Víkurfréttir - 30.04.1981, Blaðsíða 14

14 Fimmtudagur 30. apri'l 1981
VÍKUR-fréttir
Óskum félagsmönnum okkar
svo og öðrum launþegum á
Suðurnesjum
til hamingju á baráttudegi
verkalýðsins, 1. maí.
Félagar! Fjölmennið á
hátíðarhöld dagsins.
Starfsmannafélag
Keflavíkurbæjar
Óskum félagsmönnum okkar
og launþegum öllum
á Suðurnesjum
til hamingju með dag
verkalýðshreyfingarinnar,
1. maí.
Félagsmenn! Takið þátt i
kröfugöngunni og
hátíðarhöldum dagsins.
Vélstjórafélag Suðurnesja
Sendum starfsfólki okkar
og öðrum launþegum
á Suðurnesjum
hamingjuóskir á baráttudegi
verkalýðsins, 1. maí.
Baldur hf.
„Kaupmátturinn hefur
ekki hækkað“
( Röstinni hittum við þá Jónas
Ingimundarson og Hólmgeir
Hólmgeirsson. Þeir sögðu að
launin væru ansi takmörkuð. 40
stunda vinnuvika nægði engan
veginn til að framfleyta fjöl-
skyldu. Menn yrðu að vinna yfir-
vinnu til að endar næðu saman.
Nú væri möguleika á yfirvinnu
hins vegar lokið að mestu leyti,
henni lauk með vertíðarlokum.
,,40 stunda vinnuvika nægir ef til
vill einhleyping til að draga fram
lífið," sögðu þeir, ,,en varla
meira." Bentu þeir á að þó svo
að Þorsteinn Pálsson, fram-
kvæmdastjóri Vinnuveitenda-
sambandsins, reyndi að telja
fólki trú um að laun hefðu tutt-
ugufaldast siöan 1969, þá fyndi
fólk það að kaupmáttur hefði
ekki hækkaö.
Þeir sögðu að það sem verst
væri í þessum málum, væri að
þeir sem eitthvaö legðu á sig,
jafnvel knúðir áfram af minnk-
andi kaupmætti, fengju hegn-
ingu þegar skattarnir kæmu.
Fólk væri þannig komið í hring-
iðu sem erfitt væri eða vonlaust
að sleppa út úr. „Höfuðmeinið
er, að kaupmátturinn hækkar
ekki.“
Þeir sögðu aö fáir sæktu fundi
hjá verkalýðsfélaginu, enda virt-
ist það ekki skila miklum árangri.
Samningar væru látnir standa
lausir allt upp í tvö ár. Síðan væru
þeir gerðir í einni svipan. Að-
spuröir hvort þeir teldu slæmt að
verkalýösforystan væri í nánum
tengslum við stjórnmálaflokka,
sögðu þeir að á slíkt væri vont að
henda reiöur. Hitt ætti að vera
lágmarkskrafa, að samningum
væri ekki haggað. „Það er algjör
lágmarkskrafa að verkalýðs-
hreyfingin standi fast á því að
samningar, sem gerðir eru af
slíkri hófsemi og gert var í nóv-
ember, standi óhaggaðir.“
Varðandi 1. maí sögðu þeiraö
hann ætti náttúrlega að vera
sameiningartákn. Slíkur dagur á
að skipa háan sess. Hann ætti að
minna hagsmunahópa launþega
á, að betra sé að standa saman
en að vera með innbyrðis deilur.
Aö lokum sögöu þeir, aö algjör
lágmarkskrafa verkalýðshreyf-
ingarinnar ætti að vera krafan
um mannsæmandi laun fyrir 40
stunda vinnuviku.
Bygging fyrir aldraöa í Njarðvík:
Könnun verði lokið fyrir 1. júní
Meö tilliti til þess að Lions-
klúbbur Njarðvíkur hefur nú um
nokkurn tíma unniö aö athugun
á þeim möguleikum sem fyrir
hendi eru um byggingar fyrir
aldraða í Njarðvík, hefur bæjar-
ráð Njarðvíkur farið þess á leit
viö klúbbinn aö hann haldi
könnun þessari áfram og láti
bæjarráöi síðan í té skýrslu um
niðurstöður sínar. Sérstaklega er
óskaö eftir að eftirtaldir valkostir
verði kannaðir:
1. Húsnæöi, einbýlishús, rað-
hús, fjölbýlishús.
2. Stærö íbúöa, a. einstaklings,
b. hjóna.
3. Kostnaðaráætlun íbúða.
4. Lánsmöguleikar, fjármögn-
un.
5. Fyrirkomulag um eignaraðild
a. leiguíbúðir, b. eignaíbúöir,
c. blandaðar íbúðir, þ.e. leigu
og eignaíbúöir.
6. Hvernig aðild bæjarins væri
háttað í hverju fyrirkomulagi
fyrir sig.
Stefnt skal að því að forkönn-
un þessari verði lokið fyrir 1. júní
n.k.
Einkaréttur
á skipsnafni
Nú nýlega veitti siglingamála-
stjóri, Hjálmar R. Bárðarson,
fyrirtækinu Heimi h.f. í Keflavfk,
einkarétt á skipsnafninu
„Heimi". Erþettagertsamkvæmt
lögum nr. 53 frá 1970 um
skráningu skipa.