Morgunblaðið - 06.04.2018, Qupperneq 11
FRÉTTIR 11Innlent
MORGUNBLAÐIÐ FÖSTUDAGUR 6. APRÍL 2018
Laugavegi 178 | 105 Reykjavík | sími 551 3366 | www.misty.is
Misty
CATE
Haldari 7.990 kr.
Buxur 2.990 kr.
Dekraðu
við línurnar
TOPPUR
10.995.-
Glæsilegar
vorvörur
Kringlunni 4c – Sími 568 4900
BOLUR
9.990.-
JAKKI
9.990,-
Á Facebókar-síðu Breka VE hefur Finnur Kristjánsson, vélstjóri og eft-
irlitsmaður, haldið dagbók frá því að lagt var stað frá Kína 22. mars.
Kennir þar ýmissa grasa í gamni og alvöru. Greinilegt er á lestrinum að
hitinn er mesta áhyggjuefnið. Menn lýsa dvölinni í fiskilestinni jafnvel
sem himnaríki, en þar er mun svalara heldur en í vistarverunum. Einn
daginn var lítill loftblásari sem einn skipverjanna keypti í Kína settur upp
til aukakælingar á matvælakælivél. „Er því hlutverk þessa loftblásara
orðið annað en til var ætlast í upphafi en hann átti að vera til loftræst-
ingar í hesthúsi í Skagafirði,“ segir í dagbókinni.
Eins og oft í slíkum skrifum fær kokkurinn um borð nokkrar línur og
um matinn á páskadag mátti lesa: „Kjúllinn í hádeginu sérlega góður og
sirloin-steik um kvöldið. Ingó flottur.“
Á þriðjudag var þetta fært til bókar: Þarna mættum við einu af 27
stærstu flutningaskipum sem smíðuð hafa verið. Lengd 399 metrar og
breidd 59 metrar. Skip þessi geta borið 20.560, 20 feta gáma. Ýmislegt
fleira hefur borið fyrir augu eins og flugfiska í loftköstum og skipverjar
fengu heimsókn. „Stoppaði stutt og vildi lítið þiggja af góðgerðum nema
vatn. Þetta var merkt dúfa. Spök og vel alin sýndist okkur.“
Á öðrum degi heimsiglingarinnar var sagt frá því í dagbókinni að
gaddavír hefði verið strengdur yfir skutrennuna til varnar ,,óboðnum
gestum“, sem kunna að koma um borð mönnum að óvörum. Talsverðar
tafir urðu á smíði og afhendingu skipanna og skömmu eftir brottför frá
Kína fyrir hálfum mánuði skrifaði Finnur: „Til að vera sanngjarn þá veit
ég ekki hvorir voru fegnari. Við að losna loksins frá Huanghai-skipa-
smíðastöðinni eða þeir stöðvarmenn að losna við okkur.“
Gaddavír fyrir skutrennuna
DAGBÓK FRÁ ÞVÍ AÐ LAGT VAR AF STAÐ FRÁ KÍNA
Rauðahaf
Heimild: Vinnslustöðin hf.
Heimsigling Breka VE og Páls Pálssonar ÍS
Vestmannaeyjar
Ísafjörður
Rongcheng
Kólombó
Miðbaugur
K Í N A
Indlandshaf
Kyrrahaf
Atlantshaf
Súes
Breki VE og Páll Pálsson ÍS
voru væntanlegir til
Kólombó á Srí
Lanka í nótt.
Skipin þurfa að sigla fyrir
Horn Afríku og inn Aden-
flóa og Rauðahaf til að fara
í gegnum Súesskurðinn.
Horn Afríku
Helgi Bjarnason
helgi@mbl.is
Forystumenn bænda hafa lagt fyrir
stjórnvöld nýjar tillögur til lausnar
á vanda sauðfjárræktarinnar. Fel-
ast þær meðal annars í því að jafna
tímabundnar
sveiflur í grein-
inni með mark-
aðsjöfnunarsjóði
sem byggður yrði
á fjármunum sem
kæmu úr grein-
inni sjálfri. Einn-
ig þyrfti að
hjálpa bændum
að hætta.
Oddný Steina
Valsdóttir, for-
maður Landssamtaka sauð-
fjárbænda, greindi frá þessum til-
lögum við setningu aðalfundar
samtakanna í gær. Þær eru svar við
ummælum landbúnaðarráðherra
um að honum hugnuðust ekki út-
flutningsbætur og óskaði eftir hug-
myndum um nýjar leiðir. Oddný
sagði að sambærilegir sjóðir væru
nýttir í sama tilgangi víða um heim,
meðal annars á EES-svæðinu. Með
þeim væri ekki gripið inn í sam-
keppni eða unnið á móti hagræð-
ingu, heldur leitast við að jafna
tímabundnar sveiflur.
Samhliða þyrfti að byggja inn í
búvörusamningana verkfæri til að
tempra framleiðsluna, valfrjálsa
hvata sem myndu gagnast þeim sem
vildu fækka fé eða draga sig út úr
greininni.
Oddný málaði stöðu markaðsmála
sauðfjárræktarinnar dökkum litum.
Sauðfjárbændur væru í djúpri
kreppu. Aðgerðir ríkisvaldsins í lok
síðasta árs hefðu gengið til að mæta
tekjutapi en tækju ekki á rót vand-
ans. Hún tók fram að bændur ætl-
uðust ekki til gjafa úr ríkissjóði.
Hins vegar væri nauðsynlegt að
bregðast við því að sauðfjárbúin
væru ekki rekstrarhæf við núver-
andi aðstæður. Hlutverk ríkisvalds-
ins væri að setja ramma sem bænd-
ur gætu starfað innan.
Hún sagði að bændur ættu allt
undir afurðaverðinu. Í núverandi
verðlagskerfi væru bændur valda-
lausir, ekki af aumingjaskap heldur
vegna fákeppni í smásölunni.
Allri ábyrgð og öllum kostnaði
vegna launahækkana hjá smásölum,
heildsölum og afurðastöðvum ásamt
afleiðingum af brostnum mörkuðum
hefði verið ýtt yfir á bændur. Hvatti
hún til þess að hagræðingarmögu-
leikar í afurðageiranum yrðu
greindir og nýttir. „Það er hægt að
minnka sóun í þessu ferli gagnvart
umhverfi og efnahag, til hagsbóta
fyrir neytendur og bændur. Þetta er
ekki síst mikilvægt í ljósi harðnandi
samkeppni á kjötmarkaði við inn-
flutt matvæli,“ sagði Oddný.
Sjóður til að jafna
markað kindakjöts
Nýjar tillögur sauðfjárbænda
Morgunblaðið/Eggert
Réttir Sauðfjárbúin eru illa sett
vegna brostinna útflutningsmarkaða.Oddný Steina
Valsdóttir
Ljósmynd/Hálfdán Óskarsson
Um borð í Páli Pálssyni Grétar Þór Magnússon kokkur (t.v.) og Jón Arnar Hinriksson yfirstýrimaður.