Breiðfirðingur - 01.04.1995, Síða 57

MINKURINN I' BREIÐAFJARÐAREYJUM
55
niðrí fjöru. Föður hans mun ekki hafa fundist þetta líklegt, en
fór þó þegar með honum. Kom þá í ljós að hér voru tveir
minkayrðlingar á ferð sem forðuðu sér þegar undir stóran
stein. Þeir feðgar lögðu net utan um steininn í þeirri von að
þeir kynnu að festast í því en það gekk ekki.
Daginn eftir sáust þeir á öðrum stað í fjörunni og tókst þá
Karli ásamt kaupamanni sínum Viggó Þorvarðarsyni að hand-
sama þá með því að kasta yfir þá peysu. Karl fór síðan með þá
til Stykkishólms og tilkynnti oddvita um veiðiskapinn. Ég hef
líka heyrt þá sögu að hann hafi farið með þá lifandi inn á
skrifstofu til Sigurðar Ágústssonar og mælst til að þeir tækju
við þeim, því líklegt væri að þeir væru ættaðir frá þeim.
Ég held að þessir yrðlingar úr Skákarey séu fyrstu mink-
amir sem veiddir hafa verið í Breiðafjarðareyjum, en því mið-
ur ekki þeir síðustu.
Það skeði líka vorið 1948 er Kristján Kristjánsson á Þing-
völlum var á trillu sinni á leið frá Stykkishólmi til Þingvalla,
að hann sá eitthvað óvenjulegt í sjónum, er hann var kominn á
móts við svonefndan Húshólma, sem er skammt austur af
Stykkishólmi. Og er hann athugaði þetta nánar sá hann að
þetta var minkur á sundi. Hann reyndi að sjálfsögðu að granda
dýrinu með því að slá til þess með spýtu því engin byssa var í
bátnum. En minkurinn var fljótur að kafa er hann sá bareflið
nálgast, svo þeirra viðeign lauk svo að hann komst til lands í
svonefndum Þingvallatanga og var fljótur að hverfa þar inní
grjóturð.
Við höfum ekki alltaf grætt á innflutningi. Verst hefur þó
tekist til þegar við höfum flutt inn lifandi dýr. Nægir í því
sambandi að nefna karakúlféð (mæðiveikina) og minkinn.
Minkaeldi mun hafa hafist hér á landi 1931. Það var
Gunnar á Selalæk sem fékk fyrstu dýrin. Talið var sérstaklega
hagkvæmt að ala þessi dýr hér, því þau lifðu eingöngu á fiski
sem við hefðum nóg af.
Guðmundur Bárðarson prófessor og fleiri vöruðu við
þessum innflutningi og spáðu því að minkurinn myndi fljótt
sleppa úr haldi og þá valda miklu tjóni á fuglalífi landsins. Á