Fréttablaðið - 29.09.2018, Blaðsíða 44

Google spurður í tuttugu ár
Tuttugu ár eru síðan Google fór að svara fólki um eitt og annað sem það vill vita. Gúggúl
frændi, eins og síðan er stundum nefnd, reynist yfirleitt vel í leit að hinum ýmsu svörum.
Elín
Albertsdóttir
elin@frettabladid.is
Google er spurður um allt milli himins og jarðar en þannig hefur það verið frá
árinu 1998. „Hvað á ég að gefa
kærastanum mínum í jólagjöf?“ eða
„Hvernig verður veðrið á morgun?“
Um þetta er Google spurður og svo
margt, margt annað. Það er líka
hægt að spyrja um fatnað eða hluti,
hvar ákveðin vara fæst ódýrust og
hvað eina. Allt þetta veit Gúggúl
frændi en spurningarnar hafa breyst
í áranna rás.
Í hverjum mánuði fær Google yfir
100 milljarða heimsóknir hvaðan-
æva úr heiminum. Endalaust
bætast nýir spyrjendur við. Meira en
helmingur heimsóknanna kemur úr
farsímum og spjaldtölvum. Búist er
við að árið 2020 verði helmings allra
spurninganna spurt með rödd, það
þýðir að ekki þarf að skrifa leitar-
orðið heldur muni Google skilja
mannamál. Í fyrra voru gerðar um
2.400 endurbætur á leitarvélinni.
Google-leitarvélin er fáanleg á yfir
150 tungumálum. Meðalsvartími á
Google er fjórðungur úr sekúndu.
Núna þegar Google heldur upp
á tuttugu ára afmælið er upplýst
að stöðug aukning sé í verslun í
gegnum netið. Þá hefur Google
komist að því að nútímafólk sé
forvitnara en áður, meira krefjandi
og óþolinmóðara en nokkru sinni.
Jafnframt er fólk duglegt að leita
að hugmyndum eða fá innblástur
í gegnum netið. Á undanförnum
tveimur árum hefur orðið mikill
vöxtur í verslun á netinu og fólk
leitar jafnt að skóm, hárvörum, ein-
hverju fyrir bílinn og nánast hverju
sem er.
Það þarf víst ekki að koma á
óvart að sú manneskja sem trónir
í fyrsta sæti yfir þá sem leitað er að
á Google er Donald Trump. Hann
vermir líka fyrsta sætið yfir stjórn-
málamenn en á eftir honum kemur
Barack Obama og í þriðja sæti Adolf
Hitler. Það fyrirtæki sem oftast var
leitað að er Amazon og í öðru sæti
er Walmart en í því þriðja er The
Home Depot. Listamaðurinn sem
er oftast leitað að er Katy Perry og
í öðru sæti Beyoncé en Christina
Aguilera í því þriðja.
Við spurðum fjóra Íslendinga
hvað þeir spurðu Google um síðast
þegar þeir fóru inn á leitarsíðuna.
Alltaf að spyrja
Google
Viktoría Her-
mannsdóttir,
dagskrárgerðar-
maður á RÚV,
segist hafa spurt
Google um veitinga-
stað í Kaliforníu þar
sem hún er stödd
um þessar mundir.
„Ég fékk rétt svar
og gat séð hvar
staðurinn væri og
hvað væri sagt um
hann. Ég er alltaf
að spyrja Google
að einhverju. Ég veit eiginlega ekki
hvernig ég færi að án Google. Dóttir
mín er líka dugleg að spyrja mig að
ýmsu sem ég veit ekki svarið við og þá
segir hún mér alltaf að gúgla það.“
Hvernig á að sjóða egg?
Greta Salome söng-
kona segist síðast
hafa gúglað
nákvæma tíma-
setningu á lin-
soðnu eggi. „Ég
elda mikið og tel
mig nokkuð góða
í því en mér tekst
alltaf að klúðra
linsoðnu eggi.
Þetta er orðið að
áráttu.
Google gaf
mér rétt svar en
ég klúðraði því
samt. Harðsoðið
var það. Ég nota
Google mjög mikið og veit ekki
hvar ég væri án þess. Ég er mikið að
spila erlendis og þá er Google Maps
ómissandi. Ég væri týnd einhvers
staðar í útlöndum ef ekki væri fyrir
Google,“ svarar hún.
Spurði Google um Google
Atli Fannar
Bjarkason blaða-
maður segist
ekki alveg muna
hvað hann spurði
Google um síðast.
„Ég gerði það
eina rökrétta í
stöðunni: Spurði
Google. Google
benti mér þá á
eigin þjónustu
sem heldur utan
um hvern einasta leitarstreng
sem ég hef stimplað inn í Google
síðustu misseri. Þessu fylgdi loforð
um að enginn annar en ég hef
aðgang að þessum upplýsingum.
Eins gott,“ segir hann.
„Ég komst sem sagt að því að ég
spurði Google hvort það væri raf-
magnslaust í Vesturbænum. Rétt
svar var ekki langt undan og ég gat
skokkað niður og látið nágranna
minn vita sem var einnig að velta
þessu fyrir sér. Miðað við saman-
tekt Google á notkun minni þar
þá er ég mjög duglegur, 73 leitir
bara í dag. Ég þarf að fara að finna
mér eitthvað að gera. Eða geri ég
kannski ekkert án Google?“ spyr
Atli Fannar.
Fékk alla söguna
Björgvin Hall-
dórsson stór-
söngvari var
fljótur að svara
þegar hann var
spurður hvað
hann gúglaði
síðast. „Brett
Kavanaugh. Ég
fékk síðan söguna
um hann á Wiki-
pedia. Ég nota
Google mikið og
Amazon Echo. Stundum líka Siri á
iPhone og iPad,“ segir hann.
Viktoría Her-
mannsdóttir er
í Kaliforníu og
notar Google
þar.
Greta Salome
væri týnd í
útlöndum ef
Google væri
ekki til.
Atli Fannar
Bjarkason spyr
Google næstum
hundrað sinnum
á dag.
Björgvin
Halldórsson
forvitnast um
fólk í fréttum á
Google.
Sölustaðir: Flest apótek, Heilsuhúsið, Fræið Fjarðarkaupum, Hagkaup, www.lyfja.is og www.heilsanheim.is
Með því að nota magnesíum næst
rétt sýrustig í handarkrikanum sem
hindrar bakteríuvöxtinn
sem veldur svitalyktinni.
FYRIR BÆÐIKONUR OG
KARLA
Náttúruleg SVITAVÖRN með MAGNESÍUM
- án áls (aluminium), parapena og annarra eiturefna -
NÝTT Á ÍSLANDI
6 KYNNINGARBLAÐ FÓLK 2 9 . S E P T E M B E R 2 0 1 8 L AU G A R DAG U R
2
9
-0
9
-2
0
1
8

0
4
:1
9
F
B
1
2
8
s
_
P
0
9
2
K
.p
1
.p
d
f
F
B
1
2
8
s
_
P
0
8
5
K
.p
1
.p
d
f
F
B
1
2
8
s
_
P
0
3
7
K
.p
1
.p
d
f
F
B
1
2
8
s
_
P
0
4
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
F
2
-E
2
7
4
2
0
F
2
-E
1
3
8
2
0
F
2
-D
F
F
C
2
0
F
2
-D
E
C
0
2
7
5
X
4
0
0
.0
0
1
5
A

F
B
1
2
8
s
_
2
8
_
9
_
2
0
1
8
C
M
Y
K