Morgunblaðið - 13.07.2018, Síða 4

4 FRÉTTIRInnlent
MORGUNBLAÐIÐ FÖSTUDAGUR 13. JÚLÍ 2018
Dalvegi 16c | 201 Kópavogur | Sími 568 6411 | rafvorur@rafvorur.is
Þvottavélar og þurrkarar
sem taka 10,1 kg
Amerísk
gæða
heimilistæki
rafvorur.isRAFVÖRUR ehf
Arnór Maximilian Luckas átti sann-
kallaða draumavakt þegar hann var
við laxveiðar ásamt föður sínum,
Karli Udo, á Nessvæðinu í Laxá í Að-
aldal í fyrrakvöld. Hann byrjaði á því
að landa 101 cm hæng, sem tók flug-
una í Þvottastreng, og bætti síðan um
betur er hann setti í og landaði 108
cm hæng við Álftasker, stærsta lax-
inum sem veiðst hefur hér á landi í
sumar.
Samkvæmt viðmiðunarkvörðum
eru laxarnir um 22 og 28 pund – þeg-
ar miðað er við lbs-kvarðann, eða 20
og 26 veiðipund eins og algengt er að
miða við í veiði hér á landi þar sem
pundið er hálft kg.
„Þetta var ótrúlegt. Eftir á sátum
við pabbi bara á bakkanum og skild-
um varla hvað hafði gerst,“ segir Arn-
ór um reynsluna af því að landa 108
cm laxi.
Arnór segir ævintýrið hafa byrjað
á vaktinni á undan þegar hann land-
aði 90 cm laxi sem tók flugu hans í
Sandeyrarpolli – og það var stærsti
lax sem hann hafði fengið. Snemma á
seinni vaktinni í gær tók 101 cm lax-
inn síðan Metallica-flugu hans í
miðjum Þvottastreng. „Hann tók
bara upp úr þurru, við höfðum ekkert
orðið varir við hann. Hann var erf-
iður, barðist rosalega. Um miðja orr-
ustuna brunaði hann lengst niður í á
og ég þurfti að strekkja og strekkja á
hjólinu en hann dró nánast alla línuna
út – en það gekk. Við náðum honum.“
Eftir að hafa jafnað sig eftir viður-
eignina reru feðgarnir út á Presthyl,
að Álftaskeri.
„Pabbi hafði kastað mestallan tím-
ann þar en svo tók ég við stönginni í
hálfa mínútu. Hann benti og sagði:
Kastaðu þarna, og ég kastaði Kol-
skeggs-túpu. Þá tók laxinn upp úr
þurru, mjög djúpt en rétt við bátinn.“
Og stórlaxinn réð för, fór austur fyrir
eyna og feðgarnir á eftir. „Þar
klöngruðumst við uppúr bátnum og
eftir að hafa þreytt laxinn tókst okkur
að landa honum.“ Arnór segir að sér
hafi þótt viðureignin ekki taka nema
nokkrar sekúndur en faðir hans segir
hana hafa varað í fimmtán til tuttugu
mínútur. Og laxinn mældu þeir 108
cm langan.
„Ég var alveg gáttaður. Meðan við
börðumst við hann sögðum við varla
orð, hvísluðumst bara á, eins og hann
myndi heyra í okkur. En þegar við
höfðum sleppt laxinum hlógum við og
þögðum til skiptis. Þetta var ótrúlegt.
Pabbi var eiginlega ánægðari en ég! Í
nótt dreymdi okkur svo báða að við
værum að landa laxi.“
Arnór segist eiga eftir að lifa lengi
á þessari einstöku lífsreynslu. „Allir
segja að ég lendi ekki aftur í svona
ævintýri.“ efi@mbl.is
Tröllið Arnór Maximilian lyftir 108 cm löngum hængnum sem tók flugu hans við Álftasker í Laxá í Aðaldal.
„Segja að ég lendi ekki
aftur í svona ævintýri“
 Veiddi 108 cm og 101 cm laxa á sömu vakt í Aðaldal
Sá fyrri Vaktin hófst með því að Arnór veiddi 101 cm hæng í Þvottastreng.
Siguður Bogi Sævarsson
sbs@mbl.is
Kærum og sektum vegna hraðakst-
urs á Norðurlandi vestra hefur fjölg-
að mikið að undanförnu, samanber
að lögreglan í umdæminu hefur á
síðustu misserum eflt umferðareft-
irlit á svæðinu til muna. Útgefnar
kærur á árinu voru í gær orðnar alls
3.689 talsins, samanborið við 1.417 á
sama tíma fyrir ári og 602 árið 2016.
Tveir í umferðareftirliti
„Þetta eru háar tölur í öllu sam-
hengi,“ segir Stefán Vagn Stefáns-
son yfirlögregluþjónn. „Hækkun
sektarfjárhæða sem tók gildi í vor
virðist vera að bíta. Íslendingarnir
fara sér hægar en áður en meirihluti
þeirra ökumanna sem við stöðvum
eru útlendingar, sem hreinlega
þekkja ekki hverjar sektirnar eru.
Markvissari fræðsla til þeirra um
hvaða reglur gilda í umferð á Íslandi
er því nauðsynleg.“
Sé stiklað á hækkun sekta sem tók
gildi nú í vor þá þarf ökumaður sem
er tekinn á 120 km/klst. hraða þar
sem hámarkshraði er 90 km/klst. nú
að greiða 130 þúsund krónur í sekt.
Önnur viðmið og upphæðir eru í
þessum sama takti. „Þetta hefur
strax haft áhrif, en það tekur alltaf
svolítinn tíma að koma þessum atrið-
um í meðvitund fólks og umræðu,“
tiltekur Stefán Vagn og heldur
áfram. „Fyrir rúmu ári settist fólk
hér hjá embættinu niður og rýndi í
verkefnin. Við sáum þá strax að setja
þyrfti kraft í umferðarmálin og nú
erum við með tvo menn sem sinna
þeim einvörðungu. Þeir eru gerðir út
frá stöðinni hér á Sauðárkróki en
sinna öllu varðsvæðinu og svo tekur
almenna löggæslan líka þátt í
þessu.“
Víðfeðmt varðsvæði
Umferðareftirlit hefur alltaf verið
áherslumál hjá lögreglunni á Norð-
urlandi vestra. Kemur þar til að
hringvegurinn liggur þvert í gegnum
varðsvæðið, það er ofan af miðri
Holtavörðuheiði, um Húnavatnssýsl-
ur, Skagafjörð og hálfa Öxnadals-
heiðina. Það hefur viljað brenna við
að á þessum slóðum sé farið hratt yf-
ir og umferðaróhöppin eru mörg, svo
sem útafakstur og veltur til dæmis á
þeim slóðum þar sem brattir og
breiðir kantar liggja frá vegunum. Á
það við t.d. um veginn í Húnavatns-
sýslum. Umferðarslysin á svæðinu
öllu eru nú orðin 55 en voru á sama
tíma fyrir ári 63 sem er um 14%
fækkun. Árið 2016 voru slysin um
miðjan júlí orðin 82 og fækkunin síð-
an þá miðað daginn í dag er alls 33%.
„Auðvitað má nálgast tölur á ýmsa
vegu og fá alls konar niðurstöður. En
færri slys eru auðvitað sú niðurstaða
sem mestu skiptir fyrir alla,“ segir
Stefán sem í liði sínu er með sautján
lögreglumenn og sjö bíla sem gerðir
eru út frá lögreglustöðvum á Sauð-
árkróki og Hvammstanga. Til við-
bótar hefur embættið stuðning frá
lögregluliðum á nærliggjandi svæð-
um eftir atvikum.
Hraðakstursbrotum fjölgar mikið
Morgunblaðið/Sigurður Bogi
Yfirlögregluþjónn Stefán Vagn Stefánsson við stöðina á Sauðárkróki.
 Umferðareftirlit lögreglu á Norðurlandi vestra var eflt  Margir eru teknir og hærri sektir bíta
 Útlendingar eru oft stöðvaðir og auka þarf fræðslu til þeirra  Slysunum hefur fækkað mikið
Þorgerður Anna Gunnarsdóttir
thorgerdur@mbl.is
Óhætt er að segja að hvalveiðar séu
jafnan umdeildar en nú hefur dráp
eins tiltekins hvals komist í heims-
fréttirnar eftir að dýravernd-
unarsamtökin
Hard to Port
birtu ljósmynd af
hvalnum í hval-
stöð Hvals hf. í
Hvalfirði. Leikur
grunur á að hér
hafi hvalveiði-
mennirnir
grandað steypi-
reyði, sem er
friðuð sam-
kvæmt íslenskum lögum.
Kristján Loftsson, forstjóri
Hvals hf., segist viss um að hér sé
um að ræða blendingshval, af-
kvæmi steypireyðar og langreyðar.
Leyfilegt er samkvæmt íslenskum
lögum að veiða langreyði en blend-
ingsafkvæmi þeirra með steypi-
reyðum njóta ekki lagalegrar
verndar. „Að ruglast á steypireyði
og langreyði er ómögulegt,“ sagði
Kristján í samtali við breska frétta-
miðilinn BBC. Sérfræðingar sem
BBC hafði samband við höfðu áður
sagst vissir um að um væri að ræða
steypireyði.
„Við sjáum mikið af þeim, þó
nokkra nú þegar og meira þegar fer
að líða á sumarið,“ sagði Kristján í
viðtali við mbl.is. „Þeir blása, við
sjáum þá í fjarska og keyrum svo
að þeim. Þegar við komum nær
sjáum við að þetta er steypireyður
og látum hann vera og förum að
leita að langreyði. Þetta er búið að
vera svona alveg síðan þeir voru
friðaðir hér við land 1959. Við höf-
um aldrei veitt steypireyði síðan.“
Erfðasýni mun
skera úr um málið
Sýni eru tekin úr öllum veiddum
hvölum og skoðuð eftir að vertíð
lýkur. Greining á erfðaefni hvalsins
umdeilda mun skera úr um hvort
veiði hans hafi stangast á við lög.
„Ef þetta er steypireyður sem er
friðuð tegund væri það brot á
reglum Alþjóðahvalveiðiráðsins,“
sagði Gísli Arnór Víkingsson í sam-
tali við mbl.is, „en ef þetta er blend-
ingur er ekki um brot á reglum að
ræða. Blendingar hafa ekki sérstakt
verndargildi í sjálfu sér.“
Gísli segir að sýni úr hvalnum
verði skoðað í haust en telur ekki
ástæðu til að flýta skoðuninni.
Steypireyður
eða langreyður?
 Sakaðir um að drepa friðaðan hval
Kristján
Loftsson