Breiðfirðingur - 01.04.1985, Qupperneq 74

72
BREIÐFIRÐINGUR
stofnað 14. febr. 1909fyrirforgöngu Hjarðarholtsbræðra Jóns
og Páls Ólafssona. Var þá sem upp rynni nýr dagur og vakning
varð í hugum margra. Mörg ný verkefni voru dregin fram í
dagsljósið, sem æskan ræddi af áhuga og kappi, sum þeirra
hafa án efa horfið í gleymskunnar djúp, en þó án efa unnið sitt
gagn, þótt ef til vill sýni það sig ekki í fljótu bragði. Lengi
verða mér minnisstæð orð séra Ólafs sem hann viðhafði á
stofnfundi ungmennafélagsins Ólafs pá. Þau sýndu glögglega,
að hann stóð á bak við syni sína í þeirri hreyfingu sem þá var
að fara af stað.
Eg hefi orðið svo margorður um þetta sökum þess, að eg tel
að hér hafi verið um vakningu að ræða, er mótað hafi allmörg
ungmenni þeirra tíma er hér um ræðir og sú vakning stafaði frá
hinum ágæta skóla séra Ólafs í Hjarðarholti og heimili hans
sem af merkum mönnum var einnig talið góður skóli og einkar
vel fallið til hollra uppeldisáhrifa á æskumenn og konur er þar
dvöldu.“
Pórhallur Ólafsson fyrrverandi héraðslœknir
Þórhallur Ólafsson fyrrverandi héraðslæknir Búðardal Dala-
sýslu segir svo frá:
Eg hefi nú kynnst talsvert mörgu fólki, sem var í skóla hjá
Ólafi prófasti Ólafssyni í Hjarðarholti. Mér hefur fundist það
vera þroskamikið og traust fólk. Það hefur margur æsku-
maður bæði karl og kona sótt mikla þekkingu í Hjarðarholts-
skólann hjá Ólafi prófasti.