Jökull - 01.12.2007, Qupperneq 101

verið samanlagt 125 km langar mælilínur. Síðar varð
álíka dagsverk metnaðarmál. Svo mikið var kappið
að mælilínur voru eknar uns buldi í sprungum undir
vélsleðunum.
Í páskafríi 1979 mældum við Jón þrjá jökla í
Svíþjóð, heilsuðum upp á Svíakonung og flugum
loks í þyrlu hans í veg fyrir járnbrautalest til Stokk-
hólms. Síðar spurði bandarískur jöklafræðiprófessor
sem starfaði nokkuð í Svíþjóðmig hvort það væri satt
að við hefðum tveir með aðstoð eins heimamanns ís-
sjármælt alla þrjá jöklana. Í Bandaríkjunum dytti eng-
um í hug að slíkt væri gert án fjölmenns leiðangurs
sem kostaði offjár. Hann féllst loks á að trúa þessu en
skildi það ekki, enda hitti hann aldrei Jón.
Á Grænlandsjökul fórum við Jón ásamt Arngrími
Hermannssyni og fundum á 90 m dýpi átta herflug-
vélar sem nauðlentu þar árið 1942. Menn vissu óljóst
á hvaða svæði þær væru en með skipulegri hernaðar-
áætlun fundust þær allar. Án Jóns hefði þessi íslenska
útrás ekki tekist. Ein þessara véla var síðan grafin upp
og flýgur nú um loftin blá og nefnist „Glacier girl“.
Jón kom upp hitaveitu í skálum Jöklarannsókna-
félags Íslands á Grímsfjalli, setti saman rafstöð sem
knúin er af jarðhitanum svo að skrá megi jarðskjálfta
og veður og senda gögn til byggða.
Það er mikið lán að hafa átt eins ósérhlífinn sam-
starfsmann og traustan félaga sem Jón Sveinsson. Frá
unglingsárum barðist hann gegn sykursýki af slíku
æðruleysi að hann varð fyrirmynd annarra sem lifa
með þann óvægna sjúkdóm. Við getum hins vegar
öll lært af honum þegar hallaði á hann í glímunni við
ellina og heilsuleysi. Jón var gæfumaður í einkalífi og
jafnræði með honum og Helgu konu hans. Hjá henni
og afkomendum þeirra er samúð okkar. Blessuð sé
minning Jóns Sveinssonar.
Helgi Björnsson
Íssjármælingamenn á Tungnaárjökli vorið 1980 bíða af sér óveður í Jökulheimum. F.v. Helgi Björnsson,
Ástvaldur Guðmundsson, Jón Sveinsson, Bryndís Brandsdóttir og Magnús Már Magnússon. Ljósm. Hannes
Haraldsson.
JÖKULL No. 57 99