Jökull - 01.01.2009, Page 141

Society report
Jarðfræðafélag Íslands
Skýrsla stjórnar fyrir starfsárið 2007
Fyrri hluta ársins 2007 störfuðu í stjórn félagsins
Andri Stefánsson (formaður), Børge Johannes Wig-
um (varaformaður), Bjarni Richter (gjaldkeri), Ingi-
björg Elsa Björnsdóttir (ritari), Kristín S. Vogfjörð
(meðstjórnandi), Rikke Petersen (vefstjóri) og Stein-
unn Hauksdóttir (meðstjórnandi). Seinni hluta árs
urðumannaskipti í kjölfar aðalfundar. Úr stjórn gengu
Ingibjörg Elsa Björnsdóttir, Steinunn Hauksdóttir og
Rikke Petersen og í stað komu Sóley Unnur Einars-
dóttir (meðstjórnandi), Eydís Eiríksdóttir (ritari) og
Anette Kærgaard Mortensen (meðstjórnandi). Einnig
tók Vigfús Eyjólfsson við umsjón vefsíðu félags-
ins. Slóðin er http://www.jfi.is og tölvupóstur stjórnar
jfi_stj@os.is. Alls eru nú um 270 félagar skráðir í fé-
lagið.
Störf félagsins voru með hefðbundnum hætti á ár-
inu. Vorfundur félagsins var haldinn 27. apríl í Öskju,
Náttúrufræðahúsi Háskóla Íslands. Fundinn sóttu yf-
ir 80 manns. Alls voru kynntar niðurstöður 35 verk-
efna í 20 erindum og á 15 veggspjöldum og tókst
vel til í alla staði. Aðalfundur félagsins var haldinn
í hádeginu þann 27. apríl og var með hefðbundnum
hætti. Helstu viðburðir ársins 2006 voru kynntir, farið
yfir endurskoðaða reikninga, nýjir félagar teknir inn
og kosið í nýja stjórn félagsins. Á aðalfundi voru
siðareglur félagsins samþykktar en þær voru unnar af
Vigdísi Harðardóttur, Steinunni Hauksdóttur, Helga
Torfasyni, Kristjáni Ágústssyni og Þorvaldi Þórðar-
syni. Siðareglurnar má nálgast á heimasíðu félagsins.
Ennfremur var tveimur nemendum veitt viðurkenning
fyrir framúrskarandi árangur á B.Sc. prófi í jarðvísind-
um við Háskóla Íslands, þeim Þórhildi Björnsdóttur
og Erlu Dóru Vogler.
Haustfundur félagsins var haldinn 8. nóvember og
bar heitið, „Hlýnun jarðar og binding CO2“. Fund-
urinn var haldinn í Orkugarði. Fundurinn tókst vel
til í alla staði og voru fleiri þátttakendur skráðir en
mörg undanfarin ár. Um var að ræða hálfsdagsfund
að venju. Áslaug Geirsdóttir flutti erindi um veðurfar
síðustu 2000 árin og Trausti Jónsson um veður síðustu
áratugina. Tómas Jóhannesson hélt erindi um við-
brögð jökla við breytingum á veðurfari og Jón Ólafs-
son um koldíoxíð í sjó. Því næst hélt Þráinn Frið-
riksson erindi um CO2 útstreymi frá jarðhitasvæðum
og Sigurður R. Gíslason um veðrun og bindingu CO 2.
Að lokum sagði Hólmfríður Sigurðardóttir okkur frá
verkefni tengt fyrirhugaðri bindingu CO2 í jarðlög á
Hellisheiði.
Haustferð félagsins var farin laugardaginn 10.
nóvember og var ferðinni heitið á Hellisheiði til að
skoða nýju virkjunina og þá staði þar sem CO2 nið-
urdæling og binding í jarðlög er fyrirhuguð. Farar-
stjóri var Einar Gunnlaugsson. Ferðin var mjög vel
heppnuð, fjölbreytt og skemmtileg, þátttakan var góð
og ánægjulegt að sjá öll börnin sem mættu með for-
eldrum sínum þetta árið.
Nefndir
Eftirfarandi nefndir störfuðu á vegum félagsins á ár-
inu 2007. Ritnefnd Jökuls – Fulltrúar félagsins í rit-
nefnd Jökuls eru Áslaug Geirsdóttir, ritstjóri, Karl
Grönvold og Kristján Sæmundsson. Sigurðarsjóður
– Andri Stefánsson (form.), Freysteinn Sigmunds-
son og Kristín Vogfjörð. Sigurðarmedalía – Frey-
steinn Sigmundsson (form.), Andri Stefánsson og
Olgeir Sigmarsson. Orðanefnd – Haukur Jóhann-
esson (form.), Freysteinn Sigurðsson og Sigurður
Sveinn Jónsson. Siðanefnd – Steinunn Hauksdóttir
(form.), Helgi Torfason, Kristján Ágústsson og Þor-
valdur Þórðarson. IUGS (nefnd skipuð af umhverfis-
ráðherra) – Andri Stefánsson fyrir hönd Jarðfræðafé-
lags Íslands.
Andri Stefánsson
JÖKULL No. 59, 2009 141