Breiðfirðingur - 01.04.1985, Side 33

BREIÐFIRÐINGUR
31
Höfnin í Grundarllröi árið 1935. Svartiskali til vinstri en Neshús til hægri.
Ljósm. Bæring Cecilsson.
Áður en myndun þorpsins hófst mátti segja að sjósókn væri
frá flestum bæjum hér í Eyrarsveit. Mun það hafa verið svo
lengi, er sögur kunna frá að segja. - Fyrsti maður með mótor-
bát hér í Grundarfirði var Páll Þorleifsson frá Hömrum. Bát-
urinn hét Svanur, oft nefndur Hamra-Svanur. Hann var 9
tonn. Hann var stækkaður seinna upp í 13 tonn. Það var gert
á Bíldudal eftir að hann strandaði árið 1928.
Þegar ég hóf vinnu hér í þorpinu 1945. þá voru gerðir hér út
fimm bátar, sá stærsti, Jóhann Dagsson var28 tonn. Skipstjóri
á honum var Ásmundur Jóhannsson frá Kverná. - Eins og
áður sagði byrjaði frystihús Grundfirðinga að taka fisk af
bátum 1942 og markaði það mikil tímamót hér á staðnum.
Hlutafélag um bygginguna hafði verið myndað árið 1936 en
upphafsmaður frystihússbyggingarinnar mun hafa verið Krist-
laugur Bjarnason, nú til heimilis á Grund í Grundarfiröi.
Árið 1948 kom hingað fyrsta skipið. sem bar nafnið Runólf-
ur. Það var 39 tonn að stærð. Fyrsti togari Grundfirðinga með
Runólfsnafni er tíu ára núna. Hinn togari okkar, eign Hjálm-
ars Gunnarssonar og Gunnar Hjálmarssonar, er Sigurfari II. -