Morgunblaðið - 13.07.2018, Síða 44

FÖSTUDAGUR 13. JÚLÍ 194. DAGUR ÁRSINS 2018
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 608 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
1. 200 milljóna tap Vesturkots …
2. Telur hvalinn vera steypireyði
3. Fundu dularfulla svarta steinkistu
4. Stormy handtekin í vinnunni
»MEST LESIÐ Á mbl.is
FÓLK Í FRÉTTUM
 Söngvaskáldið Bjartmar Guðlaugs-
son heldur sína árlegu tónleika ann-
að kvöld kl. 21 í Kaffi Norðurfirði á
Ströndum. Mun ávallt vera margt um
manninn og mikið fjör á þessum ár-
legu tónleikum og fer miðasala fram
við innganginn.
Morgunblaðið/Golli
Bjartmar heldur
tónleika í Norðurfirði
 Hammond í Hörpu er yfirskrift
söfnunartónleika sem haldnir verða í
Hörpu 26. ágúst næstkomandi, til
minningar um Bjarka Friðriksson sem
lést 19 ára gamall og var ungur og
upprennandi Hammond-orgelleikari.
Tónleikarnir verða haldnir í Eldborg
og verður safnað fyrir Hammond-
orgeli af hinni eftirsóttu B3-tegund
ásamt Leslie-hátalara. Orgelið verður
svo í Hörpu til afnota fyrir tónlistar-
menn sem þar koma fram og hefur
verið stofnað félag um orgelið sem
mun halda utan um rekstur þess í
samstarfi við Hörpu, að því er fram
kemur í tilkynningu.
Á tónleikunum munu helstu hljóm-
borðsleikarar landsins koma fram
með úrvali tónlistarmanna en þeirra
á meðal eru Anna Gréta Sigurðar-
dóttir, ASA-tríó, Ásgeir Ásgeirsson,
Björgvin Halldórsson, Jón Ólafsson,
Kristjana Stefáns-
dóttir, Moses
Hightower, Maus,
Ólafur Hólm, Ragga
Gröndal, Sigga Ey-
rún, Sigurður Guð-
mundsson, Sig-
tryggur Baldurs-
son og Þórir
Baldursson.
Safnað fyrir orgeli
í minningu Bjarka
Á laugardag Suðvestlæg eða breytileg átt, 3-10, og víða vætu-
samt árdegis, en síðan mun úrkomuminna og víða þurrt er líður á
daginn. Hiti 8 til 18 stig, hlýjast á Austurlandi.
SPÁ KL. 12.00 Í DAG Dregur úr úrkomu vestanlands undir hádegi.
Áfram bjartviðri austanlands. Austlæg eða breytileg átt, 5-13 og
talsverð rigning á sunnanverðu landinu í kvöld. Hiti 10 til 20 stig.
VEÐUR
Íslensku knattspyrnuliðin
FH, Stjarnan og ÍBV voru öll
í eldlínunni í forkeppni Evr-
ópudeildarinnar í gærdag.
FH vann 3:0 sigur á Lahti
frá Finnlandi ytra og þá
vann Stjarnan 3:0 sigur á
eistneska liðinu Nõmme
Kalju í Garðabæ. ÍBV tapaði
hins vegar 4:0 fyrir norska
liðinu Sarpsborg 08 í Vest-
mannaeyjum. Seinni leikir
liðanna fara fram 19. júlí
næstkomandi. »2-3
Glæsilegir sigrar
FH og Stjörnunnar
„Við spiluðum virkilega vel og sköp-
uðum okkur fullt af færum og mér
fannst við eiga sigurinn skilinn,“
sagði Sonný Lára Grétarsdóttir,
markvörður knattspyrnuliðs Breiða-
bliks, en hún fór á
kostum þegar
Blikar unnu topp-
slaginn við Val í
9. umferð Pepsi-
deildarinnar í
vikunni. Sonný
Lára reiknar með
að baráttan á
toppi Pepsi-
deildarinnar verði
jöfn og úrslit ráðist
ekki fyrr en í loka-
umferðinni. »4
Kapphlaup fram í
síðasta leik mótsins
Þrjú íslensk félagslið taka þátt í EHF-
keppninni í handknattleik á næstu
leiktíð. Handknattleikssamband Evr-
ópu hefur staðfest að Íslandsmeist-
arar ÍBV, FH og Selfoss fái öll sæti í
keppninni. Fjórða íslenska liðið sem
tekur þátt í Evrópukeppninni á næsta
keppnistímabili verður kvennalið Vals
sem tekur sæti í Áskorendakeppn-
inni. »1
Fjögur lið spreyta sig
í Evrópukeppninni
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Aron Þórður Albertsson
Alfons Finnsson
„Við erum alls sex talsins sem kom-
um að þessu verkefni,“ segir Jón
Ásgeir Jónsson skóglíffræðingur,
um sjálfboðaliðaverkefni á vegum
Evrópusambandsins. Hugmyndin
með verkefninu er að fólk sem hefur
áhuga á að hjálpa til við skógrækt í
Evrópu geti skráð sig á lista á vef
Evrópusambandsins og þannig átt
möguleika á að halda til lands þar
sem aðstoðar þess er óskað.
Síðustu vikur hafa fimm erlendir
sjálfboðaliðar starfað hér á landi
undir merkjum Skógræktarfélags
Íslands en þeir komu hingað til
lands í gegnum verkefnið. Á meðan
dvöl sjálfboðaliðanna hefur staðið
hafa þeir aðstoðað skógræktarfélög
við viðhald á ræktunarreitum víða
um land. „Þetta er í fjórða sinn sem
við erum með þetta í gangi en þetta
er verkefni sem ýmis samtök hér á
landi hafa nýtt. Ég myndi giska á að
10-14 samtök taki á móti sjálf-
boðaliðum í gegnum þetta verkefni,“
segir Jón og bætir við að ferðirnar
séu mislangar. Þá séu verkefnin
margþætt en hópurinn sem er á
vegum Skógræktarfélags Íslands
hefur veitt minni skógræktar-
félögum liðsinni með ýmis verkefni
síðustu vikur.
Mikil ástríða fyrir skógrækt
„Við erum að fara í ferðir á
nokkra staði úti á landi og erum þá
að hjálpa minni félögum við almennt
viðhald á þeirra svæðum. Undan-
farið höfum við verið við störf í
Þumlaskógi í Ólafsvík þar sem við
höfum verið að gera stígakerfi.
Ásamt því höfum við verið að
byggja brýr og annað sem stígagerð
fylgir. Þetta hefur verið vinna sem
Skógræktarfélag Ólafsvíkur hefur
staðið í síðustu tuttugu árin. Þess
utan erum við að fara á aðra staði
og aðstoða við sambærileg atriði,“
segir Jón.
Spurður hvers vegna sjálfboðalið-
arnir koma hingað til lands ein-
göngu til að vinna launalaust í um
fimm mánuði segir Jón ástæðuna
einfalda. „Þetta er fólk sem kemur
hingað vegna ástríðu fyrir skógrækt
auk þess sem þetta eru allt nátt-
úruunnendur sem vilja bæta land-
ið,“ segir Jón og bætir við að mikill
áhugi sé fyrir ferð hingað til lands á
vegum Evrópusambandsins. „Það
hafa yfirleitt verið nokkur hundruð
manns sem sækja um þetta á hverju
ári.Við veljum síðan úr þeim hópi og
tökum yfirleitt það fólk sem hefur
mestan áhuga og ástríðu. Þess utan
reynum við alltaf að taka fólk með
mismunandi bakgrunn og uppruna
inn í hópinn,“ segir Jón.
Hafa staðið sig gríðarlega vel
Evrópusambandið borgar flug-
ferð sjálfboðaliðanna til landsins og
hluta af uppihaldi. Það sem eftir
stendur fellur í skaut Skógræktar-
félags Íslands að greiða. „Þau gista í
húsinu okkar við Úlfljótsvatn þar
sem höfuðstöðvar okkar eru. Þess
utan útvegum við þeim bíla meðan á
dvöl þeirra stendur,“ segir Jón sem
er gríðarlega ánægður með hópinn í
ár. „Veðrið í sumar hefur ekki verið
eins og best verður á kosið. Þrátt
fyrir það hafa þau öll verið mjög
dugleg og staðið sig alveg ótrúlega
vel,“ segir Jón.
Rækta skóglendi launalaust
 Erlendir sjálf-
boðaliðar dvelja
hér í fimm mánuði
Morgunblaðið/Alfons
Skógrækt Hópurinn er samsettur af sjálfboðaliðum frá fjórum löndum: Póllandi, Spáni, Tékklandi og Ítalíu. Þeir
hafa verið við störf á ræktunarreitum víða um land en komu hingað til lands í gegnum verkefni á vegum ESB.