Breiðfirðingur - 01.04.1985, Page 61

BREIÐFIRÐINGUR
59
Húnavatnssýslu og Ásta kona Ólafs Bjarnasonar óðalsbónda í
Brautarholti á Kjalarnesi. Ásta er ein eftir á lífi.
Skólahúsið vígt
Vorið 1910 keypti Ólafur prófastur Hjarðarholt á þeim for-
sendum að koma þar á fót unglingaskóla. Hann lét byggja
skólahús í Hjarðarholti og samdi við Thor Jensen kaupmann
að hann lánaði efni til byggingar skólahúss gegn greiðslu eftir
hentugleikum.
Byggingarefnið kom skömmu síðar til Búðardals og var
fljótlega byrjað á byggingunni. Hinn 11. september 1910 var
skólahúsið vígt á silfurbrúðkaupsdegi þeirra Ólafs og Ingi-
bjargar og giftingardegi Guðrúnar dóttur þeirra og séra
Björns Stefánssonar frá Auðkúlu.
Starfstími
Skólinn tók til starfa haustið 1910 og stóð til vorsins 1917,
fimm mánuði hvern vetur. Skólinn tók til starfa upp úr vetur-
nóttum og jólaleyfið stóð ekki nema 10 daga, en skólanum
lauk svo seint í mars.
Langflestir nemendur voru aðeins einn vetur í skólanum, þó
munu nokkrir hafa verið tvo. Kennslustundirnar byrjuðu að
morgninum og var kennt fram eftir degi með matarhléum og
hafa þær sennilega verið fleiri en 6.
Húsakynni og aðbúnaður
Eins og fram kemur hér að framan reisti Ólafur prófastur sér-
stakt hús undir skólann sumarið 1910. Var húsið 20 álna langt
og 6 álna breitt, tvílyft með góðu risi. Steinsteyptur kjallari var
undir öllu skólahúsinu. Fullgert kostaði húsið tæpar 6.000
krónur.
Þar sem húsið stóð hærra en vatnsbólið, var í kjallaranum
vatnsdæla, því að ógerningur hefði verið að bera allt vatnið að
húsinu.
Á neðri hæðinni var kennslustofan. Var hún rúmgóð, björt
og hátt undir loft og nægur hiti. Gluggar voru á báðum hliðum.