Breiðfirðingur - 01.04.1995, Side 65

Árni Björnsson
Vísur úr Miðdölum
Bœjavísur Magnúsar á Þórólfsstöðum
Magnús Vigfússon (1905-1987) á Þórólfsstöðum í Miðdölum
var afkastamikill hagyrðingur. Ekki þótti hann að sama skapi
listfengur eða hnittinn en hafði þokkalegt brageyra og var vel
að sér um heiti og kenningar eftir hinum myrku eddureglum
síðari alda.
Magnús orti eða lauk við bæjavísur um Miðdalahrepp árið
1942 og væri fróðlegt að vita hvort nokkur þekkir öllu yngri
bæjarímu í þessum stíl. Undantekningarlítið hefur hann tvær
vísur um hvert heimili, eins þótt tví- eða þríbýlt sé á bæ og er
önnur yfirleitt um bóndann en hin um húsfreyjuna nema um
einbúa sé að ræða eins og síra Ólaf á Kvennabrekku. Heimili
hreppstjórans fær samt þrjár vísur.
Sjaldan er þó um nokkra marktæka mannlýsingu að ræða.
Helst vottar fyrir því um prestinn og kennarann. Það var ekki
heldur algengt í bæjavísum af þessum toga. Mergurinn máls-
ins var að koma fyrir nöfnum bæja og manna ásamt góðlát-
legum einkunnum um hvern og einn. Kenningarnar virðast
stundum nokkuð langsóttar og torskildar en þær merkja nálega
aldrei annað en eitt af þrennu: karl, konu eða jörð. Innihald og
jafnvel ljóðstafasetning eru beygð miskunnarlítið undir kröfur
innríms og endaríms. Það voru slíkar rímur rímsins vegna sem
Jónas Hallgrímsson gagnrýndi harðast hundrað árum fyrr við
litlar undirtektir þjóðarinnar.
Vilji menn skemmta sér við að leita nánari skýringa á