Breiðfirðingur - 01.04.1985, Side 104

102
BREIÐFIRÐINGUR
Gamla samkomuhúsið í Króksfjarðarnesi.
eitthvað þurfti að framkvæma, að fá hálfsmánaðarvinnu fyrir
ekki neitt.
Ég var víst ekki gamall þegar ég fór að snúast í kringum
skepnur, sækja kýr og hesta og hjálpa til við féð. Sauðfé og
hestar hafa alltaf heillað mig, einkum þó kindurnar. Vel man
ég fyrstu kindina mína. Það var lamb, fætt að haustinu og alið
í fjósi fyrsta veturinn. Ég átti margar ferðir í fjósið að heim-
sækja lambið. Karl einn, sem hirti kýrnar, kallaði það Grýlu
og sárnaði mér mikið slík nafngift. Þessa kind átti ég lengi og
þó hún væri lítil, gerði hún alltaf væn lömb.
Félagslíf
Á þessum árum var ekki mikið um bækur á sveitaheimilum en
lestrarfélag var starfandi í Geiradal. Á hverju ári var þó reynt
að kaupa eitthvað af bókum á heimilin. Þá var lesið upphátt á
kvöldvökum og kom það oft í minn hlut að lesa. Góður ná-
granni, sem ég hefi getið áður, Jón Einarsson á Kletti átti
mikið af bókum. Hann lánaði mér oft bækur.
Ungmennafélag var starfandi í sveitinni. Það var stofnað á