Morgunblaðið - 23.02.2018, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 23. FEBRÚAR 2018
Björn Jóhann Björnsson
bjb@mbl.is
„Við erum á fullu í undirbúningi
þessa dagana og stefnum að því að
hefja tökur næsta þriðjudag,“ seg-
ir Grímar Jónsson hjá Netop
Films, aðalframleiðandi mynd-
arinnar Héraðið, eða The County,
sem Grímur Hákonarson skrifar
og leikstýrir.
Sama teymi stendur að gerð
myndarinnar og framleiddi Hrúta,
sem fór sigurför um heiminn og
vann til fjölda verðlauna. Stefnt er
að frumsýningu myndarinnar vorið
2019.
Myndin Hrútar fjallaði um tvo
bræður sem stunduðu sauðfjár-
búskap hlið við hlið í afskekktum
dal. Grímar segir Héraðið vera
kvenhetjusögu kúabónda sem gerir
uppreisn í karllægu samfélagi.
Líkt og með Hrúta er Héraðið
að hluta byggt á sönnum atburðum
en er fyrst og fremst skáldskapur.
Grímur Hákonarson er jafnframt
handritshöfundur auk þess að leik-
stýra. Um kvikmyndatökuna sér
Mart Taniel.
Erpsstaðir í aðalhlutverki
Tökur hefjast í Dalabyggð í
næstu viku og hafa aðstandendur
myndarinnar m.a. komið sér fyrir í
félagsheimilinu Árbliki í Miðdölum.
Sveitarstjórn Dalabyggðar sam-
þykkti á fundi sínum í vikunni að
leigja Árblik án endurgjalds, gegn
því að framleiðendur greiði rekstr-
ar- og rafmagnskostnað á leigutím-
anum.
Að sögn Grímars verður bærinn
Erpsstaðir megintökustaðurinn í
Dalabyggð en einnig verður farið
víðar um sveitina. Hópurinn verð-
ur þarna við tökur fram að pásk-
um en færir sig síðan norðar, eða
til Hvammstanga og nágrennis í
tvær vikur eftir páska. Þetta eru
tveir helstu tökustaðir mynd-
arinnar, bæði fyrir inni- og útitök-
ur. Alls munu um 30 manns vinna
við tökurnar, auk leikaranna.
Einnig hefur verið leitað til heima-
manna um aðstoð við fjöldasenur
og fleira.
„Við reynum eins og við getum
að vera í góðu samstarfi við fólkið
á staðnum, það er allra hagur,“
segir Grímar.
Kostar nærri 300 milljónir
Arndís Hrönn Egilsdóttir leikur
aðalhlutverkið í myndinni, kúa-
bóndann Ingu. Sigurður Sigur-
jónsson er einnig með hlutverk,
líkt og í Hrútum, sem og Sveinn
Ólafur Gunnarsson. Meðal annarra
leikara eru Hinrik Ólafsson, Hann-
es Óli Ágústsson og Ragnhildur
Gísladóttir.
Leit stendur yfir að dönskum
leikara en Jens Albinus, sem m.a.
lék í Erninum, datt úr skaftinu á
síðustu stundu vegna annarra
verkefna.
Framleiðslukostnaður mynd-
arinnar er áætlaður um 2,2 millj-
ónir evra, jafnvirði um 275 milljóna
króna. Meðframleiðendur Netop
Films eru Profile Pictures í Dan-
mörku og One Two Films í Þýska-
landi, sem einnig komu að gerð
Hrúta, en nýr samstarfsaðili er
franska fyrirtækið Haut et Court.
Myndin fékk m.a. 110 milljóna
króna styrk úr Kvikmyndasjóði Ís-
lands en einnig hafa borist styrkir
frá Nordisk Film & TV Fond,
Danish Film Institute og SR
Fernsehen/arte.
Héraðið tekur yfir Dala-
byggð fram að páskum
 Sama teymi á ferð og framleiddi kvikmyndina Hrúta
Hrútar Sömu framleiðendur og gerðu Hrúta koma að gerð Héraðsins. Sig-
urður Sigurjónsson fer einnig með hlutverk í myndinni, ásamt fleirum.
Grímur
Hákonarson
Grímar
Jónsson
Agnes Bragadóttir
agnes@mbl.is
Margir hafa
skorað á Harald
Benediktsson, 1.
þingmann Norð-
vestur-kjördæm-
is, að bjóða sig
fram til varafor-
manns á lands-
fundi Sjálfstæðis-
flokksins, sem
haldinn verður í
Laugardalshöll
16.-18. mars nk. Þetta staðfesti
Haraldur í samtali við Morgunblað-
ið í gær.
„Já, ég get staðfest það að marg-
ir hafa komið að máli við mig og
skorað á mig að bjóða mig fram í
varaformennskuna í flokknum,“
sagði Haraldur, „og eina svarið sem
ég hef gefið er að ég hef lofað því að
hugsa málið og ég ætla að taka mér
þann tíma sem ég þarf í það.“
Haraldur segist ekki vera nálægt
neinni ákvörðun enn.
Fram til þessa hefur nafn Þórdís-
ar Kolbrúnar R. Gylfadóttur, ferða-
mála-, iðnaðar- og nýsköpunarráð-
herra, 5. þingmanns NV-kjör-
dæmis, einkum verið í umræðunni,
þegar rætt hefur verið um hver sé
líklegasti kandídatinn í embætti
varaformanns Sjálfstæðisflokksins.
Jafnframt hefur nafn Áslaugar
Örnu Sigurbjörnsdóttur, 5. þing-
manns Reykjavíkur norður, verið
nefnt en hún er ritari Sjálfstæð-
isflokksins og starfandi varafor-
maður.
Margir sem hafa
skorað á Harald
 Kveðst hafa lofað að hugsa málið
Haraldur
Benediktsson
Höskuldur Daði Magnússon
hdm@mbl.is
„Við erum að fara í gegnum þau gögn sem við
höfum og yfirheyra þessa aðila. Það verður
væntanlega tekin afstaða til þess í dag hvort
farið verður fram á áframhaldandi gæslu-
varðhald,“ segir Jóhannes Jensson, aðstoð-
aryfirlögregluþjónn á Suðurnesjum.
Eins og Morgunblaðið greindi frá í gær
sitja tveir íslenskir karlmenn í gæsluvarð-
haldi vegna rannsóknar lögreglunnar á Suð-
urnesjum á innbrotum í gagnaver í Reykja-
nesbæ og Borgarbyggð. Brotist var inn á
þremur stöðum og reynt að brjótast inn á
þeim fjórða.
Alls var 600 tölvum stolið og er verðmæti
þýfisins talið nema rúmum 200 milljónum
króna. Þá lögreglumenn sem Morgunblaðið
hefur rætt við vegna málsins rekur ekki
minni til þess að viðlíka upphæðir hafi áður
verið nefndar í tengslum við innbrot og þjófn-
aði hér á landi. Því liggur við að um sé að
ræða stærsta þjófnaðarmál Íslandssögunnar,
í hefðbundnum skilningi þess hugtaks hið
minnsta. Undir þetta tekur Jóhannes.
„Þetta eru gríðarlegar fjárhæðir. Þetta er
líklega með stærri málum sem hér hafa kom-
ið upp, ef ekki það stærsta.“
Innbrotin þrjú voru framin á tímabilinu frá
5. desember síðastliðnum til 16. janúar. Þeim
er lýst sem „þaulskipulögðum“. Rannsókn
málsins er nokkuð umfangsmikil, enda er það
álitið tengjast skipulagðri glæpastarfsemi, og
hafa alls níu manns verið handteknir. Fjórir
voru úrskurðaðir í gæsluvarðhald og tveir eru
enn í gæsluvarðhaldi. Einn hinna handteknu
var öryggisvörður hjá Öryggismiðstöðinni.
Fyrirtækið annast öryggismál fyrir Advania
en einn staðurinn sem brotist var inn á var á
framkvæmdasvæði við gagnaver fyrirtækisins
á Fitjum. Auk þess liggur fyrir að brotist var
inn í gagnaver Borealis Data Center í Borg-
arbyggð. Ekki náðist í forsvarsmenn þess fyr-
irtækis en Eyjólfur Magnús Kristinsson, for-
stjóri Advania Data Centers, sagðist lítið geta
tjáð sig um málið. „Það var aðeins lítill hluti
af þessum búnaði tekinn frá okkur ef þessi
tala, um 200 milljónir, er rétt. Ég get því ekki
sagt til um hvað þessir menn hafa ætlað sér
með búnaðinn.“
Ljóst þykir þó að rán þessi tengjast greftri
eftir rafmyntum. Búnaðurinn, sem stolið var
og er enn ófundinn, er aðallega notaður til að
grafa eftir bitcoin og öðrum rafmyntum. Þeg-
ar fyrri tvö innbrotin voru framin, í desem-
ber, var gengi bitcoin einmitt í hæstu hæðum
og því eftir miklu að slægjast. Kunnáttufólk á
þessu sviði, sem Morgunblaðið hefur rætt við,
telur að hafi þjófunum auðnast að koma bún-
aðinum í notkun hafi þeir mögulega getað
orðið sér úti um mun hærri upphæðir en virði
búnaðarins.
Jóhannes Jensson segir að háar fjárhæðir
gætu verið í spilunum.
„Já, manni skilst að þetta sé arðbært. Enda
væru þeir varla að standa í þessu annars. Það
gæti sést á bótakröfum komi þær fram.“
Ljósmynd/vf.is/Hilmar Bragi
Gagnaver Húsnæði Advania á Fitjum. Tölvubúnaði sem notaður er til að grafa eftir rafmyntum var stolið þar í innbrotum nýlega. Háar fjárhæðir geta verið í spilinu.
Eitt stærsta þjófnaðarmál sögunnar
Loftkæling
Funahöfða 7, 110 Reykjavík, s. 577 6666
og varmadælur