Morgunblaðið - 06.04.2018, Qupperneq 16
16 FRÉTTIRInnlent
MORGUNBLAÐIÐ FÖSTUDAGUR 6. APRÍL 2018
LAUGAVEGI 24 - 101 REYKJAVÍK
SÍMI: 552 0800
Dönsk hönnun
SKIPAGÖTU 7 - 600 AKUREYRI
SÍMI: 462 4646
Kókosjógúrt
Fimm góðar ástæður til að velja lífræna jógúrt
Lífrænar
mjólkurvörur
• Engin aukaefni
• Meira af Omega-3
fitusýrum
• Meira er af CLA
fitusýrum sem byggja
upp vöðva og bein
• Ekkert undanrennuduft
• Án manngerðra
transfitusýra
www.biobu.is
Baldur Arnarson
baldura@mbl.is
Niðurstöður starfshóps vegna nýrr-
ar flugstöðvar í Vatnsmýri verða
kynntar á næstunni.
Sigurður Ingi
Jóhannsson, sam-
göngu- og sveit-
arstjórnarráð-
herra, segir tíma-
setningar ekki
ákveðnar. Þær
muni ráðast af
samtali við borg-
ina, flugrekendur
og hagsmuna-
aðila. Horft sé til
þriggja valkosta.
„Niðurstaðan mun liggja fyrir
fyrr en seinna,“ segir Sigurður Ingi.
Geri flugið ódýrara
Hann ræddi stöðuna í fluginu á
aðalfundi Isavia í gær.
Sigurður Ingi segir líka styttast í
að kynntar verði leiðir til að styrkja
innanlandsflugið.
„Þjónustan mun aukast, sama
hvaða leið við förum. Tilgangurinn
er að efla innanlandsflugið. Þetta er
spurning hvernig við nýtum þá fjár-
muni sem við erum með til stuðn-
ings fluginu. Við erum til að mynda
að skoða skosku leiðina. Í þeirri leið
er hluti flugkostnaðar endur-
greiddur hjá þeim íbúum sem geta
ekki nýtt sér almenningssamgöngur
að öðru leyti. Skotar byrjaðu með
40% endurgreiðslu og hækkuðu
hlutfallið svo í 50%.“
Myndi auka tíðnina
Sigurður Ingi rifjar svo upp að á
málþingi í haust kom fram að ef
skoska leiðin yrði farin myndi það
kosta 500-700 milljónir á ári.
„Þetta myndi auka tíðni flugs.
Það þarf að skapa hvata sem gera
það auðveldara og ódýrara að fljúga
fyrir íbúana. Með því fjölgar ferðum
sem nýtast öðrum, til dæmis ferða-
mönnum, sem aftur skapar hvata
fyrir flugrekendur til að lækka flug-
fargjöld. Að sama skapi skapast
hvati fyrir flugvellina með því að
umferðin eykst og tekjurnar þar
með,“ segir Sigurður Ingi.
Hann segir aðspurður raunhæft
að þetta verði farið að leiða til
lækkunar á verði flugmiða árið
2020.
„Við myndum þurfa þetta ár til
að skipuleggja þetta og svo tæki við
vinna við næstu fjárlagaáætlun og
fjárlagagerðir,“ segir Sigurður Ingi.
Valið á nýrri flugstöð
í Vatnsmýri nálgast
Ráðherra segir niðurstöðu að vænta
Sigurður Ingi
Jóhannsson
Baldur Arnarson
baldura@mbl.is
Það veikir samkeppnishæfni Kefla-
víkurflugvallar að launakostnaður
er á uppleið samhliða styrkingu
krónu. Miklar launakröfur í kjara-
samningum eru því áhyggjuefni.
Þetta segir Björn Óli Hauksson,
forstjóri Isavia, og bendir á að
framundan séu framkvæmdir fyrir
25-30 milljarða á þessu og næsta
ári. Síðan taki við framkvæmdir fyr-
ir 90-95 milljarða árin 2020-25.
Vegna þessara útgjalda þurfi flug-
völlurinn að auka tekjur með gjald-
töku.
„Keflavíkurflugvöllur er ekki
ódýr í rekstri. Ef krónan heldur
áfram að vera mjög sterk, og ef
launahækkanir verða mjög miklar,
mun það hafa áhrif á samkeppnis-
stöðuna. Þessar miklu framkvæmd-
ir munu hafa áhrif á gjaldskrá fé-
lagsins. Ef það verður dýrt að fljúga
til Keflavíkur eru aðrir flugvellir til-
búnir að bjóða svipaða þjónustu.
Það getur líka gerst að menn vilji
fljúga beint yfir hafið í staðinn fyrir
að stoppa á Íslandi,“ segir Björn Óli
sem ræddi þessi mál á aðalfundi
Isavia í gær.
Kom þar meðal annars fram að
tekjur Isavia voru um 38 milljarðar
í fyrra, eða um 5 milljörðum meiri
en 2016. Hagnaður ársins var 3,95
milljarðar en 6,92 milljarðar 2016.
Þurfa að sýna varkárni
Björn Óli segir verslunum og
veitingastöðum á vellinum munu
fjölga. „Á næstu tveimur árum
verður verslunarsvæðið stækkað
umtalsvert. Nú er verslunarsvæðið,
og sérstaklega veitingasvæðið, orðið
of lítið miðað fjölda farþega,“ segir
Björn Óli. Hann segir næsta skref
að byggja tengibyggingu milli norð-
ur- og suðurhluta flugstöðvarinnar
og stórt svæði fyrir verslun og veit-
ingar. Það verði líka notað fyrir
vegabréfa- og innflytjendaeftirlit.
Jafnframt gefi það tímabundið auk-
ið rými í töskusalnum, sem sé brýnt.
„Það er stundum þröngt í tösku-
salnum og miklu þrengra en ætti að
vera samkvæmt þeim stöðlum sem
við viljum vinna eftir. Það er jafn-
framt hluti af næstu framkvæmdum
að byggja nýtt hús til að gegnum-
lýsa farangur. Það þarf að auka
þetta rými áður en við förum í stóra
verkefnið,“ segir Björn Óli. Vísar
hann þar til stórrar viðbyggingar
austan við núverandi flugstöð. Þar
verði meðal annars fjöldi nýrra
hliða fyrir flugvélar.
Er ekki samkvæmt stöðlum
„Svo verða nýjar byggingar fyrir
innritun farþega. Þar verður líka
nýtt tolla- og töskusvæði. Þetta er
risaframkvæmd. Við erum að tala
um eina og hálfa Smáralind í fer-
metrum talið. Byggingin er mjög
tæknilega flókin. Til viðbótar mun
nýtt flokkunarkerfi fyrir töskur
kosta milljarðatugi,“ segir hann.
Fram kom í máli Björns Óla á
aðalfundinum að Isavia á 3,6 millj-
arða kröfu á hendur Ríkisskatt-
stjóra. Félagið hafi enda ekki fengið
útskatt endurgreiddan frá árinu
2016.
Hann segir aðspurður þetta vega
þungt í bókhaldi Isavia.
Áttu að halda útskattinum
„Þegar Isavia var stofnað var á
hreinu í hvers konar virðisauka-
skattsumhverfi við værum. Fyrir-
komulagið hefur verið reglulega til
skoðunar hjá Ríkisskattstjóra. Það
kom okkur á óvart að við skoðunina
árið 2016 skyldu þeir halda eftir út-
skattinum. Við höfum rætt við
skattinn um þetta mál og sent gögn
varðandi lagahliðina og fyrirkomu-
lag hjá erlendum samkeppnisaðil-
um. Það er ljóst að ef þessu fyr-
irkomulagi verður breytt verðum
við eini flugvöllurinn meðal helstu
samkeppnisflugvalla sem er með
erfiðara skattaumhverfi. Þarna er
um að ræða fé sem annars hefði
runnið til framkvæmda. Við þurft-
um því að taka lán fyrir fram-
kvæmdum. Við getum ekki fjár-
magnað þær með eigin fé.“
Þá sagði Björn Óli frá því í ræðu
sinni að Isavia tapaði 3,4 milljörðum
í fyrra vegna gengismunar í kjölfar
styrkingar krónunnar. Hann segir
aðspurður þessa stærð sveiflast eft-
ir gengi krónunnar.
Samkeppnishæfni Kefla-
víkurflugvallar minnkar
Forstjóri Isavia segir félagið eiga milljarða kröfu á RSK
Morgunblaðið/Árni Sæberg
Ársfundur Isavia Björn Óli Hauksson, forstjóri Isavia, fór yfir reksturinn.
Fasteignir