Skírnir - 01.09.2016, Blaðsíða 19

SVANUR KRISTJÁNSSON
Varðmaður gamla Íslands
Forsetatíð Ólafs Ragnars Grímssonar 2012–2016
Ég valdi leiðtoga Framsóknarflokksins [Sigmund Davíð
Gunnlaugsson], en í kosningabaráttu sinni lagði hann mesta
áherslu á að takast á við skuldir heimilanna og beita þá vog-
unarsjóði, eða hvað þeir kallast, þrýstingi svo þeir næðu
ekki fram þeim gríðarlega hagnaði sem þeir hugðust ná fram
á íslensku bankakreppunni. Það var mjög lýðræðislegur
sigur og þess vegna veitti ég honum umboð til að leiða næstu
ríkisstjórn.
(Ólafur Ragnar Grímsson, 20. maí 2013)
Manni sýnist helst að forseti [Ólafur Ragnar Grímsson] telji
í raun allar breytingar á stjórnarskrá óþarfar. Það væri í sam-
ræmi við fyrri orð hans þegar hann lýsti stjórnarskránni frá
1944 sem listilegri smíð, án hnökra svo nokkru næmi.
(Guðni Th. Jóhannesson sagnfræðingur,
12. september 2015)
Ólafur Ragnar Grímsson var fyrst kjörinn forseti Íslands árið 1996
og aldamótaárið 2000 var hann sjálfkjörinn.1 Hann beitti fyrstur
forseta 26. gr. stjórnarskrárinnar sumarið 2004 er hann neitaði að
staðfesta lög um fjölmiðla sem Alþingi hafði samþykkt. Forseta-
kosningarnar sama ár endurspegluðu nokkra óánægju með þessa
framgöngu og tveir aðrir frambjóðendur voru þá í kjöri. Ólafur
Ragnar hafði hins vegar góðan sigur, hlaut tæp 86% atkvæða.
Skírnir, 190. ár (haust 2016)
1 Auður Styrkársdóttir, Helgi Skúli Kjartansson og ritrýnar Skírnis fá þakkir fyrir
gagnlegar athugasemdir og ábendingar við vinnslu greinarinnar. Þessi grein er sú
síðasta af fjórum um forsetatíð Ólafs Ragnars Grímssonar, sbr. Svanur Kristjáns-
son 2014, 2015a og 2015b.