Morgunblaðið - 14.03.2018, Blaðsíða 30

30 MENNING
MORGUNBLAÐIÐ MIÐVIKUDAGUR 14. MARS 2018
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.
VIÐTAL
Helgi Snær Sigurðsson
helgisnaer@mbl.is
Tónlistarhátíðin Sónar Reykjavík
hefst í Hörpu á föstudaginn og að
þessu sinni stendur hátíðin yfir í
tvo daga en ekki þrjá eins og fyrri
hátíðir. Fyrsta Sónar hátíðin var
haldin í Barcelona og er árið í ár
það 25. sem hátíðahöld fara fram
undir hennar nafni víða um heim
þar sem út frá
hinni upphaflegu
hátíð spruttu
fleiri í ólíkum
löndum.
Afmælisfögn-
uðurinn hefst á
föstudag með
tveimur Sónar-
hátíðum, í
Reykjavík og
Hong Kong.
Steinþór Helgi
Arnsteinsson, listrænn stjórnandi
Sónar Reykjavík, segir hátíðina
hafa verið stytta um einn dag m.a.
vegna bókana í Hörpu en dagskráin
þessa tvo daga verði lengri en á
fyrri hátíðum. „Við byrjum fyrr og
endum seinna þannig að þótt þetta
styttist um einn dag eru slottin
nánast jafnmörg,“ segir hann og á
þar við fjölda atriða.
„Við höfum svolítið verið að
leggja áherslu á t.d. bílakjallarann
og þegar við fengum það á hreint
að við gætum ekki verið í honum á
fimmtudeginum sóttum við svolítið
fast að fá að hafa bílakjallarann
opinn lengur á föstudegi og laugar-
degi og það gekk í gegn. Við vild-
um bara taka þetta meira með
trompi þessi tvö kvöld í Hörpu,“
segir Steinþór. Skipuleggjendur
hátíðarinnar hafi líka viljað hafa
meira rými til að gera meira í
bænum þar sem þrýst hafi verið á
að halda „off-venue“ tónleika og
bjóða upp á hliðardagskrá.
Hentar hugmyndafræðinni
– Hvernig hefur miðasala gengið?
„Við finnum alveg fyrir því að Ís-
lendingar eru rosalega seinir að
kaupa sér miða og ég veit ekki af
hverju það er en þetta virðist vera
svona alls staðar. En að sama skapi
hafa aldrei fleiri útlendingar keypt
sér miða og við erum mjög ánægð
með það og lítum á það sem sókn-
artækifæri til framtíðar, að stækka
alltaf við okkur hvað varðar erlenda
gesti enda er íslenski markaðurinn
takmarkaður,“ segir Steinþór.
Sónar Reykjavík hefur frá upp-
hafi verið haldin í Hörpu og segir
Steinþór að það sé órjúfanlegur
þáttur hátíðarinnar, að mati skipu-
leggjenda. Húsið henti mjög vel
þeirri hugmyndafræði sem sé í
kringum hátíðina þar sem mikil
áhersla sé lögð á tækni og sjón-
ræna hlutann. „Okkur finnst mjög
skemmtilegt að geta boðið upp á
að þetta sé ein tónlistarhátíð á ein-
um stað, að þú þurfir ekki að fara
út fyrir húsið og jafnvel þó að það
sé skítakuldi og snjókoma ertu
inni í hinum sérstaka heimi
Hörpu, með glerhjúpinn vafinn um
þig. Við viljum frekar nýta okkur
Hörpu á sem fjölbreyttastan hátt,
öll þessi litlu og opnu rými og fólk
mun taka eftir því þegar það kem-
ur í húsið um helgina að við erum
að fara svolítið nýstárlegar leiðir
varðandi útlit Hörpu, að reyna að
prófa eitthvað nýtt,“ segir Stein-
þór og nefnir til dæmis dagskrána
Sónarspil.
Fólk sleppi fram
af sér beislinu
– Þetta er danstónlistarhátíð
fyrst og fremst, ekki satt?
„Það sem við erum alltaf að
reyna að gera, meira og meira, er
að fá fólk til að koma í Hörpu og
dansa, til að sleppa fram af sér
beislinu,“ svarar Steinþór. Skipu-
leggjendur vilji líka vanda valið og
fá vandaða tónlistarmenn og hljóm-
sveitir til að koma fram. „Við erum
með mjög „cutting edge“ listamenn
sem eru fremstir á sínu sviði hvað
varðar nýjustu strauma og stefnur,
nýtingu á hljóðgervlum og hljóð-
myndum almennt og einnig varð-
andi „visúala“ og ljós og hvernig
þetta vinnur allt saman,“ segir
Steinþór.
Ekki bara gamlar flugur
Ein þekktasta hljómsveit heims á
sviði danstónlistar, Underworld,
kemur fram á hátíðinni og af öðrum
helstu listamönnum má nefna
Danny Brown, TOKiMONSTA,
Lindström, Nadiu Rose og Denis
Sulta og meðal íslenskra lista-
manna og hljómsveita eru Ben
Frost, GusGus, Sykur, Cyber, Elli
Grill og Bríet.
„Underworld er eitt af stærstu
elektrónísku böndum síðustu 20-30
ára og við erum ekki að fá ein-
hverjar gamlar flugur bara af því
þær eru einhver nöfn heldur eru
þær að koma með einhver „show“
sem við trúum á,“ segir Steinþór.
„Við viljum að hið sjónræna vinni
með hinu hljóðræna,“ útskýrir hann
og nefnir tónleika Ben Frost og
Bjarka Rúnars Sigurðarsonar sem
dæmi um vel heppnaðan samruna
þeirra þátta. „Svo erum við með
listamenn eins og TroyBoi sem er
orðinn einn stærsti trap-plötusnúð-
ur heimsins í dag,“ nefnir Steinþór
og segir tónleika hans ekki síður
fyrir augu en eyru. Í rappdeildinni
megi svo nefna Danny Brown sem
sé framúrstefnulegur í sinni list-
sköpun og eigi því vel heima á Són-
ar Reykjavík.
Frekari upplýsingar um lista-
menn og dagskrá hátíðarinnar má
finna á sonarreykjavik.com.
„Viljum að hið sjónræna
vinni með hinu hljóðræna“
 Sónar Reykjavík tónlistarhátíðin haldin í Hörpu 16. og 17. mars  Mikil áhersla lögð á tækni
Ljósmynd/Victor Frankowski
Dansveisla Hljómsveitin Underworld á tónleikum. Hún þykir með þeim fremstu í heimi í flokki danstónlistar.
Framúrstefnulegur Bandaríski
rapparinn Danny Brown kemur
fram á Sónar Reykjavík.
Fjölhæf Bandaríski framleiðandinn
og plötusnúðurinn Jennifer Lee
kemur fram sem TOKiMONSTA.
Getur hljóð
orðið að
mynd?
Mynd að
ljósi? Ljós
að hljóði?
Getur for-
ritun verið
listiðkun?
Vefsíða
verið lista-
verk? List verið tölvuleikur?
Þessum spurningum er leit-
ast við að svara á Sónar-
spili, sjálfstæðri hliðardag-
skrá á Sónar Reykjavík sem
hefst í dag en á henni eru
mörk listar og tækni í for-
grunni, eins og segir í til-
kynningu.
Undir merkjum Sónarspils
verða haldin þrjú námskeið
opin almenningi. „Framtíðin
verður þeirra sem nota
tæknina með óvæntum og
skapandi hætti. Þess vegna
langaði okkur til að skapa
vettvang fyrir þá sem eru að
nota rafeinda- eða tölvubún-
að í sinni list – eða vilja
gera það í auknum mæli –
til að sækja sér þekkingu og
deila reynslu,“ er haft eftir
Atla Bollasyni en hann er
einn af skipuleggjendum
dagskrárinnar. Upplýsingar
um hana má finna á vefsíðu
Sónar Reykjavík á eftirfar-
andi slóð: sonarreykja-
vik.com/en/2018/sonarspil.
Fyrsta námskeiðið hefst kl.
10 í dag.
Mörk listar
og tækni
SÓNARSPIL Á SÓNAR
Atli Bollason
Steinþór Helgi
Arnsteinsson