Jökull - 01.01.2009, Qupperneq 139

Jöklarannsóknafélag Íslands
mælist á 39 stöðum, ómælandi var af ýmsum orsök-
um á 6 stöðum en framskriðmælist í Heinabergsjökli,
en það er rakið til aðstæðna við sporðinn en ekki góðri
heilsu jökulsins samkvæmt skýrslu Odds.
Afkomumælingar, og veðurathuganir
Jarðvísindastofnun og Landsvirkjun unnu mælingar
á Vatnajökli og Langjökli og Vatnamælingar Orku-
stofnunar á Hofsjökli og Þrándarjökli, en þessi verka-
skipting nú verið við lýði vel á annan áratug. Einnig
ráku fyrrnefndu stofnanirnar sjálfvirkar veðurstöðv-
ar á Vatnajökli og Langjökli. Jöklarannsóknafélagið
leggur verkefnum þessum lið í vorferð og öðrum ferð-
um en kemur ekki að þeim að öðru leyti.
Eftirlit meðMýrdalsjökli
Frekar rólegt var í Mýrdalsjökli og Katla hefur til-
tölulega lítið látið á sér kræla. Sérstakt eftirlit nokk-
urra vísindastofnana (jarðskjálftamælingar, síritandi
GPS landmælingar, rekstur sjálfvirkra veðurstöðva,
og reglubundið eftirlit með sigkötlum úr lofti) hefur
verið unnið eins og undanfarin ár.
FUNDIR
Haldnir voru aðalfundur, vorfundur og haustfundur.
Þeir voru allir haldnir hér í stofu 132 í Öskju. Að lokn-
um venjulegum störfum á aðalfundinum 27. febrúar,
fjallaði Einar Torfi Finnsson í máli og myndum um
nýlega ferð sína um eldfjallaslóðir í Ekvador. Fund-
inn sóttu 35 manns. Á vorfundinum 24. apríl hlýddu
um 50manns á erindi Guðrúnar Larsen um kvikukerf-
ið undir Kötlu og Þorsteinn Þorsteinsson sýndi mynd-
ir frá Eiríksjökli og umhverfi. Haustfundur var 22.
október en hann sóttu tæplega 70 manns. Þar talaði
Páll Einarsson um skjálfta við Upptyppinga og Þórð-
ur Bergsson sýndi myndir frá Haute Route, eina fræg-
ustu skíðaleið í Ölpunum.
ÚTGÁFA JÖKULS
Jökull 57 var prentaður nú í janúar og er nú kominn í
hendur þeirra félaga sem greitt hafa árgjöldin. Í þetta
sinn er Jökull 120 síður með fimm ritrýndum fræði-
greinum og fleira efni.
FRÉTTABRÉF OG VEFSÍÐA
Fjögur fréttabréf komu út á árinu. Það kemur bæði út
í fjölriti og á vefnum. Vefútgáfan er veglegri enda eru
í jafnan í henni nokkrar ljósmyndir sem ekki koma
í prentútgáfunni. Meirihluti félagsmanna fær nú til-
kynningu í tölvupósti um fréttabréfið og nálgast það
síðan á vefsíðu félagsins.
SKEMMTIFERÐIR
Að venju voru tvær skemmtiferðir, sumarferð og
haustferð. Sumarferðin var að þessu sinni farin um
Jónsmessuhelgina 22.–24. júní að Eiríksjökli. Hópur-
inn gekk á Eiríksjökul, ók upp á Strút og fór í Surts-
helli. Þátttakendur voru 37 og þótti ferðin hafa heppn-
ast mjög vel. Seinni ferðin var haustferð í Jökulheima
15.–16. september. Nú brá svo við að hausthret gerði
með snjó á hálendinu og þæfingsfærð. Þó fóru þrír vel
búnir bílar yfir Tungnaá á Gnapavaði og Breiðbak til
byggða. Aðrir fóru hefðbundna leið sem var þungfær
óbreyttum bílum. Það kom þó ekki að sök þar sem
Fordinn var með í för og veitti aðstoð þar sem með
þurfti.
SKÁLAMÁL
Að venju var í mörg horn að líta í skálaviðhaldi. Á
Grímsfjalli var mest vinnan eins og stundum áður. Ber
þar hæst að eldhúsið var stækkað í nýja skála með því
að litla snyrtiherbergið inn af andyrinu var tekið og
sameinað eldhúsinu. Smíðuð var ný innrétting og ný
gaseldavél sett upp. Þessar breytingar tókust mjög vel
og stórbæta aðstöðu hópa á Grímsfjalli. Dúkar á sal-
ernum og gufubaði voru endurnýjaðir og hert gler sett
í glugga á gufubaði. Borið var á öll hús og palla á
Grímsfjalli. Í Jökulheimum voru húsin þrifin rækilega
en fyrir utan hefðbundinn rekstur var ekki unnið í við-
haldi þar. Ekki var heldur unnið í viðhaldi í smærri
húsunum.
Síðastliðið haust fór Neyðarlínan þess á leit að fá
að setja upp Tetra sendi í húsum JÖRFÍ á Grímsfjalli.
Verulegur ávinningur yrði að slíkum sendi fyrir björg-
unarsveitir og fleiri og því vill félagið stuðla að því að
framgangi þessa verkefnis. Farin var ferð síðastliðið
haust þar sem búnaður var settur upp. Í ljós kom að
rafstöðin okkar réði ekki við að sjá þessum aflfreka
búnaði fyrir orku og að leita þyrfti nýrra lausna fyrir
Tetra stöð á Fjallinu. Unnið er að lausn málsins en
JÖKULL No. 59, 2009 139