Morgunblaðið - 21.04.2018, Blaðsíða 45

DÆGRADVÖL 45
MORGUNBLAÐIÐ LAUGARDAGUR 21. APRÍL 2018
Stjörnuspá
21. mars - 19. apríl 
Hrútur Forðastu átök í lengstu lög en verði
ekki hjá þeim komist skaltu berjast drengi-
lega. Eyddu ekki óþarfa orku í að hugsa um
það sem miður fór.
20. apríl - 20. maí 
Naut Þú ert eitthvað annars hugar í dag og
ættir því að fara varlega í ákvarðanatöku.
Margar lausnir virðast vera fyrir hendi en
flýttu þér hægt því aðeins ein er rétt.
21. maí - 20. júní 
Tvíburar Hefjist nýtt tilfinningasamband í
dag má búast við að það verði ástríðufullt
og gæti breytt lífi þínu. Vertu óhrædd/ur
við að njóta ánægju lífsins og leyfa henni að
blómstra.
21. júní - 22. júlí 
Krabbi Þú þráir stöðugleika í samböndum
þínum en stöðugleiki er ekki mögulegur
eins og stendur. Reyndu að afstýra deilum
og nota orkuna til að koma hlutunum í verk.
23. júlí - 22. ágúst 
Ljón Mundu að þú uppskerð eins og þú sá-
ir. Byrjaðu að íhuga möguleika þína núna
því það gefst ekki vel að taka skyndiákvarð-
anir.
23. ágúst - 22. sept. 
Meyja Taktu höndum saman með öðrum til
þess að ljúka ótilgreindu verkefni í dag.
Notaðu hugkvæmnina sem lykil að hamingj-
unni.
23. sept. - 22. okt. 
Vog Það gæti legið illa á fjölskyldu-
meðlimum þínum vegna óleystra ágrein-
ingsefna heima fyrir. Vertu skýr í tjáskiptum
í dag.
23. okt. - 21. nóv.
Sporðdreki Nú hefur þú það í hendi þinni
að láta mikil umskipti yfir þig ganga. Taktu
góðlátlegt grín annarra ekki nærri þér því
þú veist vel að það býr ekkert að baki.
22. nóv. - 21. des.

Bogmaður Sinntu þeim erindum sem þú
hefur dregið að reka. Láttu allar óþarfa
áhyggjur lönd og leið og einbeittu þér að
augnablikinu.
22. des. - 19. janúar 
Steingeit Það er einhver ruglingur í gangi á
vinnustað þínum og þú átt erfitt með að
henda reiður á því sem fram fer. Vertu
vandlátur á val samstarfsmanna.
20. jan. - 18. febr. 
Vatnsberi Það er erfitt að mynda sér ein-
hverja skoðun þegar aðeins liggja fyrir brot
af upplýsingum. Mundu að vinir og vanda-
menn eru sú stoð sem gott er að hafa.
19. feb. - 20. mars

Fiskar Mundu að það sem þú gerir hefur
sínar afleiðingar fyrir sjálfa/n þig og aðra.
Verk þín sanna sig sjálf svo þú skalt fara
þér hægt en njóta árangurs erfiðis þíns.
Gátan er sem endranær efir Guð-mund Arnfinnsson
Fulllærður hann fráleitt er.
Fljóð sá ekki barnar.
Við hirðina þeir sómdu sér.
Sonur Axlar-Bjarnar.
Knútur H. Ólafsson svarar:
Sveininum margt ólært er,
ungur sveinn ei barnar.
Skutulsveinn konungs sómir sér,
Sveinn var bur Axlar-Bjarnar.
Helgi R. Einarsson á þessa lausn:
Hugsunin var hrein og bein,
þótt heimskan ríkti í fyrstu ein,
síðan loks varð laus við mein.
Líklega’ er hér átt við SVEIN.
Guðrún Bjarnadóttir leysir gát-
una þannig:
Enginn sveinn er útlærður.
Aldrei sveins barn finnst í legi.
Áður hirðsveinn útfærður
og Sveinn skotti’ á glæpavegi.
Helgi Seljan svarar:
Útlærður var ekki sveinn,
ekki fljóðin barna kann.
Hirðmenn sýndu ei sóma neinn,
Svein hans Axlar Bjarnar fann.
Guðmundur skýrir gátuna þannig:
Fulllærður er sveinninn síst.
Sveinn ei barnar meyju hreinn.
Hirðsveinar þar voru víst.
Var af Birni kominn Sveinn.
Þá er limra:
Sveinn í Þingmúla þótti frækinn,
þéttur á velli og brekkusækinn,
en sumum þótti
hann sóa þrótti,
hann sótti vatn yfir bæjarlækinn
Og síðan ný gáta eftir Guðmund:
Ekki dugir droll og slór,
dagur nýr í hönd nú fór,
hann er gáta í sjálfu sér,
sem að kveldi ráðin er:
Vegarspotta víst þann tel.
Veðrabálkur strangur er.
Hann er rák á hörpuskel.
Hluti bókar einn og sér.
Þegar Jón Sigurðsson forseti var
drengur veiktist hann hættulega. Þá
kvað síra Sigurður Jónsson á Rafns-
eyri, faðir hans:
Guð hefur þig til gamans mér
gefið, – það má segja.
Sá, sem öllu lífið lér,
láti þig ekki deyja.
Halldór Blöndal
halldorblondal@simnet.is
Vísnahorn
Sveinn skotti
og aðrir sveinar
Í klípu
„HANN ER EKKI HÉRNA. EF ÞÚ ERT TÝND
ÁN HANS GETURÐU ALLTAF DOKAÐ VIÐ
OG SÉÐ HVORT HANN REYNI AÐ FINNA
ÞIG.“
eftir Mike Baldwin eftir Jim Unger
„ALDREI ÖSKRA Á PÍPARANN ÞINN.“
Hermann
Ferdinand
Hrólfur hræðilegi
Grettir
... þegar varir ykkar eru
alltaf í takt.
AUMINGJA
GEIR ÞRÚÐUR
ER AÐ SMS-A LÍSU… „HVERNIG
ELSKA ÉG YÐUR? LEYFIÐ MÉR AÐ
SMS-A LEIÐIRNAR“
ÚPS! ÉG SENDI ÞETTA Á
GEIRÞRÚÐI Í STAÐINN
AUMINGJA
JÓN
GEIRÞRÚÐUR VILL VITA
HVAÐ ÉG SÉ AÐ GERA Á
LAUGARDAGSKVÖLDIÐ
HVAÐ SAGÐI SKILTIÐ
ÞARNA?
HRÁÁÁÁK
„SLEIPT Í BLEYTU“
Víkverja finnst gaman að haldaupp á sumardaginn fyrsta. Það
er ekki alltaf gott veður þennan dag
og það má deila um hvort sumarið sé
komið eða ekki en eitt er víst að fólk
er komið með sumarið í hjarta. Skát-
arnir hafa lengi verið áberandi í há-
tíðarhöldum á þessum degi og líka
eru hverfishátíðirnar fastir liðir.
x x x
Á hverfishátíðunum eru gjarnantónlistaratriði, einhvers konar
sýning, hoppukastalar, kaffi og
kleinur, grillaðar pulsur og gos. Vík-
verji sá t.d. mjög flott tónlistarfólk af
yngstu kynslóðinni úr sínu hverfi
flytja bæði frumsamin lög og önnur
þekktari eftir eigin höfði á fimmtu-
daginn. Sviðsframkoma, söngur,
leiklist og tónlist er eitthvað sem
börn hafa gott af og þykir gaman að
læra. Þetta eru hæfileikar sem eiga
eftir að nýtast vel í framtíðinni.
x x x
Núna hefur bæst við að haldin ersérstök barnamenningarhátíð
sem nær yfir sumardaginn fyrsta.
Það er virkilega gaman að hafa hátíð
sem er sérstaklega ætluð börnum en
hún ætti ekki að vera á kostnað hefð-
bundinna hátíðahalda í hverfunum.
Þessar hverfishátíðir ætti heldur að
efla.
x x x
Að því sögðu vill Víkverji hvetjafólk til að fara inn á barnamenn-
ingarhatid.is og skoða þessa viða-
miklu dagskrá. Á sunnudaginn er til
dæmis hægt að fara í Bollywood-
danstíma fyrir alla fjölskylduna eða
kíkja á krakkareif í Ráðhúsinu. Á há-
tíðinni er líka víða hægt að sjá lista-
verk sem börnin sjálf hafa skapað og
sumstaðar er hægt að mæta til að
skapa eitthvað nýtt og frumlegt.
Leiklist, dans og tónlist er líka gert
hátt undir höfði á hátíðinni.
x x x
Það er um að gera að pakka ekkisumarskapinu ofan í skúffu
heldur halda brosinu þó að það eigi
eftir að kólna einhverja daga. Það
gerir það oftast og þá er nauðsynlegt
að verja sumarið í hjartanu. Sumarið
er stutt á Íslandi og það þarf að njóta
þess. Er á meðan er. vikverji@mbl.is
Víkverji
Drottinn er góður, athvarf á degi
neyðarinnar, hann annast þá sem
leita hælis hjá honum
(Nahúm 1.7)
)553 1620
Laugarásvegi 1, 104 Reykjavík
laugaas@laugaas.is • laugaas.is
Veisluþjónusta
Lauga-ás
Afmæli
Árshátíð
Gifting
Ferming
Hvataferðir
Kvikmyndir
Íþróttafélög
Við tökum að okkur að skipuleggja
smáar sem stórar veislur.
Lauga-ás rekur farandeldhús í hæsta
gæðaflokki og getur komið hvert sem
er á landinu og sett upp gæða veislu.
Er veisla framundan hjá þér?
Hafðu samband við okkur og við
gerum þér tilboð.