Jökull - 01.07.2003, Blaðsíða 76

Helgi Torfason
HAUSTFERÐ
Haustferð félagsins var farin laugardaginn 15. sept-
ember. Farið var um virkjunarsvæðið við Vatnsfell og
framkvæmdir skoðaðar. Tókst ferðin mjög vel, þátt-
taka góð og veður hið blíðasta. Fararstjóri og leið-
sögumaður var Birgir Jónsson.
RÁÐSTEFNUR
Tvær stærri ráðstefnur voru haldnar á starfsárinu og
stutt ráðstefna um Kleifarvatn á jólafundinum. Nor-
rænt vetrarmót var haldið í janúar og vorráðstefna í
apríl. Haustráðstefnu var sleppt vegna Norræna vetr-
armótsins.
Norrænt Vetrarmót (Nordisk Vintermöde) var
haldið dagana 6.–9. janúar. Var það 25. norræna vetr-
armótið og það þriðja sem haldið er á Íslandi. Vetrar-
mót þessi eru haldin annað hvert ár og skiptast Norð-
urlöndin á að sjá um ráðstefnuna. Undirbúnings-
nefnd tók til starfa seinni part árs 2000 og lauk starfi
sínu með miklum sóma. Undirbúningsnefndin hélt 24
fundi og skipti með sér verkum. Sennilega hvíldi mest
vinna á herðum formanns undirbúningsnefndar Frey-
steins Sigmundssonar og Sigurðar Sveins Jónssonar,
er tók að sér að ritstjórn ráðstefnuheftisins, sem var
242 bls. og mjög glæsilegt. Congress Reykjavík sá
um framkvæmd ráðstefnunnar, var samstarf hið besta
og öll þeirra vinna til fyrirmyndar.
Einir þrettán aðilar styrktu ráðstefnuna og reynd-
ist nokkur hagnaður af henni. Um 300 manns sóttu
ráðstefnuna og voru flutt 132 erindi og sýnd 87
veggspjöld. Siv Friðleifsdóttir, umhverfisráðherra,
setti ráðstefnuna, kór Langholtskirkju söng og forseti
European Federation of Geologists (EFG), Dr. Gareth
Jones, flutti ávarp. Að lokinni setningu hófst ráðstefn-
an og síðan bauð Reykjavíkurborg ráðstefnugestum í
létt hanastél í ráðhúsi Reykjavíkur. Orkuveita Reykja-
víkur hafði móttöku í Gvendarbrunnum að loknum
öðrum ráðstefnudegi og í lok þriðja dags var kvöld-
verður, skemmtiatriði og stiginn dans í Perlunni. Síð-
asta ráðstefnudegi lauk með skoðunarferð um Reykja-
nes. Þótti ráðstefnan hafa tekist vel.
Vorráðstefna félagsins var haldin 15. apríl og sóttu
hana rúmlega 90 manns. Tókst hún vel þrátt fyrir að
vetrarmótinu væri fyrir stuttu lokið og sýnir þá grósku
sem er í jarðfræðirannsóknum í landinu. Ráðstefnurit
var að venju gefið út í tengslum við vorráðstefnuna.
JÖKULL
Árið 2001–2002 kom út 50. árgangur Jökuls og er
ritið alveg að komast á rétt ár. Ritstjórar Jökuls eru
Bryndís Brandsdóttir fyrir Jöklarannsóknafélagið og
Áslaug Geirsdóttir fyrir Jarðfræðafélagið. Í ritnefnd
sitja Haukur Jóhannesson, Helgi Björnsson, Helgi
Torfason, Karl Grönvold, Kristján Sæmundsson, Leó
Kristjánsson og Tómas Jóhannesson. Útgefendur Jök-
uls eru Jöklarannsóknafélag Íslands og Jarðfræðafélag
Íslands, en ritið er í eigu Jöklarannsóknafélagsins.
NEFNDIR OG RÁÐ
Orðanefnd – Haukur Jóhannesson (formaður), Frey-
steinn Sigurðsson, og Sigurður Sveinn Jónsson.
Nefndinni er falið að sjá um að þýða orð og gera
orðalista fyrir jarðfræðihugtök, en ekki skilgreina þau
nema þess þurfi vegna séraðstæðna. Miðað er við að
skilgreiningar hugtaka séu í erlendum orðabókum og
ætti því að vera óþarfi að skilgreina þau hugtök sér-
staklega fyrir Ísland. Stefnt var að því að klára handrit
orðalista fyrir vor 2002.
Undirbúningsnefnd fyrir vetrarmót norrænna
jarðfræðinga 2002 – Freysteinn Sigmundsson
(formaður), Áslaug Geirsdóttir, Bryndís Brandsdóttir,
Helgi Torfason, Hreinn Haraldsson, Ingibjörg Kaldal,
Kristján Ágústsson, Kristján Jónasson og Sigurður
Sveinn Jónsson. Nefndin vann mjög gott starf og
gekk ráðstefnan mjög vel. Voru nefndinni þökkuð
vel unnin störf. Nefndin lauk störfum sínum með
ráðstefnunni.
IAVCEI verðlaunanefnd. Nefndin er skipuð S.
Sparks (formaður) og er Ágúst Guðmundsson, Há-
skólanum í Bergen, fulltrúi Íslands. Ágústi til halds
og trausts voru þau Guðrún Larsen og Páll Einarsson,
Háskóla Íslands.
Fulltrúi félagsins í málum er varða Alþjóða jarð-
fræðisambandið (IUGS) var skipaður Helgi Torfason
fyrir JFÍ. Aðrir nefndarmenn eru Sveinn Jakobsson
(formaður), Haukur Tómasson, Guðrún Sverrisdóttir
og Sigurður Steinþórsson.
74 JÖKULL No. 52, 2003