Víkurfréttir - 30.04.1981, Blaðsíða 22

22 Fimmtudagur 30. apríl 1981
VÍKUR-fréttir
Elín Ormsdóttir, sjúkraliöi:
Um heilbrigðisþjónustu
aldraðra á Suðurnesjum
Ég las í 1. tbl. Ármanns 1981
viðtal við Kjartan Ólafsson hér-
aðslækni og Geir Gunnarsson
formann fjárveitinganefndar Al-
þingis, um „Málefni heilbrigðis-
þjónustu á Suðurnesjum''.
( þessu viðtali hvetur Kjartan
almenning til að koma með sín
sjónarmið í þessum málum.
Þessi lestur varð mér hvatning
til að tjá mínar hugrenningar um
þessi mál. Ég óska þess aö fleiri
geri hið sama, því að „betur sjá
augu en auga", og þaö gæti
orðiö til þess að allar hliðar máls-
ins kæmu betur í Ijós, og þar með
besta lausnin fundin.
Kjartan nefndi Hlévang íKefla-
vík sem eins konar athvarf aldr-
aðra utangarðsmanna, og Garð-
vang í Garði, sem er elliheimili
sem miðast við vistfólk, rólfært
og sem mest sjálfbjarga. Hann
nefndi hjúkrunardeild aldraðra
sem viðbót við Garðvang. Ég
sakna þess að ekki kom fram
hver aöstaöa er hugsuð að kæmi
þar, t.d. tæki og ýmis þjónusta
sérmenntaðs fólks. Þaðværi dýrt
að byggja slíkt upp og reka fyrir
svo litla einingu. Ef hjúkrunar-
deild væri viö Garövang væri
sjúkrabíll hugsanlegur tengiliö-
ur hjúkrunardeildarinnar og
sjúkrahússins í Keflavík, en það
er líka dýrt. Mér finnst því hjúkr-
unardeild viö elliheimilið ekki
vera besta lausnin til frambúðar.
HÚSBYGGJENDUR
SUÐURNESJUM
Tökum að okkur alhliða
múrverk, svo sem flísalögn,
járnavinnu, steypuvinnu,
viðgerðir, og auðvitað
múrhúðun.
Tökum að okkuralhliöatré-
smíðavinnu, svo sem móta-
uppslátt, klæðningu utan-
húss, einnig viðgerðir og
endurbætur. Smíðum
einnig útihurðirog bílskúrs-
hurðir og erum með alla
almenna verkstæðisvinnu.
•
Gerum föst tilboð. Einnig
veitum við góð greiöslu-
kjör. Komið, kannið málið
og athugið möguleikana.
Verið velkomin.
Skrifstofan er opin milli
kl. 10-12 alla virka daga
nema föstudaga.
|Húsanes%|
Sfml 3966
Hafnargötu 71 - Keflavfk
Hermann, slml 3403
Halldór, sfml 3035
Margelr, sfmi 2272
HITAVEITA
SUÐURNESJA
Þjónustu-
síminn er
3536
Væri ekki hagkvæmt að byggja
hjúkrunardeild fyrir langlegu-
sjúklinga I tengslum við sjúkra-
húsið, helst með tengiálmu? Þáá
ég ekkl við húsnæði sem væri
hannaö með öllum tækjum
innbyggöum í veggi, s.s. súrefn-
isleiðslur o.fl. Ég meina húsnæði
sem væri eins konar millistig
milli heimilis eða elliheimilis og
sjúkrahússins. Þaö væri fyrst og
fremst miðað við þarfir öldrunar-
sjúklinga, sem fengju þar alla
daglega hjúkrun hjá sjúkralið-
um og þyrfti ekki marga hjúkr-
unarfræðinga. Læknar þyrftu
ekki að koma nema af og til. Ef
eitthvað kæmi upp á, svo sem
bylta, flensa eða annar óvæntur
sjúkleiki, þáværi án mikillarfyrir-
hafnar hægt að flytja sjúklinginn
í myndatöku, rannsókn eða til
innlagnar á sjúkradeild. Hann
færi þá á milli í hjólastól eða
rúmi. Eftir viðeigandi meðferð
gæti viðkomandi síðan aftur
farið á sína hjúkrunardeild.
Ég tel óheppilegt aö hafa eldri
álmu sjúkrahússins fyrir elli-
hjúkrun. Bæði vegna þess að
skurðstofan er á þeim gangi og
svo eru stofurnar það þröngar,
að mjög erfitt er að koma nauð-
synlegum hjálpartækjum við.t.d.
hjólastólum og lyfturum sem
fyrir hendi eru.
Nefnt var í viðtalinu við Kjartan
lækni, að heilsugæslan væri
næsti byggingaráfangi viðsjúkra
húsið, og er sjálfsagt brýnn
áfangi, sem ætti aö nýtast bæöi
ungum og öldruðum. En hjúkr-
unarmál aldraðra eru I algjöru
öngþveiti eins og er. Það nær
engri átt að sjúkrahúsið sé teppt
af öldrunarsjúklingum, svo að
aðrir komast ekki að, nema að
mjög takmörkuðu leyti. Verða oft
að fara til Reykjavíkur eða bíða
óeðlilega lengi eftir læknishjálp,
og svo ef til vill sendir heim fyrr
en æskilegt hefði verið.
Aldraðir eiga fullan rétt á allri
þeirri hjúkrun sem þeir þurfa, og
við sem yngri erum skuldum
þeim þá hjálþ, en hún þarf ekki
að vera framkvæmd sem „þrösk-
uldur" fyrir aðstoð við aðra. Og
Elliheimilið Hlévangur
þaö er örugglega ekkl í anda
þeirra eldri.
Við verðum að reyna að leysa
þetta allt, og okkur veitir ekki af
að vera hagsýn í leiðinni.
Ef heilsugæsla, hjúkrunar-
deild og sjúkrahús eru í tengsl-
um - sambyggt, nýtist öll þjón-
usta betur. Þá er eitt eldhús fyrir
alla, læknaþjónusta, röntgen,
rannsókn og þvottahús, svo eitt-
hvað sé nefnt.
Ég held að við verðum að
reyna að vera framsýn, sníða
okkur stakk eftir vexti, en ekki
endilega apa allt eftir öðrum. Þaö
getur verið hagkvæmt að hafa
hjúkrunardeildir við stór elli-
heimili eins og t.d. I Reykjavík og
Hafnarfirði, en ég held að það sé
ekki eins hagstætt í fámennari
byggðarlögum. Það hefur
gengið illa að fá starfsfólk til að
vinna á þessum sérstöku elli-
deildum, vinnan er einhæf og
mjög erfið. Mér dettur í hug að ef
slík deild væri í beinum tengslum
við sjúkrahúsið, væri hægt að
hafa „rúllandi vaktir" starfsfólks,
næðu yfir bæði sjúkradeild og
hjúkrunardeild. Þar með yrði
vinnan fjölbreyttari og ekki eins
erfið á heildina litið. Þá væri og
útilokuð hætta á ríg milli deilda.
Ég er þeirrar skoðunar að það
þurfi að stuðla meira að því hjá
okkur en gert er, að aldraðir geti
verið heima sem allra lengst og
raska ekki þeirra högum fyrr en
nauðsyn krefur. Við þurfum að
stórauka aðstoð við þetta fólk,
bæði heimilishjálp og hjúkrun.
Ég held að það vanti tilfinnan-
lega að upplýsa fólk betur um þá
möguleika, sem aldraðir hafa á
aðstoð, t.d. heimilishjálp o.fl.
[ því sambandi dettur mér í hug
að það er til margt gott fólk, hús-
mæður o.fl., sem mundu vilja að-
stoða aldraða, t.d. fara fyrir þá í
búðir ef veður er vont eða þeir
eru lasnir, jafnvel sitja hjá þeim
og tala við þá eða lesa fyrir þá, ef
þeir eru einmana. Þetta gæti
verið uppbyggt þannig, að tiltek-
in hverfi hefðu nokkrar konur
og/eða karla, sem gæfu kost á
sér að sinna slíku. Viðkomandi
aldraðir hefðu símanúmer þeirra
og gætu þá náð í einhvern til aö
aðstoða sig. Það væri verðugt
verkefni fyrir Styrktarfélag aldr-
aðra að byggja upp eitthvað í
þessum dúr. Styrktarfélagarnir
hafa sýnt og san nað að þei r telja
ekki eftir verkin sín í þágu aldr-
aða fólksins.
Svo er heimilishjálpin á veg-
um bæjarfélagsins, fólk, sem
aðstoðar við þrif, eldamennsku
o.fl. eftir þörfum hlutaðeigandi.
Og síðast en ekki síst heima-
hjúkrunin. Margir gætu verið
lengur heima ef þeir fengju slíka
hjálp- r ■-
t-KH A S-Siiu.
Útivistar-
tími barna
Samkvæmt lögum um útivistartíma barna á tíma-
bilinu 1. maí til 1. september, er börnum 12 ára og
yngri ekki leyfilegt að vera á almannafæri eftir kl.
22, nema í fylgd með fullorðnum.
Sömuleiðis er börnum yngri en 15 ára óheimil úti-
vist eftir kl. 23, nema í fylgd með fullorðnum eða á
heimleið frá viðurkenndri æskulýsstarfsemi.
Barnaverndarnefnd Keflavíkur