Jökull - 01.12.2007, Side 62

Horft til norðausturs yfir Hofsjökul úr flugi yfir Nauthaga og nyrstu drögum Illavers. Fyrir miðri mynd er
Hjartafell í krikanummilli Nauthagajökuls og Múlajökuls. Þegar skriðjöklarnir voru mestir seint á 19. öld náðu
þeir saman sunnan fellssins og það reis sem hjartalaga jökulsker upp úr ísnum. Efst í fellinu sjást greinilega
hæstu rofmörk jökulsins. Síðar skildust skriðjöklarnir að. Framan við Nauthagajökul sést mikill samfelldur
garður samsíða jökuljaðrinum sem rekja má eins langt og augað eygir eftir vesturhlíð Hjartafells. Austan hans
eru reglubundnir smærrir garðar sem líkjast þvottabretti. Jökullinn hopaði ár frá ári en stóð kyrr að vetri svo
að smágarðarnir ýttust upp. Vestan við megingarðinn hefur jökuláin skolað burt öllum jökulgörðum. Gróður
teygir sig upp með farvegi kvíslar fyrir miðju Hjartafelli. Handan Múlajökuls gnæfir Arnarfell hið mikla og
austan þess er Þjórsárjökull. Kunnugir greina Miklafell í fjarska í stefnu upp af miðju Hjartafelli og Hásteina
austan í hákolli Hofsjökuls efst til vinstri. – A view toward northeast over the southern outlets of the Hofsjökull
ice cap. Trimlines in Hjartafell (centre) represent the maximum extent of the outlets Nauthagajökull (left) and
Múlajökull (right) during the late 19th century when Hjartafell was a nunatak. The washboard moraines for-
med during the retreat of Nauthagajökull. Texti/Text: Helgi Björnsson. Ljósm./Photo. Snævarr Guðmundsson,
July 18th 2007.
60 JÖKULL No. 57