Skírnir - 01.09.2016, Blaðsíða 54

en 30.000 manns á hann að gefa kost á sér áfram. Nú voru engar
slíkar opinberar áskoranir. Árið 2012 var gæfan hliðholl Ólafi
Ragnari, ekki síst í því að andstæðingar hans höfðu ekki getað sam-
einast um einn frambjóðanda gegn honum. Nú var nýr og öflugur
forsetaframbjóðandi, Guðni Th. Jóhannesson, í sjónmáli og naut
mikils stuðnings, jafnvel áður en hann gaf kost á sér. Ef valið stæði
eingöngu milli þeirra tveggja gætu kosningarnar farið á hvorn veg-
inn sem væri („Guðni velgir Ólafi …“ 2016).
Þann 2. maí 2016 birti Reykjavik Media ítarlega umfjöllun um
tengsl eiginkonu forsetans og fjölskyldu hennar við svissneska
bankareikninga og aflandsfélög. Þessar upplýsingar voru forseta-
hjónunum óhagstæðar. Dorritt Moussaieff forsetafrú hafði ekki
heldur lögheimili á Íslandi og greiddi hér enga skatta. Margt var
einnig á huldu um skattgreiðslur hennar yfirleitt — hvort sem var í
Bretlandi eða Ísrael. Enn verra fyrir Ólaf Ragnar var það að
skömmu áður hafði hann aðspurður í sjónvarpsviðtali alfarið neitað
öllum tengslum þeirra hjóna og fjölskyldu við aflandsfélög („Teng-
ist svissneskum bankareikningum …“ 2016).
Ólafur Ragnar neitaði fyrst að svara spurningum fjölmiðla um
málið en gaf síðan þá skýringu að hann hefði misskilið spurninguna
og haldið að eingöngu hefði verið spurt um eignir dætra sinna í af-
landsfélögum. Trúverðugleiki forsetans var þar með endanlega
horfinn. Helmingur fylgis hans hvarf eins og dögg fyrir sólu. Allt í
einu var Ólafur Ragnar orðinn varla hálfdrættingur á við Guðna
Th. Jóhannesson sem glansaði með nær 60% í skoðanakönnun (sbr.
„Fylgi Ólafs Ragnars minnkar …“ 2016). 8. maí lýsti Davíð Odds-
son, fyrrum formaður Sjálfstæðisflokksins, yfir framboði sínu til
forseta Íslands. Ljóst var að hann myndi a.m.k. sækja fylgi til
stuðningsfólks Ólafs Ragnars sem kaus Sjálfstæðisflokkinn.
Ólafur Ragnar Grímsson sá sína sæng upp reidda. Að þessu
sinni blés hann ekki til blaðamannafundar á Bessastöðum heldur
létt stutta yfirlýsingu nægja (Dagskrá forseta 2016, 9. maí). Þar sagði
að ekki væri lengur þörf á lengri setu Ólafs Ragnars á forsetastóli.
Öldur mótmæla hefði lægt og „þjóðmálin komin í hefðbundinn og
friðsamlegri farveg“. Einnig skipti miklu máli að fram væru komnir
forsetaframbjóðendur sem væru verðugir arftakar á forsetastóli,
290 svanur kristjánsson skírnir