Jökull - 01.12.2007, Page 94

Oddur Sigurðsson
Berjaspretta ágæt svo og trjávöxtur. Dilkar í góðu
meðallagi, en ódöngun er í rjúpnastofninum og afar
lítið sást af þeim fugli í haustsmalamennskum. Einnig
virðist músastofninn hér um slóðir eiga eitthvað bágt,
án þess að fyrir því sjáist nokkrar viðblasandi ástæður.
Skjaldfönn tók upp 20. ágúst, en mun meira var
eftir af fönnum á háfjallinu en nokkur undanfarin
haust. Góð tíð og jörð alauð til þessa.“
Reykjarfjarðarjökull – Þröstur Jóhannesson tók eft-
ir því að snjór var meiri austan megin í fjöllum og
víkum á Hornströndum en undanfarin sumur. Heima-
menn í Reykjarfirði veittu því athygli að jökulísinn á
Drangajökli kom seinna í ljós í sumar en verið hefur
síðustu árin, annað hvort vegna meiri snjóþyngsla eða
kulda nema hvort tveggja sé. Í lok sumars var leys-
ing á vetrarsnjónumkomin rúmlega hálfa leið frá jaðri
að jökulskerjunum. Í mælingaferðinni fannst steinn
sem meitlað var í ártalið 1977. Það gerði Guðmund-
ur Ketill Guðfinnsson og var steinninn þá hálfur inni í
jökli. Hann er nú skammt norðan viðmerki JÖRFI nr.
200.
Norðurlandsjöklar
Gljúfurárjökull – Kristján á Tjörn segir frá vorhreti
sem gekk yfir Norðurland seinni partinn í maí og tók
þann snjó ekki upp fyrr en seint um síðir. Miðað
við málað merki rannsóknarmanna frá háskólanum í
Leeds á Englandi virðist jökullinn hafa styst um 50 m
á 2 árum, sem er í góðu samræmi við 51 m sem mæld-
ust á merkjum Jörfi á sama tíma.
Búrfellsjökull – Samkvæmt mælingum er jökullinn á
báðum áttum hvort nóg sé fram gengið. Sveinn Bryn-
jólfsson telur þó að hann sé byrjaður að gefa sig.
Grímslandsjökull – Það kom Sigurði og Karli á óvart
að sporður jökulsins var í snjó þrátt fyrir góða tíð síð-
sumars (1. mynd). Mælingu varð því ekki komið við.
Hofsjökull
Blágnípujökull – Lónið kom í veg fyrir beina mál-
bandsmælingu svo GPS-mæling var látin duga.
Nauthagajökull – Hér var sett nýtt merki því að all-
langt er milli þess gamla og jökulsins. Það sama á við
umMúlajökul.
1. mynd. Þrátt fyrir góða tíð hylur snjór sporð Grímslandsjökuls og kemur í veg fyrir nákvæma mælingu.
–Survey site at Grímslandsjökull. Ljósm./Photo: Sigurður Bjarklind.
92 JÖKULL No. 57