Morgunblaðið - 09.06.2018, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 9. JÚNÍ 2018
Bragð af
vináttu • Hágæðagæludýrafóður
framleitt
í Þýskalandi
• Bragðgott og
auðmeltanlegt
• Án viðbættra
litar-, bragð- og
rotvarnarefna
Útsölustaðir: Byko,
Dýraland, Gæludýr.is,
4 loppur, Multitask,
Launafl, Vélaval, Landstólpi.
Guðrún Hálfdánardóttir
guna@mbl.is
Velferðarráðuneytinu bar að gera
frekari athuganir á kvörtunum
barnaverndarnefnda á höfuðborgar-
svæðinu vegna Barnaverndarstofu
og Braga Guðbrandssonar, for-
stjóra hennar. Ávirðingar voru þess
eðlis.
Þetta er meðal þess sem fram
kemur í óháðri úttekt á málsmeð-
ferð og efnislegri athugun velferð-
arráðuneytisins sem kynnt var á
fundi með blaðamönnum í gær.
Meðal þess sem þar kom fram var
að athugasemd var gerð við hvernig
velferðarráðuneytið tók á málum
Barnaverndarstofu og forstjóra
stofnunarinnar.
Upphaf þessa máls má rekja til
kvartana sem komu fram á fundi
sem Þorsteinn Víglundsson, þáver-
andi ráðherra félags- og jafnréttis-
mála, átti með Tómasi Hrafni
Sveinssyni, formanni barnaverndar-
nefndar Reykjavíkur, Þórdísi
Bjarnadóttur, formanni barna-
verndarnefndar Hafnarfjarðar, og
Kolbrúnu Þorkelsdóttur, formanni
barnaverndarnefndar Kópavogs,
ásamt Regínu Ásvaldsdóttur, svið-
stjóra velferðarsviðs Reykjavíkur-
borgar, en fundurinn mun hafa ver-
ið haldinn að beiðni formannanna.
Töldu stöðuna alvarlega
Af gögnum málsins verður ráðið
að tilefni fundarins hafi verið að
formenn framangreindra barna-
verndarnefnda töldu alvarlega
stöðu vera uppi í barnaverndarmál-
um á höfuðborgarsvæðinu og þar
voru alvarlegar athugasemdir gerð-
ar við háttsemi og framgöngu
Braga og annars starfsfólks. Bragi
er nú í eins árs leyfi frá stofnuninni.
Í byrjun síðasta mánaðar til-
kynnti forsætisráðuneytið að áður-
nefnd úttekt færi fram og var hún
unnin að ósk Ásmundar Einars
Daðasonar, félags- og jafnréttis-
málaráðherra.
Ekki brot í Hafnar-
fjarðarmálinu
Ein af niðurstöðum úttektarinnar
var að Bragi hefði ekki brotið af sér
með upplýsingagjöf til afa barna í
Hafnarfirði, svokölluðu Hafnar-
fjarðarmáli, en að velferðarráðu-
neytið hefði gerst brotlegt við
grundvallarreglur stjórnsýslurétt-
arins um andmælarétt, sbr. 13. gr.
stjórnsýslulaga. Í úttektinni er
einnig fundið að þeirri niðurstöðu
sem velferðarráðuneytið tilkynnti
forstjóra Barnaverndarstofu 27.
febrúar 2018 að hann hafi átt að
beina máli sem hann hafði afskipti
af hjá barnavernd Hafnarfjarðar í
annan farveg og að hann hafi farið
út fyrir verksvið sitt með því að
gera það ekki.
Fór út fyrir valdsvið sitt
Í úttektinni eru tiltekin 18 dæmi
þar sem forstjóri Barnaverndar-
stofu virðist hafa farið út fyrir vald-
svið sitt. M.a. hafði hann bein af-
skipti af barnaverndarmáli sem var
í vinnslu hjá barnavernd Reykjavík-
ur. Hann virðist hafa lofað yfirvöld-
um í tilteknu landi því að barn yrði
á Íslandi og færi ekki í umsjón ann-
ars foreldris. Hann hafi komið að
tilhögun þess að barn færi á BUGL,
en ekki verði séð að lagaheimild
hafi verið fyrir þeim afskiptum. Þá
hafi hann hringt drukkinn í tvígang
í starfsmann barnaverndar Reykja-
víkur vegna tveggja telpna, en faðir
þeirra var vinur Braga. Af sam-
tölum við starfsmenn nefndarinnar
sé ljóst að slík tilvik séu í raun
miklu fleiri þar sem afskipti Braga
hafi ekki alltaf verið skráð.
Að sögn Kjartans er boltinn nú í
höndum velferðarráðherra, Ás-
mundar Einars Daðasonar, um hver
næstu skref verða í málinu.
Ráðuneytið gagnrýnt
 Samkvæmt úttekt átti að gera frekari athuganir á kvörtunum vegna Braga og
Barnaverndarstofu  Bragi er sagður hafa farið ítrekað út fyrir valdsvið sitt
Morgunblaði/Arnþór
Fundur Kjartan Bjarni Björgvinsson kynnti niðurstöður úttektar sem unnin var að beiðni forsætisráðherra.
Lögreglan á höfuðborgarsvæðinu
óskar eftir vitnum að líkamsárás
sem átti sér stað á Engjateig í
Reykjavík eftir hádegi mánudaginn
4. júní síðastliðinn, en tilkynnt var
um árásina laust fyrir klukkan hálf-
þrjú. Kemur þetta fram í tilkynn-
ingu frá lögreglunni.
Árásin átti sér stað á eða við
göngustíg sem liggur á milli Engja-
teigs 9 og 11, að Sigtúni. Þar veitt-
ist rúmlega tvítugur maður að karl-
manni um fertugt sem var á göngu
með hundinn sinn. Árásarmaðurinn
lét höggin dynja á honum, notaði
hjól sitt sem barefli og skildi
fórnarlamb sitt efir í blóði sínu.
Lögreglan biður þá sem kunna
að hafa orðið vitni að líkamsárás-
inni að hafa samband í síma 444-
1000.
Upplýsingum má einnig koma á
framfæri í tölvupósti á netfangið
hermann.pall@lrh.is eða í einka-
skilaboðum á Facebook-síðu lög-
reglunnar á höfuðborgarsvæðinu.
Morgunblaðið/Eggert
Sakamál Ráðist var á manninn með
reiðhjóli og hann barinn á götu úti.
Vitni að árás
gefi sig fram
Hafliði Helgason
hefur verið ráð-
inn upplýsinga-
fulltrúi dóms-
málaráðuneytis-
ins. Starfið var
auglýst í mars og
svo á nýjan leik í
apríl. Segir frá
þessu á vefsíðu
ráðuneytisins.
Hafliði hefur
að undanförnu starfað sem fram-
kvæmdastjóri Hringbrautar, en á
að baki langan feril við frétta-
mennsku og almannatengsl, m.a.
hjá Fréttablaðinu og Framtakssjóði
Íslands. Hann hefur MBA-gráðu frá
Háskólanum í Reykjavík, auk
menntunar í blaðamennsku og hug-
vísindum. Hann kemur til starfa í
ráðuneytinu í byrjun ágúst næst-
komandi.
Nýr upplýsinga-
fulltrúi dómsmála
Hafliði
Helgason
„Ef það er krafa
að það sé þurrt
alla helgina þá
eru nú fáir staðir
í boði,“ segir
Daníel Þorláks-
son, veður-
fræðingur hjá
Veðurstofu Ís-
lands, við mbl.is
spurður hvar bú-
ast megi við
besta helgarveðrinu. Úrkomuskil
gengu yfir landið í nótt og verður
hið sama uppi á teningnum í allan
dag og á morgun er útlit fyrir rign-
ingu á vesturhelmingi landsins, en
að þurrt austanmegin og skýjað.
Á sunnudag er spáð rigningu á
köflum um allt land en helst að það
haldist þurrt á Austfjörðum, að
sögn Veðurstofunnar.
Hlýtt hefur verið í veðri austan-
og norðaustanlands síðustu daga og
hiti sums staðar mælst yfir 20 gráð-
um en búast má við 17-18 stiga hita
um landið norðaustanvert í dag.
Landinn má búast
við vætu um helgina
Rigning Góð hlíf
kemur sér vel.
Bragi Guðbrandsson, forstjóri Barnaverndarstofu,
sagðist í viðtali við mbl.is í gær vera afskaplega
ánægður með meginniðurstöður úttektarinnar.
Hann sagðist sömuleiðis ánægður með að skýrsl-
an væri komin út en nefndi að honum hefði ekki
gefist kostur á að lesa hana vandlega.
„Það er skiljanlega svo fyrir mann eins og mig
sem hef helgað líf mitt baráttu fyrir réttindum
barna, að það er afskaplega sársaukafullt að sitja
undir því svo mánuðum skiptir að hafa með athöfn-
um stefnt öryggi barna í hættu með því að gera til-
raun til að koma þeim í hendur á meintum barnaníðingi,“ sagði
Bragi og bætti við að hann hefði fórnað yfir 30 árum ævi sinnar í að
berjast fyrir réttindum barna og sérstaklega gegn kynferðisofbeldi.
„Þessu hef ég þurft að sitja undir og það er mikill léttir að það mál
er nú algjörlega úr sögunni.“
Bragi sagði að ýmislegt fleira mætti segja um málið sem hefur
verið í gangi en kveðst nú vilja halda áfram með líf sitt og líta á
bjartari hliðar tilverunnar. „Það er gott að þetta er afstaðið. Skýrsl-
an er afdráttarlaus, hún er mjög vel unnin og afskaplega vel rök-
studd í alla staði og raunar í öllum aðalatriðum kom hún mér ekki á
óvart.“
Spurður hvað niðurstaðan þýddi varðandi framboð hans til Barna-
réttarnefndar Sameinuðu þjóðanna staðfesti hann að ríkisstjórnin
hefði ákveðið það á fundi sínum í gærmorgun að málið myndi ekki
hafa nokkur áhrif á framboð hans en kosið verður í nefndina 29. júní
næstkomandi. freyr@mbl.is
„Afskaplega sársaukafullt“
BRAGI GUÐBRANDSSON UM NIÐURSTÖÐUR ÚTTEKTARINNAR
Bragi
Guðbrandsson