Fréttablaðið - 04.08.2018, Blaðsíða 18

Ég vakna ekki allt í einu og er í toppstandi. Núna tekur við enn meiri vinna og það er enginn sem er að fara að gera þetta fyrir mig. Ég þarf að sjá
til þess að ég sé réttu megin í lífinu
og í jafnvægi. Þetta er eitthvað sem
ég þarf að vinna í á hverjum degi og
það hjálpar til að hafa þetta góða
fólk í KR í kringum mig. Þó svo að
ég sé ekki að gera þetta fyrir neinn
annan en sjálfan mig þá vill maður
samt ekki bregðast þeim sem hafa
gert svona margt fyrir mann,“ segir
Björgvin Stefánsson, leikmaður KR
í knattspyrnu.
Björgvin var ekki í leikmanna-
hópnum gegn Val í byrjun júlí og
var þá ákveðið að tala um agabann.
Síðar gaf KR út yfirlýsingu þar sem
kom fram að Björgvin hefði ákveðið
að leita sér aðstoðar sérfræðinga
vegna misnotkunar á róandi lyfjum.
Einnig sagði í yfirlýsingunni að KR
mundi aðstoða Björgvin í einu og
öllu við að ná bata.
„Ég veit að það var ekki sjálfgefið
hjá KR og ég var ekki endilega að
búast við því en það var mikill léttir
og ég er þakklátur þeim að standa
við bakið á mér – það sýnir hvernig
fólk þessi klúbbur hefur að geyma,
hvað þetta eru miklir toppmenn og
góðir menn í kringum klúbbinn,“
segir hann.
Þegar hann þrumaði boltanum
í netið gegn Grindavík þreif hann
um merki KR á brjóstinu og hljóp til
stuðningsmanna. Algjörlega ósvikin
gleði og hélt hann fast og lengi í KR-
merkið. Stúkan tók undir og fagnaði
með. „Ég fann fyrir því og finn fyrir
miklum stuðningi. Maður er hálf
klökkur eiginlega og þetta er svo
langt frá því að vera sjálfgefið.
Þegar maður gerir mistök þá líður
manni illa og maður vill gera allt til
að bæta fyrir það. Það var frábært
að gera það með markinu og ég
mun reyna að halda því áfram. Þetta
hvetur mann áfram til að standa sig
og reyna að gefa til baka.“
Mark Björgvins kom eftir frá-
bæran sprett Óskars Arnar Hauks-
sonar, sem er fyrirliði KR. Björgvin
fór á nærstöngina og þrumaði fast
fram hjá markverði Grindavíkur.
Bjarni Guðjónsson, aðstoðarþjálf-
ari KR, teiknaði markið upp í huga
Björgvins rétt áður en hann fór inn
á völlinn.
„Óskar matreiddi þetta fyrir mig
og ég þurfti ekki að gera mikið.
Bjarni var nýbúinn að hamra á því
að ég ætti að hlaupa á nærstöngina.
Hann sagði við mig að sama hvað,
ég ætti að fara á nærstöngina og það
borgaði sig.“
Eftir leikinn gegn Val sló Óskar
á þráðinn til Björgvins og áttu þeir
gott spjall sem Björgvin er þakk-
látur fyrir. „Hann heyrði í mér og
sagði að hann og allir strákarnir
stæðu með mér. Það skipti þá engu
máli hvað hefði komið upp á og
þeir myndu styðja við bakið á mér,
sama hvað. Við áttum gott spjall
og mér leið vel eftir það samtal.
Nánast allir strákarnir heyrðu svo
í mér og og það er mikil samstaða
innan félagsins og ég er mjög þakk-
látur fyrir að hafa þá sem liðsfélaga.“
Hann segir að það sé sterkt
bræðralag í klefa KR-liðsins. „Ég man
þegar ég kom hingað fyrst, þá hélt
ég að ég yrði lengur að komast inn
í hópinn og yrði lengur að aðlagast
en frá degi eitt þá var mér vel tekið.
Það er sterkt bræðralag í klefanum
og allir að róa í sömu átt og menn
eru tilbúnir að gera margt hver fyrir
annan.
Ég held að þetta sé meðal annars
ástæða þess að KR er rótgróið stór-
veldi og risaklúbbur á þessu landi
og hefur verið alla tíð. Það er vegna
fólksins í kringum félagið. Um leið og
maður kemur hingað þá er þetta eins
og ein stór fjölskylda – allt frá stjórn-
inni og til stuðningsmannanna.“
Leikurinn gegn Grindavík var
fyrsti leikur Björgvins eftir að hann
reimaði á sig takkaskóna eftir að
hann sneri til baka. Hann var ekki
mikið að búast við að fá mínútur en
kallið kom frá Rúnari Kristinssyni að
hita upp og gera sig kláran. „Það var
einstaklega ljúft að koma inn á og ég
var ekkert endilega að búast við því
enda fyrsti leikurinn minn í hóp frá
því ég sneri aftur. Það sýnir hvað KR
hefur mikla trú á mér og það var frá-
bært að geta hjálpað liðinu um leið
með markinu.
Ég fór í burtu skömmu eftir Vals-
leikinn til að taka á mínum vanda-
málum. Svo tók ég nokkrar æfingar
fyrir þennan leik. Rúnar var búinn
að segja við mig að ef ég er í andlegu
jafnvægi þá sé ég með liðinu. Þar ætla
ég mér að vera.“
Ætlar að halda sér
réttu megin í lífinu
Björgvin Stefánsson, leikmaður KR, er snúinn aftur á völlinn. Hann bendir á að nú taki við vinna utan vallar líka. FRéttaBlaðið/SigtRygguR aRi
Við sem erum eldri
og reyndari í lífinu,
Við áttum okkur að
lífið er stærra en einn
fótboltaleikur. Við
Verðum þVí að minna
sVolítið á hVað lífið
snýst um.
hann heyrði í mér og
sagði að hann og allir
strákarnir stæðu með
mér. það skipti þá engu
máli hVað hefði komið
upp á og þeir myndu
styðja Við bakið á mér,
sama hVað.
Rúnar Kristinsson, þjálfari meistaraflokks karla í KR, segir félagið munu aðstoða Björgvin
í einu og öllu við að ná bata.
„Eftir að þetta mál kom upp varð-
andi Björgvin þá les ég nánast hverja
einustu grein sem kemur út og fjallar
um neyslu þessara fíknilyfja. Ég held
að margar fjölskyldur á Íslandi
eigi nána ástvini sem glíma við fíkn
og þessi vandi sem hefur hreiðrað
um sig hjá ungu fólki er áhyggjuefni.
Ég vil reyna eins og ég get að komast
til botns í þessu, hvernig er hægt
að kljást við þetta, hvað gerir það að
verkum að ungt fólk neytir þessara
efna. Hvaða afleiðingar það hefur.
Ég á sjálfur börn á þessum aldri og
vil vita um hvað þetta snýst,“ segir
Rúnar.
Hann telur skipta sköpum að
grípa strax inn í aðstæður og veita
stuðning. „Það er mikilvægt að vísa
rétta leið. En menn verða að vilja
þetta sjálfir. Breyta lífi sínu og lífs-
mynstri. Og það er eitthvað sem við
foreldrar og forráðamenn, þjálfarar,
kennarar og leiðbeinendur getum
tekið að okkur. Það má aldrei vera
spurning um annað en að hjálpa og
styðja,“ segir Rúnar og segir aldrei
annað hafa komið til greina hvað
varðar Björgvin.
„Við gerum allt sem við getum
hér til að hann snúi lífi sínu á rétta
braut. Og það sama á við um aðra
yngri og eldri,“ segir hann.
„Fótboltinn er mikilvægur en lífið
er dýrmætara. Við fáum bara eitt líf
að spila úr. Við sem erum eldri og
reyndari í lífinu, við áttum okkur á
að lífið er stærra en einn fótbolta-
leikur. Við verðum því að minna
svolítið á hvað lífið snýst um,“ segir
hann.
Rúnar  minnir á að það eitt að
stíga fram og leita sér aðstoðar sé
stórt skref. En aðeins upphafið á
baráttunni.
„Björgvin er búinn að vera hjá
okkur frá því í október og við erum
búin að kynnast honum vel. Við
æfum enda saman fimm til sex
sinnum í viku. Hann er góður strákur
með gott hjartalag. En eins og margir
aðrir hefur hann glímt við vandamál
sem hafa leitt hann út í neyslu á þess-
um lyfjum sem lausn á einhverjum
vanda. Hann hefur komið sterkur til
baka. Hann talaði við leikmanna-
hópinn, útskýrði fyrir þeim hvað
hann væri að ganga í gegnum.
Hann hefur sterkan vilja en orr-
ustan er ekki búin. Við verðum að
halda áfram að styðja við hann. Við
þekkjum öll innan okkar fjölskyldna
þennan vanda og vitum að þetta er
böl sem er erfitt að losna við. Menn
þurfa virkilega að leggja sig fram.
Þetta er hörkuvinna, að halda áfram
að berjast og rétta úr kútnum. Von-
andi vinnur hann baráttuna,“ segir
Rúnar.
Bara eitt líf að spila úr
Rúnar Kristinsson, þjálfari KR stendur við bakið á Björgvin. FRéttaBlaðið/ERniR
KR stóð með Björgvin
Stefánssyni eftir að hann
misnotaði róandi lyf.
Hann leitaði sér að-
stoðar og sneri til baka
á mánudag, þakkaði
pent fyrir sig og skoraði.
Fögnuðurinn leyndi
ekki tilfinningum hans
til félagsins og stuðn-
ingsmanna sem hafa
tekið honum opnum
örmum.
Framhald á síðu 20 
Kristjana Björg Guðbrandsdóttir
kristjana@frettabladid.is
Benedikt Bóas Hinriksson
benediktboas@frettabladid.is
4 . á g ú s t 2 0 1 8 L A U g A R D A g U R18 H e L g i n ∙ F R É t t A B L A ð i ð
0
4
-0
8
-2
0
1
8

0
3
:1
5
F
B
0
6
4
s
_
P
0
4
7
K
.p
1
.p
d
f
F
B
0
6
4
s
_
P
0
3
4
K
.p
1
.p
d
f
F
B
0
6
4
s
_
P
0
1
8
K
.p
1
.p
d
f
F
B
0
6
4
s
_
P
0
3
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
8
8
-3
B
5
0
2
0
8
8
-3
A
1
4
2
0
8
8
-3
8
D
8
2
0
8
8
-3
7
9
C
2
7
5
X
4
0
0
.0
0
1
2
B

F
B
0
6
4
s
_
3
_
8
_
2
0
1
8
C
M
Y
K