Morgunblaðið - 23.02.2018, Síða 6

6 FRÉTTIRInnlent
MORGUNBLAÐIÐ FÖSTUDAGUR 23. FEBRÚAR 2018
LED lausnir frá
Lýsing fyrir götur,
göngustíga og bílastæði.
Ráðgjöf og nánari upplýsingar
má fá hjá sölumönnum.
Smart City
lausnir
Jóhann Ólafsson & Co.
Krókháls 3, 110 Reykjavík
533 1900
sala@olafsson.is
BAKSVIÐ
Arnar Þór Ingólfsson
Agnes Bragadottir
Listi kjörnefndar Sjálfstæðisflokksins
fyrir komandi borgarstjórnar-
kosningar var samþykktur nær sam-
hljóða á fjölmennum fundi Varðar,
fulltrúaráðs sjálfstæðisfélaganna í
Reykjavík í Valhöll síðdegis í gær.
Niðurstaða kjörnefndar hafði að
nokkru leyti lekið í fjölmiðla og fyrir-
fram hafði verið búist við hitafundi.
Samkvæmt samtölum Morgun-
blaðsins við sjálfstæðisfólk fyrripart-
inn í gær höfðu margir verið ósáttir að
heyra af því að borgarfulltrúunum Ás-
laugu Friðriksdóttur og Kjartani
Magnússyni yrði ekki boðið sæti á
uppstilltum lista. Þau buðu sig bæði
fram í leiðtogaprófkjöri flokksins og
telja má yfirgnæfandi líkur á að þeim
hefði vegnað vel ef almennt prófkjör
hefði farið fram um sæti á listanum,
enda treystu samanlagt 1.248 manns
öðru hvoru þeirra til að leiða listann.
Kjörnefnd valdi breytingar
Eyþór Arnalds mun hins vegar leiða
listann, enda sigraði hann í leiðtoga-
prófkjörinu í janúar með miklum yf-
irburðum og hlaut rúm 60% þeirra
3.826 atkvæða sem greidd voru. Það
eitt og sér sendi ef til vill einhver skila-
boð um að sjálfstæðismenn í borginni
væru tilbúnir í breytingar og í þær
breytingar virðist kjörnefnd svo sann-
arlega hafa farið, þar sem einstakling-
arnir sem skipa efstu sæti listans hafa
litla eða enga reynslu af borgarmálum.
Hildur Björnsdóttir lögfræðingur
skipar annað sæti listans og í samtali
við mbl.is í gærkvöldi sagðist hún ein-
faldlega hafa ákveðið að stökkva á
tækifærið þegar það bauðst óvænt,
áhugi á pólitík hefði alltaf blundað í
henni. „Þetta er nýtt hlutverk sem ég
hef ekki sinnt áður en ég er mjög
þakklát fyrir tækifærið og hlakka til
að spreyta mig,“ sagði Hildur.
Mikill samhljómur á fundinum
„Við ætlum að stefna að því að ná
meirihluta í vor. Við setjum markið
hátt og ætlum að vinna þessar kosn-
ingar,“ segir Marta Guðjónsdóttir
borgarfulltrúi sem skipar fimmta
sæti listans.
„Það var mikill samhljómur á þess-
um fundi. Það komu upp ræðumenn
þarna sem lýstu skoðunum sínum og
fóru vel yfir þær, en það var engin
gagnrýni eða andstaða við þennan
lista á nokkurn hátt. Bara árnaðar-
óskir með sigurstranglegan lista.
Þannig var andinn á fundinum,“ segir
Marta.
Hún segir aðspurð að hún telji að
þeir sem skipi efstu sætin deili þeim
áherslum sem borgarstjóraefnið Ey-
þór hefur kynnt að undanförnu.
„Ég treysti því að kjörnefnd hafi
valið fólk á listans sem vill vinna í
anda Reykjavíkurþingsins, það var
lagt upp með það og ég hef fulla trú á
því,“ segir Marta.
Mikil nýliðun hjá D-lista
 Listi kjörnefndar sjálfstæðismanna í Reykjavík hlaut náð fyrir augum full-
trúaráðsins á rólegum fundi í Valhöll  Stefna að því að komast í meirihluta
Morgunblaðið/Kristinn Magnússon
Efst Eyþór Arnalds, leiðtogi sjálfstæðismanna í Reykjavík, og Hildur Björnsdóttir, sem skipar annað sæti listans,
ræða málin. Hildur er ein fjölmargra á lista Sjálfstæðisflokksins sem hafa ekki áður tekið þátt í stjórnmálum.
Morgunblaðið/Kristinn Magnússon
Yngstur Egill Þór Jónsson skipar fjórða sæti listans. Hann er fæddur árið
1990 og verður því að öllum líkindum með yngstu borgafulltrúum.
Samkvæmt nýjustu
könnunum á fylgi flokka
myndi D-listi fá 8 borg-
arfulltrúa í maí, en utan
Eyþórs Arnalds, leið-
toga listans, eru fá
þekkt andlit ofarlega á
listanum.
Í 2. sæti listans er Hild-
ur Björnsdóttir, sem
starfað hefur sem lög-
fræðingur undanfarin ár
og var auk þess formað-
ur SHÍ á námsárum sín-
um.
Þriðja sætið skipar Val-
gerður Sigurðardóttir,
skrifstofu- og þjón-
ustustjóri hjá hugbún-
aðarfyrirtækinu Kóða.
Hún hefur ekki áður gef-
ið kost á sér til stjórn-
málaþátttöku.
Egill Þór Jónsson er í
fjórða sætinu. Hann er
teymisstjóri á velferð-
arsviði Reykjavíkur-
borgar og hefur verið
formaður í hverfisfélagi
D-lista í Breiðholti.
Í fimmta sætinu er
Marta Guðjónsdóttir,
borgarfulltrúi og kenn-
ari. Hún tók við starfi
borgarfulltrúa í fyrra, en
hefur sinnt ýmsum
trúnaðarstörfum fyrir
flokkinn.
Katrín Atladóttir hug-
búnaðarverkfræðingur
hjá tölvuleikjaframleið-
andanum CCP er í 6.
sæti. Hún er nýlega far-
in að taka þátt í starfi
flokksins.
Varaborgarfulltrúinn og
framhaldsskólakennar-
inn Örn Þórðarson er í
7. sæti. Hann var áður
sveitarstjóri í Rang-
árþingi ytra.
Björn Gíslason vara-
borgarfulltrúi er í 8.
sæti listans. Hann hefur
lengi verið virkur í störf-
um fyrir hverfisráð
flokksins í Árbæ.
Efstu átta á lista
Sjálfstæðisflokks
Arnar Þór Ingólfsson
athi@mbl.is
Framsóknarflokkurinn kynnti í
gærkvöldi lista sinn fyrir komandi
borgarstjórnarkosningar í Reykja-
vík og var hann samþykktur með
lófataki á fundi flokksins. Á síðasta
kjörtímabili bauð flokkurinn fram
undir merkjum Framsóknar og flug-
vallarvina og Ingvar Mar Jónsson,
flugstjóri og leiðtogi listans, segir að
þrátt fyrir að nú sé eingöngu farið
fram undir merkjum Framsóknar-
flokks verði enn lögð áhersla á að
standa vörð um Reykjavíkurflugvöll.
Höfuðáherslan verður þó lögð á að
kennarinn verði „kóngur á ný“ og að
skólarnir í höfuðborginni verði fram-
úrskarandi, en í sex efstu sætum
framboðslistans eru þrír kennarar.
„Það þarf að hækka laun kennara
til að laða að hæfasta fólkið,“ segir
Ingvar Mar og nefnir einnig að auk-
inn hluti kennaranámsins gæti
mögulega orðið greitt starfsnám, til
þess að auka aðsókn að kennaranámi
á háskólastigi. Stefnumál framboðs-
ins verði þó nánar kynnt síðar.
Ingvar segir margt mega gera
betur í borginni.
„Fyrir utan menntamálin hjá okk-
ur munum við vera með mjög skýr
stefnumál varðandi húsnæðisvand-
ann og samgönguvandann á höfuð-
borgarsvæðinu,“ segir Ingvar. Að
hans mati á ekki að ráðast í fram-
kvæmdir við borgarlínu á kjörtíma-
bilinu. Honum finnst umræða um
málið í skotgröfunum.
„Við segjum bara í rauninni að
borgarlínan sé eitthvað sem sé
mögulegt í framtíðinni, en við teljum
ekki tímabært að fara að ráðast í
einhverjar borgarlínuframkvæmdir
á næsta kjörtímabili. Borgarlínan
mun ekki leysa neinn bráðavanda,“
segir Ingvar og nefnir að frekar ætti
að skoða fríar strætósamgöngur
sem tilraunaverkefni til að létta um-
ferðina. Það hafi gefist vel á Akur-
eyri.
Ingvar leiðir listann sem áður seg-
ir, í öðru sæti er Snædís Karlsdóttir
lögfræðingur, í þriðja sæti Ásthildur
Lóa Þórsdóttir, kennari og formaður
Hagsmunasamtaka heimilanna, og í
fjórða sæti listans er Hjördís Guðný
Guðmundsdóttir kennari.
Framsóknarflokkur vill
gera kennara að kóngum
 Leggja áherslu á skólamálin  Borgarlína ekki tímabær
Ljósmynd/Aðsend
Kosningar Uppstilltur listi Framsóknarflokksins var samþykktur með lófa-
taki á fundi í húsakynnum flokksins við Hverfisgötu í gærkvöldi.