Morgunblaðið - 21.04.2018, Blaðsíða 35
MINNINGAR 35
MORGUNBLAÐIÐ LAUGARDAGUR 21. APRÍL 2018
Á páskadag árið
1963 fórst Hrímfaxi,
flugvél Flugfélags
Íslands, í aðflugi að
Fornebu-flugvelli við Ósló og með
henni 12 manns, þar á meðal Þor-
björn Áskelsson, einn af aðaleig-
endum Gjögurs hf., faðir Guð-
mundar sem kvaddur er í dag.
Þar sem Guðmundur hafði verið
að stússast í kringum útgerðina
með föður sínum lá beinast við að
hann tæki við rekstrinum. Við
tóku erfið ár, fyrst og fremst
vegna ófyrirséðra afleiðinga við-
skipta sem átt höfðu sér stað
skömmu fyrir andlát Þorbjarnar,
lítið mátti út af bregða svo allt
færi ekki á verri veginn. Hér
komu mannkostir Guðmundar
glöggt í ljós sem fólust fyrst og
síðast í yfirvegun, orðheldni og
heiðarleika í samskiptum við aðra.
Guðmundur stýrði útgerðinni
með hjálp margra góðra manna í
gegnum þetta erfiðleika tímabil
með þeim árangri að í dag er
Gjögur með stöndugri útgerðum
landsins.
Ég átti því láni að fagna að
starfa hjá Gjögri, nánast alla mína
sjómannstíð, eða í um 15 ár. Byrj-
aði sem kokkur en varð síðan vél-
stjóri hjá útgerðinni til skiptist á
þeim skipum sem höfðu verið í
eigu hennar þegar ég hætti þar
störfum.
Rekstur útgerðar er nú einu
sinni því marki brenndur að þar
skiptast á skin og skúrir, einn
daginn aflast vel til viðbótar fæst
kannski gott verð fyrir afurðirn-
ar.
Næsta dag getur verið ör-
deyða, enginn afli og til viðbótar
lágt verð fyrir sjávarafurðir á er-
lendum mörkuðum. Þriðja daginn
getur útgerðin orðið fyrir ómældu
Guðmundur
Þorbjörnsson
✝ GuðmundurÞorbjörnsson
fæddist 2. júní
1934. Hann lést 5.
apríl 2018.
Útför Guð-
mundar fór fram
20. apríl 2018.
tjóni í formi vélabil-
ana eða bilana á öðr-
um búnaði um borð
eða að síldar- og/eða
loðnunótin hefur
stórskemmst við
veiðar í of grunnum
sjó. Þannig má
áfram telja allar
brekkurnar sem
verða gjarnan á vegi
þeirra sem starfa í
sjávarútvegi.
Á meðan ég starfaði hjá útgerð-
inni kynntist ég Guðmundi mjög
vel, taldi hann raunar til minna
betri vina. Aldrei man ég eftir því
að Guðmundur skipti skapi eða að
hægt væri að lesa það úr svip hans
hvort hlutirnir gengju vel eða illa.
Hann lét einfaldlega ekki óumflýj-
anlegar hæðir og lægðir í rekstr-
inum stjórna lund sinni og fram-
komu við annað fólk, var alltaf eins
og kom fram við alla eins og jafn-
ingja.
Síðustu 25 árin mín á vinnu-
markaði starfaði ég hjá VSFÍ m.a.
við samningagerð við samtök út-
gerðarmanna. Á þessum árum var
hið svokallaða kvótabrask í al-
gleymingi, mörg mál sem tengd-
ust kaupi og kjörum tengdust því.
Í öll þessi ár sem ég starfaði fyrir
VSFÍ man ég ekki eftir einu ein-
asta klögumáli sem tengdist
Gjögri, hvorki að reynt væri að
láta sjómanninn taka þátt í kaup-
um á kvóta eða að á einhvern ann-
an hátt væri verið að fara á svig
við gerða samninga.
Guðmundur var einn af heið-
ursmönnum gamla tímans sem
var alltaf maður orða sinna, töluð
orð af hans vörum höfðu merkingu
og handsalað samkomulag var
engu síðra en skriflegt.
Með Guðmundi er genginn
mikill heiðursmaður af gamla
skólanum sem hafði einkar góða
nærveru, kom fram við alla af
sama látleysinu. Við leiðarlok færi
ég eftirlifandi eignkonu hans,
börnum og öðrum nákomnum
mínar innilegustu samúðarkveðj-
ur.
Helgi Laxdal.
Í dag verður Guðmundur Þor-
bjarnarson til moldar borinn. Guð-
mundur hafði mikla hæfileika og
var gull af manni. Þá hæfileika
fékk hann í vöggugjöf en hann var
sonur hjónanna Þorbjarnar, út-
gerðarmanns á Grenivík, og Önnu
ljósmóður sem tók á móti mörgum
einstaklingum í okkar sveitarfé-
lagi, m.a. okkur sem þetta rita.
Margar sögur hafa verið sagðar af
ljósmóðurstörfum Önnu ljósu eins
og hún var kölluð. Allar eru þær á
einn veg, natni, blíða og fag-
mennska í fyrirrúmi.
Við kynntumst Guðmundi mest
í gegnum Útgerðarfélagið Gjögur
sem hann veitti forstöðu og voru
þau kynni öll á sama veg, mann-
gæska og þjónustulund. Þegar
skipverjarnir fóru að skemmta sér
í borginni og höfðu klárað alla hýr-
una, var bankað á Tómasarhagan-
um til að fá smá skotsilfur. Eftir á
að hyggja hlýtur það að hafa verið
hvimleitt fyrir fjölskylduna, en
Guðmundur lét á engu bera og við
gengum auðvitað á lagið. Yfirleitt
var hluturinn góður á vertíðinni en
á þeim árum virtust vasarnir eitt-
hvað lekir. Því var það í lok síðustu
vertíðarinnar sem erfitt var fyrir
Guðmund að skilja hvað mikið var
eftir af vetrarhýrunni en þá höfðu
aðstæður breyst, kona var komin í
spilið og vasarnir héldu betur.
Um tíma skildi leiðir en þegar
Gjögur hóf rekstur aftur á Greni-
vík endurnýjuðust kynnin. Guð-
mundur hafði lítið breyst, orð
skulu standa og aldrei vék hann
frá því, þótt á þessum tíma hafi
hann að mestu verið búinn að
draga sig í hlé og Ingi og Anna,
börn Guðmundar, tekin við stjórn-
inni.
Það er minnisstætt þegar skrif-
stofa Gjögurs í Reykjavík var
heimsótt. Var það eins og að koma
á gott sveitaheimili. Sest var með
kaffibolla og sögur sagðar úr
sveitinni. Hann vildi vita hvernig
mannlífið var í hans gömlu heima-
byggð.
Ástæða er líka til að þakka fyrir
hvað hann reyndist strákunum
okkar vel, en um langt skeið hafa
þeir báðir starfað hjá Gjögri.
Þegar þau hjón dvöldu hjá okk-
ur síðastliðið sumar áttuðum við
okkur ekki á hversu stutt Guð-
mundur átti eftir, ef til vill vissi
hann betur. Hann minntist þá á
hvað allir sem urðu á vegi hans á
Grenivík sýndu honum mikinn
hlýhug. Vonandi var það gott
veganesti fyrir það sem koma
skyldi.
Kæra Auðbjörg, Ingi, Anna og
fjölskyldur. Við og synir okkar
vottum ykkur hina dýpstu samúð.
Megi minning um góðan dreng
lifa.
Guðný Sverrisdóttir
Jóhann Ingólfsson.
Samskipti okkar Guðmundar
hófust í Vesturbæjarlauginni um
og fyrir 1980. Hann átti rætur að
rekja í Kelduhverfi og afabróðir
hans bjó á Melrakkasléttunni
þannig að tengingarnar voru auð-
veldar.
Auk þess átti útgerðin þeirra
hlut í síldarsöltunarstöð á Rauf-
arhöfn þar sem faðir minn sinnti
verkstjórn síðustu síldarárin. Og
að sjálfsögðu lönduðu Gjögursbát-
arnir Oddgeir og Vörður sinni síld
þar.
Það er síðan snemmsumars
1982. Ég var fluttur til Hull og
hafði umsjón með löndun og sölu á
afla þeirra íslensku skipa sem það
kusu.
Í einni heimferðinni til þess að
afla viðskipta hitti ég Guðmund í
Vesturbæjarlauginni. Við tókum
tal saman sem endaði á þann hátt
að hann hét á mig ef Vörður
myndi ná að fiska í siglingu yrði ég
umboðsmaður skipsins. Þetta
gekk allt eftir. Vörður aflaði vel og
fékk gott verð. Þetta var á loðnu-
leysisárunum þannig að Hákon
fór líka á fiskitroll og landaði hjá
mér og síðan fylgdi Oddgeir ein-
hverjum misserum síðar.
Þetta var upphaf að vinskap
sem aldrei bar skugga á. Traust-
ari mann í samskiptum er erfitt að
finna og ekki þurftu menn skrif-
lega samninga við Guðmund.
Hann hafði nokkrum árum
seinna mikil áhrif á þá ákvörðun
mína að setja á stofn sjálfstæðan
rekstur í Hull.
Ég bauð honum þátttöku í þeim
rekstri en hann ráðlagði mér ein-
dregið að vera ekki með marga
eigendur, það myndi flækja fleiri
mál en leysa.
Við Margrét vottum Auðbjörgu
og fjölskyldunni allri okkar
dýpstu samúð.
Genginn er góður drengur.
Pétur Björnsson.
Elsku amma.
Ein af mínum
fyrstu minningum
um þig var þegar þú
spurðir mig hvort ég vildi að þú
kenndir mér frönsku, ég hef lík-
lega verið svona fimm ára og var
alveg til í það. Þá sagðir þú með
frönskum hreim –allabaddarí
fransí, koppur undir rúmi til að
pissa í – þarna hélt ég í nokkur ár
að ég kynni smá í frönsku.
Ég hugsa núna á hverjum degi
um allar ótrúlegu sögurnar um líf
þitt og hversu þakklát ég er fyrir
allar góðu minningarnar sem við
eigum saman. Mikið sem ég á eft-
ir að sakna þess að sitja við eld-
húsborðið þitt með kaffibolla og
spjalla við þig um heima og
geima.
Amma var ekki bara amma,
við vorum líka bestu vinkonur
hún hjálpaði mér t.d mikið í
hárgreiðslunáminu með því að
leyfa mér að leggja á sér hárið og
prófa liti og hvað annað, og í
mörg ár borðuðum við saman
einu sinni í viku sem mér þykir
svo vænt um.
Anna Sigurlína
Steingrímsdóttir
✝ Anna Sig-urlína Stein-
grímsdóttir fædd-
ist 28. júní 1933.
Hún lést 26. mars
2018.
Útför Önnu fór
fram 6. apríl 2018.
Hún amma var
svo ótrúlega mikil
fyrirmynd, svo
sterkur karakter
(þarna myndi hún
leiðrétta mig og
segja persónuleiki)
og dugleg koma sem
hélt ótrauð áfram
sama hvað bjátaði á.
Ég mun ávallt líta
upp til þín, amma,
segja börnunum
mínum og öllum þeim sem vilja
heyra sögur af þér, þú ótrúlega
flotta kona sem varst alltaf svo
vel til höfð, með fallegt heimili og
dýrindis mat í ofninum.
Takk fyrir að vera amma mín,
ég elska þig endalaust. Hvíldu í
friði, elsku amma.
Þín
Ásta Jóna.
Ástkær eiginmaður minn, faðir okkar,
tengdafaðir, afi og langafi,
SVERRIR OLIVER KARVELSSON
frá Ísafirði/Þingeyri,
lést þriðjudaginn 10. apríl.
Útförin fer fram frá Grafarvogskirkju
mánudaginn 23. apríl klukkan 13.
Kritsana Jaitieng
Kristján Sigurður Sverrisson Nutcharee Pairueang
Jakob Arnar Sverrisson Sólveig A. Hilmarsdóttir
barnabörn og barnabarnabörn
Bróðir minn og föðurbróðir okkar,
PERCY B. STEFÁNSSON
ráðgjafi,
lést að morgni laugardagsins 14. apríl.
Hann verður jarðsunginn frá Hallgrímskirkju
þriðjudaginn 24. apríl klukkan 15.
Stefán B. Sigtryggsson
Arnar Dúsa
Alex Björn
Sigtryggur B. Hildur María
Ylfa Guðný Hákon Ævar
Stefanía Rós
Maj-Britt Anna
Davíð
útfararstjóri
551 3485 - www.udo.is
Óli Pétur
útfararstjóri
Elsku pabbi okkar, tengdafaðir, afi og
langafi,
FRIÐBJÖRN GUNNLAUGSSON
skólastjóri
verður jarðsunginn frá Kópavogskirkju
föstudaginn 27. apríl klukkan 13.
Sveinbjörg Friðbjarnardóttir Garðar Sigurvaldason
Gunnlaugur Friðbjarnarson
Freyja Friðbjarnardóttir Friðrik Jósafatsson
Ása Fönn Friðbjarnardóttir
barnabörn og barnabarnabarn
Ástkær eiginkona mín, móðir okkar,
tengdamóðir, amma og langamma,
SIGRÚN T. JÓNSDÓTTIR
lyfjafræðingur,
Bjarmalandi 21, Reykjavík,
lést á hjúkrunarheimilinu Sóltúni
þriðjudaginn 10. apríl. Útförin fer fram frá Bústaðakirkju
fimmtudaginn 26. apríl klukkan 13.
Ingólfur Lilliendahl
Kristján Lilliendahl Guðrún Marinósdóttir
Guðný Lilliendahl
Kjartan Lilliendahl Sigríður Bragadóttir
Hörður Lilliendahl Elva Bredahl Brynjarsdóttir
barnabörn og barnabarnabörn
Ástkær faðir okkar, tengdafaðir, afi og
langafi,
TÓMAS ÞÓRHALLSSON
frá Botni í Fjörðum,
til heimilis að Sléttuvegi 23, Reykjavík,
sem lést á heimili sínu miðvikudaginn 11.
apríl, verður jarðsunginn frá Áskirkju
þriðjudaginn 24. apríl klukkan 13.
Ragnhildur Pála Tómasdóttir Sveinn Áki Sverrisson
Guðni Þórhallur Tómasson Þórdís Þórðardóttir
Guðlaugur Ómar Tómasson
barnabörn og barnabarnabörn
Ástkær móðir okkar, tengdamóðir, amma
og langamma,
SIGRÍÐUR JÚLÍA W. KRISTINSDÓTTIR,
Stelkshólum 12, Reykjavík,
lést á kvennadeild Landspítalans
sunnudaginn 1. apríl.
Útförin hefur farið fram í kyrrþey að ósk hinnar látnu.
Sérstakar þakkir til starfsfólks kvennadeildar Landspítalans fyrir
góða umönnun.
Aðstandendur
Elskuleg móðir okkar, tengdamóðir, amma
og langamma,
ÞORBJÖRG EIÐSDÓTTIR,
Árskógum 2,
lést á hjúkrunarheimilinu Skógarbæ
sunnudaginn 1. apríl.
Útförin hefur farið fram í kyrrþey að hennar ósk.
Ólafía Magnúsdóttir Jóhann Geirharðsson
Eiður Magnússon Kristín Ólafsdóttir
barnabörn og barnabarnabörn