristinn Magnússon
Verðlaunin Sigurður Guðjónsson hreppti myndlistarverðlaunin og Auður Lóa Guðnadóttir hvatningarverðlaun.
Skáldsagan Ör eftir Auði Övu Ólafs-
dóttur og ljóðabókin Ljóð muna
rödd eftir Sigurð Pálsson hafa verið
tilnefndar til Bókmenntaverðlauna
Norðurlandaráðs fyrir Íslands hönd.
Þetta var tilkynnt í gær. Fulltrúar
landanna í norrænu dómnefndinni
hafa tilnefnt samtals þrettán verk til
bókmenntaverðlauna Norðurlanda-
ráðs 2018, en verðlaunin verða af-
hent við hátíðlega athöfn í Norsku
óperunni í Ósló 30. október. Verð-
launahafinn hlýtur alls 350 þúsund
danskar krónur sem samsvarar
tæpum sex milljónum íslenskra
króna.
Frá Noregi eru tilnefndar smá-
sagnasafnið Jeg har ennå ikke sett
verden eftir Roskvu Koritzinsky og
skáldsagan Begynnelser eftir Carl
Frode Tiller. Frá Svíþjóð eru til-
nefndar ljóðabókin Tapeshavet eftir
Gunnar D. Hansson og skáldsagan
Doften av en man eftir Agnetu
Pleijel. Frá Finnlandi eru tilnefnd
bókin God morgon eftir Susanne
Ringell sem iniheldur stuttan prósa
og ljóðabókin Ontto harmaa eftir
Olli-Pekka Tennilä. Frá Danmörku
eru tilnefnd smásagnasafnið Vel-
signelser eftir Caroline Albertine
Minor og skáldsagan Indigo. Roman
om en barndom eftir Vitu Andersen.
Frá Færeyjum er tilnefnd ljóðabók-
in Gudahøvd eftir Jóanes Nielsen.
Frá Grænlandi er tilnefnd sjálfs-
ævisagan Illinersiorluni ingerlavik
inussiviuvoq eftir Magnus Larsen.
Frá Álandseyjum er tilnefnd skáld-
sagan Algot eftir Carinu Karlsson.
Ör og Ljóð muna rödd tilnefnd
Morgunblaðið/Árni Sæberg
Gleði Kristín Jóhannesdóttir, ekkja Sigurðar Pálssonar, og Auður Ava
Ólafsdóttir í Gunnarshúsi í gær þegar upplýst var um tilnefningarnar.
David Zindel, sonur Pulitzer-
verðlaunahafans Paul Zindel, hefur
kært kvikmyndaleikstjórann Guill-
ermo del Toro, kvikmyndaverið Fox
Searchlight og meðframleiðandann
Daniel Kraus fyrir ritstuld hjá dóm-
stóli í Kaliforníu. Samkvæmt frétt
The Guardian telur David Zindel að
kvikmyndin The Shape of Water,
sem hlaut nýverið 13 Óskars-
verðlaunatilnefningar, m.a. sem
mynd ársins og fyrir bestu leikstjórn
og besta frumsamda handritið, bygg-
ist á leikritinu Let Me Hear You Whi-
sper sem Paul Zindel skrifaði 1969 og
sýnt var í sjónvarpi 1990, en nálgast
má þær upptökur á Youtube.
Leikrit Zindel gerist á sjötta ára-
tug síðustu aldar og fjallar um skúr-
ingakonu sem vinnur næturvaktir á
leynilegri rannsóknarstofu sem teng-
ist hernum og nær sterkum tengslum
við höfrung sem er þar í haldi. Þegar
hún heyrir rannsakendur tala um að
fara að framkvæma kviðskurð á dýr-
inu til að skoða það betur ákveður
hún að bjarga skepnunni og koma
henni aftur til sjávar. Í báðum mynd-
um deilir konan nesti sínu með sjáv-
arskepnunni og daðrar við skepnuna
með því að dansa við sóp sinn. Hlið-
stæðurnar eru fleiri, en í ákæruskjal-
inu eru talin upp rúmlega 60 atriði.
„Það er okkur mikið áfall að kom-
ast að því að stjórnendur stórs kvik-
myndavers skuli búa til mynd sem á
jafn augljóslega rætur sínar í verki
föður míns án þess að viðurkenna það
og leita samninga við okkur sem rétt-
hafa,“ segir David Zindel sem gætir
hagsmuna dánarbús Zindel.
Del Toro og talsmenn kvikmynda-
versins hafna ásökuninni um ritstuld.
Í yfirlýsingu frá verinu eru ásakanir
Zindel sagðar tilhæfulausar. „Við
munum verja okkur og þessa nýstár-
legu og frumlegu mynd af hörku,“
segir í yfirlýsingunni.
The Telepraph greindi nýverið frá
því að franska leikstjóranum Jean-
Pierre Jeunet mislíkaði hversu aug-
ljóslega del Toro vitnaði í myndirnar
Amélie og Delicatessen. „Þegar [Gu-
illermo del Toro] stelur senu þar sem
par situr á rúmbrík og dansar með
fótunum meðan söngleikur er sýndur
í sjónvarpinu í bakgrunni þá er þetta
klippt og skorið úr Delicatessen og ég
undrast hvar sjálsvirðing hans er,“
segir Jeunet.
Saka del Toro um ritstuld
AFP
Vandræði Leikstjórinn Guillermo del
Toro og leikkonan Sally Hawkins.