Breiðfirðingur - 01.04.1995, Side 102

100
BREIÐFIRÐINGUR
ur, og þá væri mér sönn ánægja að geta tekið á móti þér hvort
heldur þú vildir um skemri eða lengri tíma.
Eg vonast eptir fréttafróðu bréfi frá þér með næsta pósti þó
eg með þessum línum engan veginn verðskuldi það; því nú
hef eg annríki mikið bæði að skrifa ýmsum með pósti, og
gegna meðalamönnum.
Lifðu ætíð elskan mín einsog best getur óskað þinn elskandi
faðir
Benedikt J. Gabríel.
Tegner þessi er nefndur í Lœknatali I (1970) og er sagt að hann hafi
verið norskur skipslœknir og ókunnugt sé um lœrdóm hans.
Felli í Tálknaf. 16. des. 1877
Elskuleg dóttir góð!
Eg þakka þér kærlega fyrir bréfið þitt, sem eg loksins fekk hér
um daginn.
Mér líður hér vel G(uði) s(é) l(of) og kenni 8 bömum og
hef þessutan töluverða aðsókn af meðalamönnum. Þessi Tegner
sem híngað var sendur á Vatneyri er handónýtur drykkjurútur
og leita hans engir, enda er hann líka alveg meðalalaus. Eg get
ekki klárað þessar 100 kr. sem eg hef lofað stjúpa þínum, því
eg á þær nú ekki til, en eg vona að geta verið búinn að nurla
þær saman þegar miðsvetrarpóstur fer, og ætla eg þá að senda
honum þær, segðu honum það.
Eg get ekkert skrifað þér í fréttum sem þér þykir gaman að,
því þú ert svo ókunnug hér, en þú átt elskan mín svo hægt með
að skrifa mér margt sem mig interessar úr Reykjavík; mundu
eptir að gefa mér uppskrifað kvæðið „Og hör nu gode Venner
etc.“ eg veit að móðir þín kann það. Heilsaðu henni og stjúpa
þínum kærlega frá mér.
Sjálfa þig kveð eg með mínum bestu óskum og vonast eptir
löngu og fréttafróðu bréfi frá þér með næsta pósti.
Þinn elskandi faðir
Bened. J. Gabríel.